ଧୱନଙ୍କ ଧମାକା, ପନ୍ଥଙ୍କ ପାହାରରେ ଧରାଶାୟୀ ୱେଷ୍ଟଇଣ୍ଡିଜ । ଦିନିକିଆ ଓ ଟେଷ୍ଟ ପରେ ଟି-୨୦ ସିରିଜ କବଜା କଲା ଟିମ୍ ଇଣ୍ଡିଆ
୧୮୨ ରନର ବିଜୟଲକ୍ଷ୍ୟ ନେଇ ପଡିଆକୁ ଓହ୍ଲାଇଥିବା ଟିମ୍ ଇଣ୍ଡିଆର ପ୍ରାରମ୍ଭିକ ବିପର୍ଯ୍ୟୟ ଘଟିଥିଲା । ରୋହିତ ଓ ରାହୁଲଙ୍କୁ ସହଳ ହରାଇବା ପରେ ଇନିଂସ ସମ୍ଭାଳିଥିଲେ ପନ୍ଥ ଓ ଧୱନ ।
କନକ ବ୍ୟୁରୋ : ଚେନ୍ନାଇରେ ଚମକିଲା ଟିମ୍ ଇଣ୍ଡିଆ । ୱେଷ୍ଟଇଣ୍ଡିଜ ବିପକ୍ଷ ତୃତୀୟ ତଥା ସିରିଜର ଅନ୍ତିମ ମ୍ୟାଚରେ ଦମଦାର ବିଜୟ ସହ ସରିଜ କ୍ଲିନ ସୁଇପ କଲା ଭାରତ । ରୋମାଞ୍ଚକର ମ୍ୟାଚରେ ଧୱନ ଓ ରିଷଭ ପନ୍ଥଙ୍କ ଧୂଆଁଧାର ଅର୍ଦ୍ଧଶତକ ବଳରେ ଏହି ମ୍ୟାଚକୁ ୬ ୱିକେଟରେ ବାଜି ମାରି ନେଇଛି ରୋହିତ ବାହିନୀ । ୧୮୨ ରନର ଟାର୍ଗେଟକୁ ଶେଷ ଓଭରର ଶେଷ ବଲରେ ହାସଲ କରି ନେଇଛି ରୋହିତ ବାହିନୀ ।
Kanak News is now on WhatsApp
Join and get latest news updates delivered to you via WhatsApp
ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତି ନେଇଥିବା ୱେଷ୍ଟଇଣ୍ଡିଜ ପ୍ରଥମରୁ ଦ୍ରୁତ ବ୍ୟାଟିଂ ଏକ ବିଶାଳ ସ୍କୋର ଛିଡା କରିଥିଲା । ନିକୋଲାସ ପୁରମ ଓ ଡାରେନ ବ୍ରାଭୋଙ୍କ ଧୂଆଁଧାର ବ୍ୟାଟିଂ ବଳରେ ନିର୍ଦ୍ଧାରିତ ୨୦ ଓଭରରେ ୧୮୧ ରନ କରିବାକୁ ସକ୍ଷମ ହୋଇଥିଲା କାରବିଆନ ଟିମ୍ । ଭାରତ ପକ୍ଷରୁ ୟୁଜବେନ୍ଦ୍ର ଚହଲ ପ୍ରଭାବୀ ବୋଲିଂ କରିବା ସହ ୨୮ ରନରେ ୨ ୱିକେଟ ହାସଲ କରିଥିଲେ ।
FIFTY!@RishabPant777 joins the party and brings up his 1st T20I half-century.#TeamIndia 152/2 after 16 overs, need 29 more runs to win this game #INDvWI pic.twitter.com/xhRAt7Rbw6
— BCCI (@BCCI) November 11, 2018
୧୮୨ ରନର ବିଜୟଲକ୍ଷ୍ୟ ନେଇ ପଡିଆକୁ ଓହ୍ଲାଇଥିବା ଟିମ୍ ଇଣ୍ଡିଆର ପ୍ରାରମ୍ଭିକ ବିପର୍ଯ୍ୟୟ ଘଟିଥିଲା । ରୋହିତ ଓ ରାହୁଲଙ୍କୁ ସହଳ ହରାଇବା ପରେ ଇନିଂସ ସମ୍ଭାଳିଥିଲେ ପନ୍ଥ ଓ ଧୱନ । ଇଣ୍ଡିଜ ବୋଲରଙ୍କୁ ନିର୍ଦ୍ଧୁମ ପିଟିବା ବେଶ ସହଜରେ ମ୍ୟାଚ ହାତେଇ ନେଇଥିଲା ଟିମ୍ ଇଣ୍ଡିଆ । ଭାରତ ପକ୍ଷରୁ ଧୱନ ସର୍ବାଧିକ ୯୨ ରନ କରିଥିବା ବେଳେ ପନ୍ଥ ଦ୍ରୁତ ୫୮ ରନ ସଂଗ୍ରହ କରିଥିଲେ । ଏହି ବିଜୟ ସହ ସିରିଜକୁ ୩-୦ରେ କବଜା କରିଛି ଟିମ୍ ଇଣ୍ଡିଆ । ଏହାପୂର୍ବରୁ ଉଭୟ ଟେଷ୍ଟ ଓ ଦିନିକିଆରେ ମଧ୍ୟ ସିରିଜ ହାତେଇଥିଲା ଭାରତ ।