ସଚିନ ପାଇଁ ଘର ଛାଡିଲେ, ଦେଶ ଛାଡିଲେ… ସୀମାଙ୍କ ପ୍ରେମ ସତ ନା ଷଡଯନ୍ତ୍ର? ଏ ନେଇ ତେଜିଲା ପ୍ରଶ୍ନ ।
କନକ ବ୍ୟୁରୋ: ପଡୋଶୀ ପାକିସ୍ତାନରୁ ନିଜ ପ୍ରେମକୁ ପାଇବାକୁ ଭାରତ ଚାଲିଆସିଲେ ସୀମା ହାଇଦର । ହେଲେ ଏବେ ସେ ଭାରତୀୟ ଯାଞ୍ଚ ଏଜେନ୍ସିର ରାଡାରରେ । କାରଣ ସଚିନଙ୍କ ପ୍ରତି ତାଙ୍କ ଭଲପାଇବା ସତ ନା ଏକ ଷଡଯନ୍ତ୍ର ସେ ନେଇ ଏବେ ପ୍ରଶ୍ନ ।
Kanak News is now on WhatsApp
Join and get latest news updates delivered to you via WhatsApp
ସୀମା ସଚିନଙ୍କ ପାଇଁ ଥିବା ଅହେତକୁ ପ୍ରେମ ପାଇଁ ଆସିଥିବା କହୁଥିବାବେଳେ ସାଉଦି ଆରବରେ ରହୁଥିବା ତାଙ୍କ ସ୍ୱାମୀ ଗୁଲାମ ହାଇଦର ପଠାଇଛନ୍ତି ତାଙ୍କ ବିବାହର ହଲପନାମା । ସୀମାଙ୍କ ସହ ତାଙ୍କ ବିବାହ ସମୟର ହଲପନାମା ସହ ରାସନ କାର୍ଡର କପି ପଠାଇବା ସହ ସୀମାଙ୍କୁ ନେଇ ଭିନ୍ନ ଭିନ୍ନ ମତ ଦେଇଛନ୍ତି ।
ସୀମା ଭାରତ ଅସିବା ସମୟରେ ନିଜ ଜୀବନ ବାବଦରେ ଯାହା କହିଥିଲେ, ଗୁଲାମଙ୍କ ବୟାନ ଏହାଠାରୁ ପୁରା ଅଲଗା । ଭାରତ ଆସିବା ସମୟରେ ସୀମା ନିଜ ବୟସ ଯାହା କହିଥିଲେ ତାହାଠାରୁ ପାକିସ୍ତାନରେ ଦାଖଲ ହୋଇଥିବା ତାଙ୍କ ବୟସ ଭିନ୍ନ ଦେଖିବାକୁ ମିଳିଛି । କେବଳ ଏତିକି ନୁହେଁ ଗୁଲାମଙ୍କ ସହ ତାଙ୍କର ବିବାହ ଜବରଦସ୍ତି କରାଯାଇଥିଲା । ତେଣୁ ସେ ତାଙ୍କ ସହ ଖୁସିରେ ନଥିଲେ ବୋଲି ପୁର୍ବରୁ ସୀମା କହିଥିବାବେଳେ ଗୁଲାମ ହାଇଦର ପଠାଇଥିବା ବାହାଘର ହଲପନାମାରେ ସୀମାଙ୍କ ହଲପନାମା ପୁରା ଭିନ୍ନ ।
ଏହି ହଲପନାମାରେ ସୀମା କହିଛନ୍ତି ଯେ, ତାଙ୍କ ବାପା, ମା’ ଲୋଭରେ ପଡି ଜଣେ ଅସାମାଜିକ ଯୁବକ ସହ ତାଙ୍କର ବିବାହ କରାଇଦେବାକୁ ଚାହୁଁଥିଲେ ହେଲେ ସେ ସେଠାରୁ ଖସିପଳାଇଆସି ଏବେ ଗୁଲାମଙ୍କ ସହ ବିବାହ କରିବାକୁ ଇଚ୍ଛୁକ । ଗୁଲାମ ତାଙ୍କୁ ସ୍ତ୍ରୀ ମର୍ଯ୍ୟାଦା ଦେଇ ଖୁସିରେ ରଖି ବୋଲି ତାଙ୍କ ବିଶ୍ୱାସ ଅଛି । ଏହି ହଲପନାମାକୁ ଓ ସୀମାଙ୍କ କଥାରେ ତାଳମେଳ ରହୁନଥିବାରୁ ଏବେ ସୀମାଙ୍କ ଭାରତ ଆସିବାକୁ ନେଇ ସୃଷ୍ଟି ହୋଇଛି ସନ୍ଦେହ ।
ସୀମାଙ୍କ ଭାରତ ଆସିବା ପଛରେ କିଛି ରହସ୍ୟ ଅଛି କି? ସଚିନଙ୍କ ପ୍ରତି ତାଙ୍କର ପ୍ରେମ ସତ ନା ଏକ ଷଡଯନ୍ତ୍ର ବୋଲି ଗଣମାଧ୍ୟମରେ ଚର୍ଚ୍ଚା ଆରମ୍ଭ ହୋଇଛି । ଏନେଇ ସୀମାଙ୍କ ଉପରେ ଯାଞ୍ଚ ଏଜେନ୍ସି କଡା ନଜର ରଖିଥିବା ଜଣାପଡିଛି ।