କନକ ବ୍ୟୁରୋ: ଏନସିବି ଆଗରେ ଆଜି ହାଜର ହେବେନି ଶାହାରୁଖ ଖାନଙ୍କ ପୁଅ ଆରୟନ ଖାନ୍ । ନାର୍କୋଟିକ୍ସ କଣ୍ଟ୍ରୋଲ ବୁରୋ ରବିବାର ତାଙ୍କୁ ପଚାରଉଚୁରା ପାଇଁ ଡାକିଥିବାବେଳେ ଆରୟନ ଏନସିବିରେ ହାଜର ହୋଇନାହାଁନ୍ତି । ତେବେ ଆରୟନଙ୍କ ମ୍ୟାନେଜରଙ୍କ କହିବା କଥା, ତାଙ୍କର ସ୍ୱାସ୍ଥ୍ୟାବସ୍ଥା ଏବେ ଠିକ୍ ନାହିଁ । ତାଙ୍କୁ ସାମାନ୍ୟ ଜ୍ୱର ହୋଇଛି , ଯେଉଁ କାରଣରୁ ଆରୟନ ଆଜି ଏନସିିବି ସାମ୍ନାରେ ହାଜର ହୋଇପାରିବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଆରୟନ ଖାନଙ୍କୁ ଅଧିକ ପଚରାଉଚୁରା କରିବା ପାଇଁ ଏନସିବି ତାଙ୍କୁ ସନ୍ଧ୍ୟା ୬ଟା ସମୟରେ ହାଜର ହେବାକୁ ନିର୍ଦ୍ଦେଶ ଦେଇଥିଲା । ହେଲେ ଏହି ସମୟରେ ସେ ଏନସିବିରେ ହାଜର ହୋଇନାହାଁନ୍ତି । ତାଙ୍କୁ ସାମାନ୍ୟ ଜ୍ୱର ହୋଇଥିବା ତାଙ୍କ ମ୍ୟାନେଜର ସୂଚନା ଦେଇଛନ୍ତି । ଏଭଳି ସମୟରେ ସେ ଏନସିବି ଅଫିସରଙ୍କ ପ୍ରଶ୍ନର ସାମ୍ନା କରିପାରିବେ ନାହିଁ ବୋଲି କୁହାଯାଇଛି । ତେବେ ଡ୍ରଗ୍ସ କେସରେ ଆଜି ଅନ୍ୟତମ ଅଭିଯୁକ୍ତ ଅରବାଜ ମର୍ଚାଣ୍ଟ ଓ ଅଚିତ କୁମାରଙ୍କୁ ପଚରାଉଚୁରା କରାଯାଇଛି ।
ସୂଚନାଯୋଗ୍ୟ ଯେ, ଡ୍ରଗ୍ସ ମାମଲାରେ ଦୀର୍ଘ ୨୫ ଦିନ କାଳ ଜେଲରେ ରହିବା ପରେ ଜାମିନରେ ମୁକୁଳିଛନ୍ତି ଶାହାରୁଖ ଖାନଙ୍କ ପୁଅ ଆରୟନ ଖାନ୍ । ତେବେ ଏନସିବି ନିର୍ଦ୍ଦେଶ ଦେଲେ ତାଙ୍କୁ ଯେକୌଣସି ମୁହୂର୍ତ୍ତରେ ଆସି ଏନସିବି ଅଫିସରେ ହାଜର ହେବାକୁ ନିର୍ଦ୍ଦେଶ ରହିଛି । ହେଲେ ଆଜି ତାଙ୍କ ସ୍ୱାସ୍ଥ୍ୟଗତ ଅସୁବିଧା କାରଣରୁ ସେ ଏନସିବି ପଚରାଉଚୁରାର ସାମ୍ନା କରିପାରିବେ ନାହିଁ ବୋଲି କୁହାଯାଇଛି । କୁହାଯାଉଛି, ଆସନ୍ତା ନଭେମ୍ବର ୯ ତାରିଖରେ ଆରୟନ ଖାନଙ୍କୁ ଏନସିବି ପଚରାଉଚୁରା କରିବ ।