ତାମିଲନାଡୁରେ ଓଡ଼ିଆ ଶ୍ରମିକଙ୍କ ଉପରେ ଫ୍ୟାକ୍ଟ୍ରି ମାଲିକଙ୍କ ଗୁଣ୍ଡାରାଜ: ଖାଇବାକୁ ମାଗିବାରୁ ଶ୍ରମିକଙ୍କୁ ଗୋଡାଇ ଗୋଡାଇ ପିଟିଲେ କମ୍ପାନୀ ସିକ୍ୟୁରିଟି; ୪ମହିଳା ଓ ଦୁଇ ପୁରୁଷ ଗୁରୁତର
କନକ ବ୍ୟୁରୋ: ପ୍ରବାସୀ ଓଡିଆଙ୍କ ଉପରେ ଆକ୍ରମଣ । ତାମିଲନାଡୁରେ ଓଡିଆ ଶ୍ରମିକଙ୍କୁ ଗୋଡାଇ ଗୋଡାଇ ପିଟିଲେ କମ୍ପାନୀର ସିକ୍ୟୁରିଟି । କରୋନା କଟକଣା ଦିନେ କାମ କଲେ ଦିନେ କାମ ମିଳୁନାହିଁ କି ଠିକ୍ ସେ ଖାଇବା ବି ମିଳୁନାହିଁ । ଖାଇବାକୁ ମାଗିବାରୁ କମ୍ପାନୀ କର୍ତୃପକ୍ଷ ଓ ସିକ୍ୟୁରିଟି ଓଡିଆ ଶ୍ରମିକଙ୍କୁ ମାଡ ମାରି ଲହୁ ଲୁହାଣ କରିଥିବା ଅଭିଯୋଗ ହୋଇଛି । ଏଥିରେ ୪ ଜଣ ଝିଅ ଓ ୨ ଜଣ ପୁଅ ଗୁରୁତର ହୋଇଛନ୍ତି । ଏପରିକି ଜଣେ ଭିନ୍ନକ୍ଷମ ଝିଅଙ୍କୁ ବି ମାଡ ମାରିବାକୁ ପଛାଇ ନାହାନ୍ତି । ଏମିତିକି ଗୁରୁତର ଶ୍ରମିକଙ୍କୁ ଡାକ୍ତରଖାନାକୁ ନନେଇ ଗୋଟିଏ ସ୍ଥାନରେ ବନ୍ଧକ ରଖିଛି ।
Kanak News is now on WhatsApp
Join and get latest news updates delivered to you via WhatsApp
ତାମିଲନାଡୁ ତିରିପୁର ଜିଲ୍ଲା ଉତୁକୁଡି ଅଂଚଳରେ ଥିବା ଆହିଲ ଆପ୍ପାରେଲ୍ ଏକ୍ସପୋର୍ଟ୍ସ ଲିମିଟେଡ ନାମକ ଏକ ଘରୋଇ କମ୍ପାନୀରେ କାମ କରୁଛନ୍ତି ପ୍ରାୟ ୧ ହଜାରରୁ ଅଧିକ ଓଡିଆ ଶ୍ରମିକ । ୫ଶହ ଝିଅ ଓ ୬ଶହ ପୁଅ କମ୍ପାନୀ ମେସ୍ରେ ରହି କପଡା ସିଲାଇ କାମ କରନ୍ତି । ହେଲେ ତାଲା ବନ୍ଦ ଯୋଗୁଁ କମ୍ପାନୀରେ କାମ ନଥିବାରୁ କମ୍ପାନୀ ଶ୍ରମିକଙ୍କୁ ଖାଇବାକୁ ଦେଉନାହିଁ । ସବୁଦିନ କେବଳ ଭାତ ଆଉ ରସମ ଦେଉଥିବାରୁ ଶ୍ରମିକମାନେ ଟିକେ ଭଲ ଖାଦ୍ୟ ମାଗିଥିଲେ । ଆଉ ଏଥିରେ ରାଗି ଯାଇ କମ୍ପାନୀ ପକ୍ଷରୁ ଓଡିଆ ଶ୍ରମିକଙ୍କୁ ଆକ୍ରମଣ କରାଯାଇଛି ।