ମହାଲିଙ୍ଗ କଲେଜ ଛାତ୍ରଙ୍କ ବଡ ଖୁଲାସା । କଲେଜରେ ଚାଲିଥିଲା ସେକ୍ସ ରାକେଟ, ଦିନ ରାତି ଲେଡିଜ ହଷ୍ଟେଲରେ ପଡି ରହୁଥିଲେ ଗୋବିନ୍ଦ!
କନକ ବ୍ୟୁରୋ : ମମିତା ହତ୍ୟାକାଣ୍ଡକୁ ନେଇ ସାମ୍ନାକୁ ଆସିଲା ବଡ ତଥ୍ୟ । ମମିତା ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁଙ୍କ କଲେଜରେ ଚାଲିଥିଲା ସେକ୍ସ ରାକେଟ । ଏନେଇ କନକ ନ୍ୟୁଜକୁ ନାଁ ପ୍ରକାଶ ନକରିବା ସର୍ତ୍ତରେ କହିଛନ୍ତି କଲେଜର ଜଣେ ଛାତ୍ର । କଲେଜରେ ସମସ୍ତଙ୍କୁ ମନା ଥିଲା ମୋବାଇଲ ଫୋନ୍ । କିନ୍ତୁ କିଛି ଛାତ୍ରୀଙ୍କୁ ମୋବାଇଲ ଫୋନ୍ ନେବାକୁ ଅନୁମତି ଥିଲା । ଗୋଟିଏ କାର୍ଯ୍ୟକ୍ରମରେ କିଛି ଝିଅଙ୍କ ହାତରେ ମୋବାଇଲ ଦେଖିବାକୁ ମିଳିଥିଲା । ଯେଉଁମାନେ ସେକ୍ସ ରାକେଟରେ ଥିଲେ ସେମାନଙ୍କୁ ମୋବାଇଲ ନେବାକୁ ଅନୁମତି ଦେଉଥିଲା ଗୋବିନ୍ଦ ସାହୁ ।
Kanak News is now on WhatsApp
Join and get latest news updates delivered to you via WhatsApp
ଆଉ ସବୁଠୁ ବଡ କଥା ହେଉଛି ଲେଡିଜ ହଷ୍ଟେଲରେ ପ୍ରାୟ ଅଧିକାଂଶ ସମୟ ଗୋବିନ୍ଦ ସାହୁ ରହୁଥିବା ନେଇ କହିଛନ୍ତି ଛାତ୍ର । ନେତା ଓ ମନ୍ତ୍ରୀ ମଧ୍ୟ ଏଠାକୁ ଆସିଥିବା ନେଇ କହିଛନ୍ତି ଛାତ୍ର । ଏପରିକି ଲେଡିଜ ହଷ୍ଟେଲ ମଧ୍ୟକୁ ଦିବ୍ୟଶଙ୍କର ମିଶ୍ର ଯାଉଥିବା ନେଇ କହିଛନ୍ତି ଛାତ୍ର ଜଣକ । ଏହାପୂର୍ବରୁ କଲେଜରେ ଅନୈତିକ କାର୍ଯ୍ୟ ଚାଲୁଥିବା ନେଇ ବାରମ୍ବାର ଅଭିଯୋଗ କରି ଆସୁଛନ୍ତି ସ୍ଥାନୀୟ ବାସିନ୍ଦା । ଏପରିକି କଲେଜକୁ ମନ୍ତ୍ରୀ କାହିଁକି ବାରମ୍ବାର ଆସୁଥିଲେ ତାହାକୁ ନେଇ ପ୍ରଶ୍ନ ଉଠିଛି । କିନ୍ତୁ କଲେଜ ଓ ଦିବ୍ୟଶଙ୍କରଙ୍କ ପ୍ରସଙ୍ଗରେ ପଚରାଯାଇଥିବା ପ୍ରଶ୍ନକୁ ବାରମ୍ବାର ଏଡାଇ ଯାଇଥିଲେ ଉତ୍ତରାଞ୍ଚଳ ଡିଆଇଛି । କିନ୍ତୁ ତଦନ୍ତ ଆଗକୁ ବଢୁଥିବା ବେଳେ କଲେଜରେ ସେକ୍ସ ରାକେଟ ଚାଲୁଥିବା ନେଇ ଛାତ୍ର ଜଣକ ମୁହଁ ଖୋଲିବା ପରେ ଏବେ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି ।