ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ: ନାବାଳିକା ପତ୍ନୀଙ୍କ ସହ ଶାରିରୀକ ସମ୍ପର୍କ ‘ଦୁଷ୍କର୍ମ’
କନକ ବ୍ୟୁରୋ: ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ । ନାବାଳିକା ପତ୍ନୀଙ୍କ ସହ ଶାରୀରିକ ସଂପର୍କକୁ ଦୁଷ୍କର୍ମ ଅପରାଧ ଭାବେ ଗ୍ରହଣ କରାଯିବ କି ନାହିଁ ଏ ନେଇ ଦୀର୍ଘ ଦିନ ହେବ ବିବାଦ ଲାଗି ରହିଥିଲା । ତେବେ ୧୫ରୁ ୧୮ ବର୍ଷ ବୟସର ନାବାଳିକା ପତ୍ନୀଙ୍କ ସହ ଶାରୀରିକ ସଂପର୍କକୁ ଦୁଷ୍କର୍ମ ଅପରାଧ ଭାବେ ଗ୍ରହଣ କରାଯିବ ବୋଲି ଆଜି ସର୍ବୋଚ୍ଚ ଅଦାଲତ ରାୟ ଦେଇଛନ୍ତି । କାରଣ ସହମତି ଭିତିରେ ଶାରୀରିକ ସଂପର୍କ ରଖିବାର ବୟସ ସୀମାକୁ ହ୍ରାସ କରାଯାଇ ପାରିବନି । ଏହି ମାମଲାରେ ପତ୍ନୀ ପୋଲିସରେ ଅଭିଯୋଗ କରିପାରିବେ ବୋଲି କୋର୍ଟ ତାଙ୍କ ନିଷ୍ପତିରେ କହିଛନ୍ତି । ପୋକ୍ସୋ ଆଇନ ଅନୁସାରେ ଏହି ମାମଲାର ବିଚାର ହେବ ବୋଲି ମଧ୍ୟ କହିଛନ୍ତି ସୁପ୍ରିମକୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ଆଇପିସି ୩୭୫ ଧାରା ୨ରେ ପୂର୍ବରୁ ୧୫ରୁ ୧୮ ବର୍ଷ ନାବାଳିକା ପତ୍ନୀ ସହ ଶାରିରୀକ ସମ୍ପର୍କ ରଖିଲେ ତାକୁ ଦୁଷ୍କର୍ମ କୁହାଯାଉନଥିଲା । କେନ୍ଦ୍ର ସରକାର କୋର୍ଟରେ ଏହି ଆଇନର ସମର୍ଥନ ଜଣାଇଥିଲେ । ସାମାଜିକ ପରିସ୍ଥିତିକୁ ଦୃଷ୍ଟିରେ ରଖି ଏହି ନିୟମ ଉପରେ ସଂସଦରେ ମଧ୍ୟ କୌଣସି ଆଲୋଚନା କରାଯାଇନଥିଲା । ଦେଶରେ ଆର୍ଥିକକ୍ଷେତ୍ରରେ ପଛୁଆ ବର୍ଗରେ ଆଜି ବି ବାଲ୍ୟ ବିବାହ ଭଳି ଘଟଣା ସାମ୍ନାକୁ ଆସିଛି ।
ଭାରତରେ ମହିଳାଙ୍କ ବିବାହ ବୟସ ସୀମା ୧୮ ବର୍ଷ ଥିବା ବେଳେ ପୁରୁଷଙ୍କ କ୍ଷେତ୍ରରେ ୨୧ବର୍ଷ ରହିଛି । ଏହି ବୟସ ଠାରୁ କମ୍ ବୟସରେ ବିବାହକୁ ଅପରାଧ ବୋଲି କୁହାଯାଏ । ଆପିସି ନିୟମ ଅନୁସାରେ ଏହିି ମାମଲାରେ ଦୁଇ ବର୍ଷ ଦଣ୍ଡ ଭୋଗିବାର ବ୍ୟବସ୍ଥା ରହିଛି । ଏସବୁ ସତ୍ୱେ ଦେଶର ବଡବଡ ସହର ମାନଙ୍କରେ ବାଲ୍ୟବିବାହ ୦.୭ ପ୍ରତିଶତ ବୃଦ୍ଧି ପାଇଥିବା ବେଳେ ଗ୍ରାମାଂଚଳରେ ଏହାର ମାତ୍ରା ୦.୩ ପ୍ରତିଶତ ହ୍ରାସ ପାଇଛି ।