ଜିଅନ୍ତା ସାପ ଦେଖାଇ ବିବାଦରେ ଫସିଗଲା ଓଡିଆ ସିରିଏଲ! ଚ୍ୟାନେଲ କର୍ତୃପକ୍ଷଙ୍କ ସହ ପ୍ରଯୋଜକ ଓ ହିରୋଇନଙ୍କ ଉପରେ ହୋଇପାରେ କାର୍ଯ୍ୟାନୁଷ୍ଠାନ
କନକ ବ୍ୟୁରୋ: ଟିଭି ସିରିଏଲରେ ସତ ସତିକା ନାଗସାପ । ଦୃଶ୍ୟକୁ ଜୀବନ୍ତ କରିବା ପାଇଁ ଟିଭି ସିରିଏଲରେ ଏଭଳି ପ୍ରସାରଣକୁ ନେଇ ତେଜିଛି ବିବାଦ । ଜି’ ସାର୍ଥକର ମେଗା ଧାରାବାହିକ ‘ତୋ ପାଇଁ ମୁଁ’ରେ ଏଭଳି ସତସତିକା ସାପକୁ ନେଇ ହୋଇଥିବା ସୁଟିଂର ଦୃଶ୍ୟ ପ୍ରସାରଣ ହୋଇଥିଲା । ଏ ନେଇ ଆପତି ଉଠିବା ପରେ ଏହି ଘଟଣାକୁ ଅତି ଗୁରୁତ୍ୱର ସହ ନେଇଛି ଭାରତୀୟ ବନ୍ୟପ୍ରାଣୀ ଅପରାଧ ନିୟନ୍ତ୍ରଣ ବ୍ୟୁରୋ । ଆଞ୍ଚଳିକ ଉପନିର୍ଦ୍ଦେଶକକୁ ତଦନ୍ତ କରିବାକୁ ନିର୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଦୃଶ୍ୟକୁ ଜୀବନ୍ତ କରିବାକୁ ଯାଇ ସିରିଏଲର ନାୟିକାଙ୍କ ହାତରେ ଜୀବନ୍ତ ସାପ ଧରାଇବା ସିରିଏଲ ପ୍ରଡ୍ୟୁସରଙ୍କୁ ମହଙ୍ଗା ପଡ଼ିବାକୁ ଯାଉଛି । ସିରିୟଲ ପ୍ରଡ୍ୟୁସର ଓ ଚ୍ୟାନେଲ କର୍ତୃପକ୍ଷଙ୍କ ଠାରୁ ଆରମ୍ଭ କରି ନାୟିକାଙ୍କ ପର୍ଯ୍ୟନ୍ତ ଆଇନର ଜାଲର ଛନ୍ଦିହେବାକୁ ଯାଉଛନ୍ତି । କନକ ନ୍ୟୁଜକୁ ପାଖରେ ହସ୍ତଗତ ହୋଇଥିବା ଚିଠି ଯାହାକୁ ନେଇ ଏବେ ହଇଚଇ ସୃଷ୍ଟି ହୋଇଛି । ଏହି ଘଟଣାକୁ ଅତି ଗୁରୁତ୍ୱର ସହ ନେଇଛନ୍ତି ଭାରତୀୟ ବନ୍ୟପ୍ରାଣୀ ଅପରାଧ ନିୟନ୍ତ୍ରଣ ବ୍ୟୁରୋ । ଆଚଂଳିକ ଉପନିର୍ଦେଶକଙ୍କୁ ଏହାର ତଦନ୍ତ କରିବାକୁ ଦେଇଛନ୍ତି ନିର୍ଦେଶ ।
ଗତ ୧୧ ତାରିଖ ସନ୍ଧ୍ୟା ସମୟରେ ‘ତୋ ପାଇଁ ମୁଁ’ ଧାରବାହିକ ଜି ସାର୍ଥକରେ ପ୍ରସାରିତ ହୋଇଥିଲା । ଟିଭି ସ୍କ୍ରିନରେ ଏହି ଦୃଶ୍ୟକୁ ନେଇ ସ୍ନେକ ହେଲ୍ପଲାଇନର ସଦସ୍ୟ ଶୁଭେନ୍ଦୁ ମଲ୍ଲିକ ଆପତି ଉଠାଇଥିଲେ । ଏହି ସିରିଏଲର ନାୟିକା ଏକ କଳସ ନେଇ ମନ୍ଦିରକୁ ଯାଉଥିବାର ଦୃଶ୍ୟରେ କଳସଟି ହାତରୁ ପଡିଯାଇଥିବାରୁ ଏକ ନାଗ ସାପ ତାଙ୍କ ହାତରେ ଗୁଡାଇ ହୋଇ ରହିଥିଲା । ଟିଭି ସ୍କ୍ରିନରେ ଅନେକ ସମୟ ପର୍ଯ୍ୟନ୍ତ ପ୍ରସାରିତ ହୋଇଥିବା ଏହି ଦୃଶ୍ୟକୁ ନେଇ ଆପତି ଉଠାଇଥିଲେ ସ୍ନେକ ହେଲ୍ପଲାଇନର ସଦସ୍ୟ ଶୁଭେନ୍ଦୁ ମଲ୍ଲିକ । ବନ୍ୟଜନ୍ତୁ ସଂରକ୍ଷଣ ଆଇନ ୧୯୭୨ର ବିରୋଧ କରୁଥିବା ଅଭିଯୋଗ ହୋଇଥିଲା ।