ପଞ୍ଜାବ : ନୂଆ ମୁଖ୍ୟମନ୍ତ୍ରୀଙ୍କ ନୂଆ ନିର୍ଦ୍ଦେଶ, ସକାଳ ୯ ରୁ ଖୋଲିବ ସରକାରୀ ଅଫିସ
କନକ ବ୍ୟୁରୋ : ବହୁ ବାଦ ବିବାଦ ପରେ ପଞ୍ଜାବର ନୂଆ ମୁଖ୍ୟମନ୍ତ୍ରୀ ଭାବେ ଚରଣଜିତ ସିଂହ ଚନ୍ନୀ ନଆ ମୁଖ୍ୟମନ୍ତ୍ରୀ ହୋଇଛନ୍ତି । ସେ ମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ ପ୍ରଶାସନିକ ସ୍ତରରେ ବଡ ଅଦଳ ବଦଳ ହୋଇଛି । ଏହା ସହ ରାଜ୍ୟର ସମସ୍ତ ସରକାରୀ ଅଫିସ କର୍ମଚାରୀମାନେ ସକାଳ ୯ ଟା ସୁଦ୍ଧା କାର୍ଯ୍ୟାଳୟରେ ପହଂଚିବାକୁ ଚନ୍ନୀ ନିର୍ଦ୍ଦେଶ ଦେଇଛନ୍ତି । ଅନ୍ୟପଟେ କ୍ୟାପଟେନଙ୍କ ନିକଟତର କୁହାଯାଉଥିବା କିଛି ପ୍ରଶାସନିକ ଅଧିକାରୀଙ୍କୁ ବଦଳାଇ ସେମାନଙ୍କ ସ୍ଥାନରେ ନୂଆ କର୍ମଚାରୀଙ୍କୁ ଅବସ୍ଥାପିତ କରାଯାଇଛି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ବରିଷ୍ଠ ଆଇଏସ ଅଧିକାରୀ ହୁସ୍ନ ଲାଲଙ୍କୁ ମୁଖ୍ୟମନ୍ତ୍ରୀଙ୍କ ପ୍ରିନ୍ସପାଲ ସଚିବ ଭାବେ ନିଯୁକ୍ତ କରାଯାଇଛି । ଏହାସହ ଆଇଏସ ତେଜବୀର ସିଂଙ୍କୁ ବି ତାଙ୍କ ପଦରୁ ହଟାଇ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଚରଣଜିତ ସିଂହ ଚନ୍ନୀ ମୁଖ୍ୟମନ୍ତ୍ରୀ ଭାବେ ପଦ ସମ୍ଭାଳିବା ପରେ ଏକ ସାମ୍ବାଦିକ ସମ୍ମିଳନୀରେ ଘୋଷଣା କରିଛନ୍ତି କି ପଞ୍ଜାବର ସମସ୍ତ କୃଷକଙ୍କ ଋଣ ଛାଡ କରାଯିବ । ସେ କହିଛନ୍ତି କି ତାଙ୍କ ସରକାର ସମୟରେ ଯଦି ରାଜ୍ୟର କୃଷକମାନେ କୌଣସି ପରିସ୍ଥିତିରେ ପ୍ରଶାସନିକ ସେବା ପାଇବାରୁ ବଞ୍ଚିତ ହୁଅନ୍ତି ତେବେ ସେ ନିଜେ ତାଙ୍କ ପାଦତଳେ ମୁଣ୍ଡକାଟି ରଖିଦେବେ ।