ସୁନ୍ଦରଗଡରେ ଇବ୍ ନଦୀରୁ ମିଳିଲା ଯୁବକଙ୍କ କଟାମୁଣ୍ଡ, ଗୋଡ ଓ ଶରୀରର ବିଭିନ୍ନ ଅଂଶ : ହତ୍ୟା କରି କେହି ବନ୍ଧପାଲି ନିକଟ ନଦୀରେ ଫିଙ୍ଗି ଦେଇଥିବା ସନ୍ଦେହ
ମୃତ ଯୁବକଙ୍କ ଶରୀରର ବାକି ଅଂଶ ଖୋଜୁଛି ପୋଲିସ
କନକ ବ୍ୟୁରୋ : ସୁନ୍ଦରଗଡରେ ନଦୀ ପଠାରୁ ମିଳିଲା ଯୁବକଙ୍କ କଟା ମୁଣ୍ଡ । ଘଟଣାକୁ ନେଇ ଚାଂଚଲ୍ୟ । ସୁନ୍ଦରଗଡରେ ପୁଣି ବିଭତ୍ସ ହତ୍ୟା । ଇବ ନଦୀ ପଠାରୁ ଯୁବକଙ୍କ ଖଣ୍ଡବିଖଣ୍ଡିତ ମୃତଦେହ ଉଦ୍ଧାର । ସୁନ୍ଦରଗଡ ସଦର ଥାନା ବନ୍ଧପାଲି ନିକଟ ଇବନଦୀ ପଠାରୁ ଜଣେ ଯୁବକର କଟାମୁଣ୍ଡ, ଗୋଟିଏ ଗୋଡ ଏବଂ ଶରୀରର ଅନ୍ୟ ଅଂଶ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ରାତିରେ ପୋଲିସ ଏହାକୁ ଜବତ କରି ତଦନ୍ତ ଆରମ୍ଭ କରିଛି । ବର୍ତ୍ତମାନ ଯାଏଁ ମୃତ ଯୁବକଙ୍କ ପରିଚୟ ମିଳିପାରିନି । କେହି ଅତି ନୃଶଂସ ଭାବେ ହତ୍ୟା କରି ତାଙ୍କର ଶରୀରର ବିଭିନ୍ନ ଅଂଶକୁ ଫିଙ୍ଗି ଦେଇଥିଲା ସନ୍ଦେହ କରାଯାଉଛି । ଗତ ଜାନୁଆରୀ ୧୪ ତାରିଖରେ ସୁନ୍ଦରଗଡ ଟାଉନ ଥାନା ଭବାନୀପୁର ଗାଁର ଗାଁ ସାଥୀଙ୍କୁ ଖଣ୍ଡ ଖଣ୍ଡ କରି ଗାଁ ନିକଟ ପୋଖରୀରେ ଫିଙ୍ଗି ଦେବା ଘଟଣା ମନରୁ ଲିଭିନଥିବା ବେଳେ ଏବେ ବନ୍ଧପାଲି ଅଂଚଳରୁ ଆସିଛି ଏପରି ଖବର । ପୋଲିସ ମୃତ ଯୁବକଙ୍କ ଶରୀରର ଅନ୍ୟ ଅଂଶ ଗୁଡିକୁ ଖୋଜିବା ଆରମ୍ଭ କରିଛି ।