କନକ ବ୍ୟୁରୋ : ଯମୁନା ଏକ୍ସପ୍ରେସ ୱେରେ ଡିଜେଲ ଟ୍ୟାଙ୍କରକୁ ପିଟିଲା ଇନୋଭା କାର । ଦୁର୍ଘଟଣାରେ ୭ଜଣଙ୍କ ମୃତ୍ୟୁ ।ବିଳମ୍ବିତ ରାତ୍ରରେ ନୌଝିଲ୍ ଥାନା ନିକଟ ଯମୁନା ଏକ୍ସପ୍ରେସ ୱେରେ ଗୋଟାଏ ତେଲ ଟ୍ୟାଙ୍କର୍ ଏକ କାର୍ ସହ ଧକ୍କା ହେବାରୁ ଦୁର୍ଘଟଣା ଘଟିଛି । ମଥୁରାର ବରିଷ୍ଠ ପୁଲିସ ସୁପରିଣ୍ଟେଣ୍ଡେଣ୍ଟ୍ ଗୌରବ ଗ୍ରୋଭର୍ଙ୍କ କହିବା ଅନୁସାରେ, ଦୁର୍ଘଟଣାଟି ଭୟଙ୍କର ଥିଲା । ଯାହା ଫଳରେ ଘଟଣାସ୍ଥଳରେ ହିଁ ୭ଜଣଙ୍କ ପ୍ରାଣହାନୀ ଘଟିଛି । ମୃତଦେହ ଗୁଡିକୁ ପୋଷ୍ଟମର୍ଟମ ପାଇଁ ପଠାଯାଇଛି ।
Kanak News is now on WhatsApp
Join and get latest news updates delivered to you via WhatsApp
Seven persons including two women died after an oil tanker collided with the car they were travelling in, on Yamuna Expressway. Bodies have been recovered and sent for post-mortem: Mathura SSP Gaurav Grover pic.twitter.com/fbpsAwQL23
— ANI UP (@ANINewsUP) February 23, 2021
ତେଲ ଟ୍ୟାଙ୍କର୍ଟି ଆଗ୍ରା ଆଡ଼କୁ ଯାଉଥିଲା। ପ୍ରାଥମିକ ତଦନ୍ତ ଅନୁସାରେ, ଟ୍ୟାଙ୍କରଟି ରାସ୍ତାର ଡିଭାଡର୍ ସହ ଧକ୍କା ଖାଇଥିଲା । ଏହି ଧକ୍କା ସମୟରେ କାର୍ଟି ଡିଭାଇଡର୍ ଓ ଟ୍ୟାଙ୍କର୍ ମଝିକୁ ଚାଲି ଆସିଥିଲା । ଘଟଣାସ୍ଥଳରେ ହିଁ କାର୍ରେ ଯାତ୍ରା କରୁଥିବା ସମସ୍ତ ବ୍ୟକ୍ତିଙ୍କର ମୃତ୍ୟୁ ଘଟିଥିଲା । ଘଟଣା ସଂକ୍ରାନ୍ତରେ ମୃତବ୍ୟକ୍ତିମାନଙ୍କ ଆତ୍ମୀୟମାନଙ୍କୁ ଅବଗତ କରାଯାଇଛି । ଶବଗୁଡ଼ିକୁ ଉଦ୍ଧାର କରାଯାଇ ବ୍ୟବଚ୍ଛେଦ ନିମନ୍ତେ ପଠାଯାଇଛି । ଦୁର୍ଘଟଣା ସଂକ୍ରାନ୍ତରେ ଅଧିକ ତଦନ୍ତ ଚାଲିଥିବା କଥା ଏସ୍ଏସ୍ପି କହିଛନ୍ତି ।