ସପିଂ ମଲ୍ ବାଥରୁମରେ ପଡି ରହିଥିଲା ଲକ୍ଷ ଲକ୍ଷ ଟଙ୍କାର ୧ ହଜାର ଓ ୫୦୦ ଟଙ୍କିଆ ପୁରୁଣା ନୋଟ୍ ! କେଉଁଠୁ ଆସିଲା ଏତେ ଅଚଳ ଟଙ୍କା ?
ସପିଂ ମଲରୁ ଜବତ ହେଲା ଲକ୍ଷ ଲକ୍ଷ ଟଙ୍କାର ପୁରୁଣା ନୋଟ୍ । ନୋଏଡା ସହରର ନାମିଦାମୀ ଡିଏଲଏଫ୍ ମଲର ମହିଳା ୱାସରୁମରୁ ସାତ ଲକ୍ଷ ଟଙ୍କାର ପୁରୁଣା ନୋଟ ଜବତ ହେବା ପରେ ମଲରେ ଉତ୍ତେଜନା ସୃଷ୍ଟି ହୋଇଥିଲା । ସେକ୍ଟର ୧୮ ସ୍ଥିତ ମଲର ସୁରକ୍ଷା ବ୍ୟବସ୍ଥାରେ ତ୍ରୁଟି ଦର୍ଶାଇ କୌଣସି ଜଣେ ମହିଳା ଏହି ଟଙ୍କାକୁ ଡଷ୍ଟବିନରେ ପକାଇ ଫେରାର ହୋଇଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ମଲ୍ କର୍ତ୍ତୃପକ୍ଷ ସୁରକ୍ଷାରେ ତ୍ରୁଟି ଥିବା କଥାକୁ ଅସ୍ୱୀକାର କରିବା ସହ ତଦନ୍ତ ନିର୍ଦ୍ଦେଶ ଦେବା ନେଇ ଦାବି କରିଛନ୍ତି । ଘଟଣା ସମ୍ପର୍କରେ ମଲ୍ କର୍ତ୍ତୃପକ୍ଷଙ୍କ ଠାରୁ ସୂଚନା ପାଇବା ପରେ ପୁରୁଣା ୧ହଜାର ଏବଂ ୫୦୦ ଟଙ୍କିଆ ନୋଟକୁ ଜବତ କରିଛି । ସେକ୍ଟର ୨୦ କୋତବାଲି ପୋଲିସର କହିବା କଥା, ଜଣେ ମହିଳା ଏକତ ବ୍ୟାଗ୍ ସହ ବାଥରୁମକୁ ଯାଉଥିବାର ଦୃଶ୍ୟ ସିସିଟିଭିର କ୍ୟାମେରାରେ କଏଦ ହୋଇଛି ।
ପୁରୁଣା ନୋଟ୍ ଜବତ ହେବା ସୂଚନା ଆରବିଆଇକୁ ଦେବା ସହ ମହିଳାଙ୍କର ସନ୍ଧାନ କରାଯାଉଛି । ତେବେ ଏହି ଘଟଣା ସେପ୍ଟେମ୍ବର ୨୬ ତାରିଖର ଅଟେ । ପୋଲିସର କହିବା କଥା, ବାଥରୁମ ସଫା କରିବା ପାଇଁ ଯାଇଥିବା ମହିଳା କର୍ମଚାରୀ ପ୍ରଥମେ ଏହି ୧୦୦୦ ଟଙ୍କିଆ ଏବଂ ୫୦୦ ଟଙ୍କିଆ ପୁରୁଣା ନୋଟକୁ ଦେଖିବା ପରେ ମଲ୍ କର୍ତ୍ତୃପକ୍ଷଙ୍କୁ ସୂଚନା ଦେଇଥିଲେ ।