ଫୋନି ବଦଳାଇ ଦେଇଛି ପିପିଲିର ଚିତ୍ର ! ଭାଙ୍ଗିଯାଇଛି ଶତାଧିକ ନଡିଆ ଗଛ, ଉଜୁଡା ଫସଲକୁ ଦେଖି ଚିନ୍ତାରେ ଚାଷୀ
ପ୍ରଳୟ ପରେ ବଦଳି ଯାଇଛି ପିପିଲିର ଦୃଶ୍ୟ
କନକ ବ୍ୟୁରୋ : ପ୍ରଳୟ ପରେ ବଦଳି ଯାଇଛି ପିପିଲିର ଦୃଶ୍ୟ । ଉଜୁଡି ଯାଇଛି ଚାଷ । ଭାଙ୍ଗି ପଡିଛି ଶହ ଶହ ନଡିଆ ଗଛ । ନଡିଆ ବଗିଚାରେ ପଡି ରହିଛି ଶତାଧିକ ଭଙ୍ଗା ଗଛ । ପୁରା ଛାରଖାର ହୋଇଯାଇଛି ନଡିଆ ବଗିଚା । ଯେଉଁ ଗଛ କରିବାକୁ ଚାଷୀକୁ ବର୍ଷ ବର୍ଷ ଲାଗିଯାଇଥିଲା ସେହି ଗଛ ମାତ୍ର କିଛି ସମୟ ଭିତରେ ଭାଙ୍ଗି ଦେଇଛି ବାତ୍ୟା ଫୋନି । ରହି ଯାଇଛି କିଛି ଅଧା ଭଙ୍ଗା ଗଛ । ଯୁଆଡେ ଚାହିଁ ବ ଖାଁ ଖାଁ ଲାଗୁଛି । ଏହି ଦୃଶ୍ୟରୁ ହିଁ ଜଣାପଡୁଛି କେତେ ଭୟଙ୍କର ଥିଲା ଫୋନୀର ତାଣ୍ଡବ ।
Kanak News is now on WhatsApp
Join and get latest news updates delivered to you via WhatsApp
ପିପିଲି ଅଂଚଳରେ ନଡିଆ ଚାଷ ସାଧାରଣ ଲୋକଙ୍କ ଆୟର ଏକ ପ୍ରମୁଖ ଉତ୍ସ ହୋଇଥିବାରୁ ଏହା ଚାଷୀଙ୍କ ମେରୁଦଣ୍ଡ ଭାଙ୍ଗି ଦେଇଛି । ବାତ୍ୟା ଫୋନି ଚନ୍ଦ୍ରଭାଗାରେ ମାଡ ହୋଇଥିବାରୁ ଏହାର ବିଶେଷ ପ୍ରଭାବ ପିପିଲି ଉପରେ ପଡିଛି । ବହୁ ସଂଖ୍ୟାରେ ଘର ଭାଙ୍ଗିପଡିଛି । ଏହି ଅଂଚଳରେ ଲୋକଙ୍କ ଜୀବନ ମଧ୍ୟ ଯାଇଛି ।
ତେବେ ନିଜ ପରିଶ୍ରମରେ ନଡିଆ ଗଚ ଲଗାଇଥିବା ଚାଷୀ ନିଜର ଉଜୁଡା ଗଛକୁ ଦେଖି ଭାଙ୍ଗି ପଡିଛି । କେତେ ପୁରୁଣା ଗଛ ଏହି ବାତ୍ୟାରେ ଉଜାଡିଯାଇଛି ତାହାକୁ କହିବା ବା ଗଣିବା ବି କଷ୍ଟ ସାଧ୍ୟ । ତଥାପି ହାର ନମାନି ସେହି ଭଙ୍ଗାଗଛକୁ ଗୋଟାଇବାରେ ଲାଗିଛନ୍ତି । ମନରେ କଷ୍ଟ ଥିଲେ ମଧ୍ୟ ପୁଣି ଥରେ ନିଜର ସେହି ପୁରୁଣା ନଡିଆ ବାଡି କରିବା ପାଇଁ ଆଶା ନେଇ ବଞ୍ଚିଛି ଚାଷୀ ।