ଇରାନରେ ବିଳମ୍ବିତ ରାତିରେ ବିଭିନ୍ନ ସ୍ଥାନରେ ଆକ୍ରମଣ : ବଡ ଡ୍ରୋନ୍ ଜରିଆରେ ଇସ୍ପହାନ ସହରର ବିଭିନ୍ନ ସ୍ଥାନରେ ବୋମା ବିସ୍ଫୋରଣ

କନକ ବ୍ୟୁରୋ : ଇରାନରେ ଡ୍ରୋନ୍ ଷ୍ଟ୍ରାଇକ୍ । ଇସ୍ପହାନ, ହମାଦାନ, ତେହରାନ, ଅଜାରସହର, ଡେଜଫୁଲ, ଖୋୟ ସହରରେ ବିଳମ୍ବିତ ରାତିରେ ହୋଇଛି ଡ୍ରୋନ୍ ଷ୍ଟ୍ରାଇକ । ବିସ୍ଫୋରଣର ଶବ୍ଦ ଏତେ ଜୋରରେ ଥିଲା ଯେ ସମଗ୍ର ଅଞ୍ଚଳ ଥରି ଉଠିଛି । ଇରାନର ଷ୍ଟେଟ ଆଇଆରଆଇବି ନିଜର ସରକାରୀ ୱେବସାଇଟରେ ଡ୍ରୋନ୍ ଷ୍ଟ୍ରାଇକ୍ ବାବଦରେ ସୂଚନା ଦେଇଛି । ଏଥିରେ କିନ୍ତୁ କେହି ମୃତାହତ ହୋଇନଥିବା ସୂଚନା ରହିଛି ।

ଏହି ଡ୍ରୋନ୍ ଷ୍ଟ୍ରାଇକ ଜରିଆରେ କ୍ଷେପଣାସ୍ତ୍ର ଘାଟି, ଗୋଳାବାରୁଦ ତିଆରି କାରଖାନା, କାର ଅଏଲ ରିଫାଇନାରୀ ଇତ୍ୟାଦି ଉପରେ ହମଲା ହୋଇଥିବା ଇରାନର ପ୍ରତିରକ୍ଷା ମନ୍ତ୍ରଣାଳୟ କହିଛି । ହେଲେ ଏହି ଆକ୍ରମଣକୁ ଏକ ବିଫଳ ଆକ୍ରମଣ ବୋଲି ଇରାନ ସରକାର କହିଛନ୍ତି । ତେବେ କିଏ ଓ କାହିଁକି ଏହି ମିଡ୍ ନାଇଟ୍ ଆକ୍ରମଣ କରିଛି ତାହା ଅସ୍ପଷ୍ଟ ରହିଛି । କିନ୍ତୁ ନାଟୋ ଏହି ଆକ୍ରମଣ କରିଥାଇପାରେ ବୋଲି ସୂଚନା ରହିଛି । ରୁଷ-ୟୁକ୍ରେନ ଯୁଦ୍ଧା ଚାଲିଛି । ଏହି ସମୟରେ ରୁଷକୁ ଇରାନ କ୍ଷେପଣାସ୍ତ୍ର ପଠାଉଛି । ତେଣୁ ନାଟୋ ଏହି ମିଡ୍ ନାଇଟ୍ ଡ୍ରୋନ୍ ଆଟାକ କରିଥାଇପାରେ ବୋଲି ସୂଚନା ରହିଛି ।