ଅଶାନ୍ତ ଆସାମରୁ ଫେରିଲେ ଓଡିଶା ୧୯ ବର୍ଷରୁ କମ କ୍ରିକେଟର । ପୋଡାଜଳା ଓ ହିଂସା ଯୋଗୁଁ ଗୁଆହାଟିରେ ଫସିରହିଥିଲେ ଦୁଇ ଦିନ ଦୁଇ ରାତି
ନାଗରିକତା ସଂଶୋଧନ ବିଲକୁ ବିରୋଧ କରି ଚାଲିଛି ହିଂସାକାଣ୍ଡ
କନକ ବ୍ୟୁରୋ: ଭାରତୀୟ ସଂସଦର ଗୋଟିଏ ବଡ ନିଷ୍ପତି ପରେ ଅଶାନ୍ତ ହୋଇପଡିଛି ଉତ୍ତର ପୂର୍ବାଂଚଳ । ନାଗରିକତା ସଂଶୋଧନ ଆଇନକୁ ସବୁଠାରୁ ଅଧିକ ବିରୋଧ ଆସାମରେ ହେଉଛି । ହିଂସା ଓ ପୋଡାଜଳା ଭିତରେ ଅଶାନ୍ତ ହୋଇପଡିଛି ଆସାମ । ଆଉ ଅଶାନ୍ତ ଆସାମରୁ ଫେରିଛନ୍ତି ଓଡ଼ିଶାର ୧୯ବର୍ଷରୁ କମ୍ କ୍ରିକେଟର । ଖେଳିବାକୁ ଯାଇ ଆସାମରେ ଫସିଥିବା ଓଡ଼ିଆ ଖେଳାଳି ସୁରକ୍ଷିତ ଭାବେ ରାଜ୍ୟକୁ ଫେରିଆସିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରବଳ ଉତ୍ତେଜନା ଭିତରେ ଦୁଇ ଦିନ ଦୁଇ ରାତି ଗୁଆହାଟୀରେ କାଟିଥିଲେ ଏହି ଖେଳାଳି । ନାଗରିକତା ସଂଶୋଧନ ବିଲ୍ ବିରୋଧରେ ଆସାମରେ ପ୍ରବଳ ବିରୋଧ ଚାଲିଥିବା ବେଳେ ଏହାରି ଭିତରେ କୁଚ୍ ବିହାର ଟ୍ରଫି ଖେଳିବାକୁ ଯାଇଥିଲେ ଓଡ଼ିଆ କ୍ରିକେଟର । ହେଲେ ଜାତୀୟ ରାଜପଥ କଡରେ ଥିବା ଏକ ହୋଟେଲରେ ଏମାନଙ୍କୁ ଦୁଇ ଦିନ ଦୁଇ ରାତି କାଟିବାକୁ ପଡିଥିଲ । ଗୁଆହାଟୀ ବିମାନ ବନ୍ଦରରୁ କ୍ରିକେଟ ଖେଳିବା ପାଇଁ ନଅଗାଁ ଯିବା ବାଟରେ ଏମାନଙ୍କୁ ଅଟକାଇ ଦିଆଯାଇଥିଲା । ଆଉ ପରେ ସମସ୍ତ ଖେଳାଳିଙ୍କୁ ସୁରକ୍ଷିତ ଓଡ଼ିଶା ଫେରାଇ ଦିଆଯାଇଛି ।