କନକ ବ୍ୟୁରୋ : ଦିଲ୍ଲୀରେ ଅବକାରୀ ନୀତିକୁ ନେଇ ରାଜନୀତି ଜୋର ଧରିଥିବା ବେଳେ ଏହି ଅବକାରୀ ନୀତିରେ କେଜ୍ରିୱାଲ ସରକାର କିଭଳି ଦୁର୍ନୀତି କରିଛନ୍ତି ସେନେଇ ବିଜେପି ପକ୍ଷରୁ ଏକ ଷ୍ଟିଙ୍ଗ ଅପରେସନର ଭିଡିଓ ଜାରି କରିଛି । ବିଜେପି ଦାବି କରିଛି କି ଏହି ଭିଡିଓରେ ଥିବା ବ୍ୟକ୍ତି ଜଣଙ୍କ ହେଉଛନ୍ତି ଅବକାରୀ ଦୁର୍ନୀତିର ୯ ନମ୍ବର ଅଭିଯୁକ୍ତ ଅମିତ ଆରୋଡା । ଏହି ଭିଡିଓ ଜାରି କରି ବିଜେପି କହିଛି କି ଏବେ କେଜ୍ରିୱାଲର ପୋଲ ଖୋଲିଗଲା ।
ଏହି ଭିଡିଓକୁ ନେଇ ବୁଧବାର ଦିନ ବିଜେପି ରାଜ୍ୟସଭା ସାଂସଦ ସୁଧାଂସୁ ତ୍ରିବେଦୀ ଓ ଦିଲ୍ଲୀ ବିଜେପି ଅଧ୍ୟକ୍ଷ ଆଦେଶ ଗୁପ୍ତା ଏକ ସାମ୍ବାଦିକ ସମ୍ମିଳନୀ କରିଛନ୍ତି । ସୁଧାଂସୁ ତ୍ରିବେଦୀ କହିଛନ୍ତି କି କେଜ୍ରିୱାଲ ସରକାର ଯେଭଳି ଭାବେ ଅବକାରୀ ନୀତିରେ ଦୁର୍ନୀତି କରିଛନ୍ତି ତାହାର ପୋଲ ଖୋଲି ଦେଇଛନ୍ତି ଏହି ମାମଲାର ୯ ନମ୍ବର ଅଭିଯୁକ୍ତ ଅମିତ ଆରୋଡା । ଏହି ଭିଡିଓରେ ଦେଖିବାକୁ ମିଳିଛି କି ମଦ ଲାଇସେନ୍ସ ଦେବାରେ କାହା ଠାରୁ କେତେ ଲାଂଚ ନିଆଯାଇଛି ତାହା ଅମିତ ଆରୋଡା କହୁଛନ୍ତି ।
दो लोगों को कैसे मिला 10 हजार करोड़ रुपये का धंधा।
10 करोड़ लगाकर कैसे कमाए गए 150 करोड़ रुपये।
देखिए, केजरीवाल सरकार के शराब घोटाले पर एक और सनसनीखेज खुलासा। pic.twitter.com/5SmFgoI1lm
— BJP (@BJP4India) September 15, 2022
ଏନେଇ ସୁଧାଂସୁ ତ୍ରିବେଦୀ କହିଛନ୍ତି କି ଅବକାରୀ ନୀତିରେ ଦୁର୍ନୀତି କରି ଆପ୍ ଯେଉଁ ଅର୍ଥ ଯୋଗାଡ କରିଥିଲା ତାହାକୁ ଦଳ ପଞ୍ଜାବ ଓ ଓ ଗୋଆ ନିର୍ବାଚନରେ ଖର୍ଚ୍ଚ କରିଛି ।
ସେପଟେ ବିଜେପିର ଏଭଳି ଅଭିଯୋଗ ଉପରେ ପ୍ରତିକ୍ରିୟା ରଖିଛନ୍ତି ଦିଲ୍ଲୀ ସରକାରରେ ଉପ ମୁଖ୍ୟମନ୍ତ୍ରୀ ଥିବା ମନୀଷ ସିସୋଦିଆ । ଏକ ସାମ୍ବାଦିକ ସମ୍ମିଳନୀ କରି ସିସୋଦିଆ କହିଛନ୍ତି କି, ଯେତେବେଳେ ଇଡି ଓ ସିବିଆଇ ଲଗାଇ କିଛି ଫଳ ନମିଳିଲା ଏବେ ଷ୍ଟିଙ୍ଗ ଭିଡିଓର ସହାରା ନେଇଛି ବିଜେପି । ଏହାସହ ଯଦି ଏହି ଷ୍ଟିଙ୍ଗ ଭିଡିଓକୁ ବିଜେପି ତୁରନ୍ତ ସିବିଆଇ ନିକଟରେ ଜମା କରାନ୍ତୁ । ଯଦି ସିବିଆଇ ଏହି ଭିଡିଓରୁ କିଛି ସତ୍ୟତା ପାଇବ ତେବେ ମୋତେ ୪ ଦିନ ଭିତରେ ଗିରଫ କରାଯାଉ । ନହେଲେ ଏହାକୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରୁ ଏକ ଷଡଯନ୍ତ୍ର ବୋଲି ଗ୍ରହଣ କରାଯିବ ଓ ଏଥିପାଇଁ ପ୍ରଧାନମନ୍ତ୍ରୀଙ୍କ କ୍ଷମା ପ୍ରାଥନା ଦାବି କରାଯିବ ।
Dy. CM @msisodia का BJP को ULTIMATUM !
"CBI-ED जांच से कुछ नहीं मिला तो Sting ले आए।
BJP तुरंत इस Sting को CBI में Submit करें। अगर CBI को उसमें सच्चाई मिले तो 4 दिन में मुझे गिरफ़्तार किया जाए।
नहीं तो माना जाए कि ये PM Office में रची साज़िश है और PM इसके लिए माफ़ी मांगे।" pic.twitter.com/gHNy41xi0w
— AAP (@AamAadmiParty) September 15, 2022