ସ୍ତ୍ରୀ କରିଥିଲେ ବ୍ୟୁଟିପାର୍ଲର ସ୍ୱାମୀ କରୁଥିଲେ ଭିଡ଼ିଓ !
ଅନୁଗୁଳ ତୁରଙ୍ଗରେ ସେକ୍ସ ରାକେଟ ଚଳାଇଥିବା ଅଭିଯୋଗରେ ସ୍ୱାମୀ ସ୍ତ୍ରୀଙ୍କୁ ଗିରଫ କଲା ପୋଲିସ; ସେପଟେ ମହିଳାଙ୍କୁ ଦୁଷ୍କର୍ମ ଅଭିଯୋଗରେ ବାପ ପୁଅ ଗିରଫ
କନକ ବ୍ୟୁରୋ : ସ୍ତ୍ରୀ କରିଥିଲେ ବ୍ୟୁଟି ପାର୍ଲର ସ୍ୱାମୀ କରୁଥିଲେ ଭିଡ଼ିଓ । ଅନୁଗୁଳ ତୁରଙ୍ଗରେ ସେକ୍ସ ରାକେଟ ଚଳାଇଥିବା ଅଭିଯୋଗରେ ସ୍ୱାମୀ ସ୍ତ୍ରୀଙ୍କୁ ଗିରଫ କଲା ପୋଲିସ । ସେପଟେ ମହିଳାଙ୍କୁ ଦୁଷ୍କର୍ମ ଅଭିଯୋଗରେ ବାପ- ପୁଅଙ୍କୁ ଗିରଫ କରି ପୋଲିସ କୋର୍ଟ ଚାଲାଣ କରିଛି । ତେବେ ବିୟୁଟିପାର୍ଲରର ମାଲିକ ଏବଂ ତାଙ୍କ ସ୍ତ୍ରୀଙ୍କୁ ବ୍ଲାକ ମେଲିଙ୍ଗ କରିବା ଅଭିଯୋଗରେ ପୋଲିସ ଗିରଫ କରିଛି ।
Kanak News is now on WhatsApp
Join and get latest news updates delivered to you via WhatsApp
୨୦୧୯ରେ ତୁରଙ୍ଗ ଅଂଚଳର ବ୍ୟକ୍ତି ଜଣଙ୍କ ଅନୁଗୁଳ ସହରର ରାଜିବ ଅଗ୍ରୱାଲ ନାମକ ବ୍ୟବସାୟୀଙ୍କ ଠାରୁ ୧୦ଟି ଟ୍ରାକ୍ଟର ନେବାକୁ କହି ସମ୍ପର୍କ ସ୍ଥାପନ କରିଥିଲେ । ଏହା ପରେ ତୁରଙ୍ଗ ଅଂଚଳ ସମ୍ପୃକ୍ତ ବ୍ୟକ୍ତିଙ୍କ ଘରକୁ ରାଜିବ ଓ ତାଙ୍କ ପୁଅ ଅଭିଶେକ ଅଗ୍ରୱାଲ ଯିବା ଆସିବା କରୁଥିଲେ । ଅଭିଶେକ ସମ୍ପୃକ୍ତ ବ୍ୟକ୍ତିଙ୍କ ଘରକୁ ଯିବା ଅସିବା ସମୟରେ ତାଙ୍କ ସ୍ତ୍ରୀଙ୍କ ସହ ଶାରୀରିକ ସମ୍ପର୍କ ରଖିଥିଲେ । ଯାହାର ଭିଡ଼ିଓ ସୁଟିଂ କରି ମହିଳା ଜଣକ ରଖିବା ସହ ବ୍ଲାକ ମେଲିଂ କରି ୩୦ ଲକ୍ଷ ଟଙ୍କା ଦାବି କରିଥିଲେ । ଫଳରେ ଅଗଷ୍ଟ ୨୫ ତାରିଖରେ ରାଜିବ ନେଟ ବ୍ୟାଙ୍କିଙ୍ଗ ଜରିଆରେ ୧ ଲକ୍ଷ ୨୯ ହଜାର ଟଙ୍କା ଦେଇଥିବା ବେଳେ ଅଭିଶେକ ଫୋନ୍ ପେ ମାଧ୍ୟମରେ ୧୦ ହଜାର ଟଙ୍କା ଦେଇଥିଲେ ।
ଏହା ପରେ ଅଧିକ ଟଙ୍କା ଦାବି କରିବାରୁ ଅଭିଶେକ ୩ ତାରିଖରେ ଅନୁଗୁଳ ଟାଉନ ଥାନାରେ ଅଭିଯୋଗ କରିଥିଲେ । ତେବେ ମହିଳା ଜଣ ତାଙ୍କୁ ଦୁଷ୍କର୍ମ କରିଥିବା ନେଇ ପାଲଟା ଅଭିଯୋଗ ଆଣିଥିଲେ । ଅଭିଯୋଗ ପାଇଁ ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲା । ତଦନ୍ତ ପରେ ବ୍ଲାକ ମେଲିଂ ମାମଲାରେ ପୋଲିସ ସମ୍ପୃକ୍ତ ମହିଳା ଓ ତାଙ୍କ ସ୍ୱାମୀଙ୍କୁ ଗିରଫ କରି କୋର୍ଟ ଚାଲାଣ କରିଛି । ମହିଳାଙ୍କ ଅଭିଯୋଗ ଆଧାରରେ ରାଜୀବ ଅଗ୍ରୱାଲ ଏବଂ ପୁଅ ଅଭିଶେକ ଅଗ୍ରୱାଲଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।