ମୁକେଶଙ୍କୁ ବିପଦ । ଘର ବାହାରେ ତ୍ରିସ୍ତରୀୟ ସୁରକ୍ଷା ବଳୟ ।
କନକ ବ୍ୟୁରୋ: ଭାରତର ବିଶିଷ୍ଟ ଶିଳ୍ପପତି ତଥା ରିଲାଏନ୍ସ ଗ୍ରୁପ୍ ଅଫ୍ଇଣ୍ଡଷ୍ଟ୍ରିର ମାଲିକ ମୁକେଶ ଅମ୍ବାନୀଙ୍କ ଉପରେ ଘନୁଛି ବିପଦ । ଦକ୍ଷିଣ ମୁମ୍ବାଇ ସ୍ଥିତ ତାଙ୍କ ବାସଭବନ ‘ଆଣ୍ଟିଲିଆ’ ଚାରିପଟେ ତ୍ରିସ୍ତରୀୟ ସୁରକ୍ଷା ବଳ ମୁତୟନ କରାଯାଇଛି । ଜଣେ ଟ୍ୟାକ୍ସି ଚାଳକ ଏନେଇ ପୋଲିସକୁ ସୂଚନା ଦେବା ପରେ ମୁକେଶଙ୍କ ଘର ଚାରିପଟେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସୋମବାର ଜଣେ ଟ୍ୟାକ୍ସି ଚାଳକ ପୋଲିସକୁ ମୁକେଶଙ୍କ ଉପରେ ଥିବା ବିପଦ ଉପରେ ସୂଚନା ଦେଇଥିଲା । ଦୁଇ ଜଣ ଲୋକ ମୁକେଶଙ୍କ ବାସଭବନ ଆଣ୍ଟିଲିଆ ବାବଦରେ କିଛି ତଥ୍ୟ ନେଇ ଆଲୋଚନା କରୁଥିବା ଶୁଣିବାକୁ ପାଇଥିଲେ ଟ୍ୟାକ୍ସି ଚାଳକ । ସେମାନଙ୍କ ପାଖରେ ଏକାଧିକ ବଡବଡ ବ୍ୟାଗ୍ ମଧ୍ୟ ଥିଲା । ଏନେଇ ଚାଳକ ଜଣଙ୍କ ତୁରନ୍ତ ପୋଲିସକୁ ଖବର ଦେବା ପରେ ତାଙ୍କ କହିବା ମୁତାବକ ୨ ସନ୍ଦିଗ୍ଧଙ୍କ ସ୍କେଚ୍ ପ୍ରସ୍ତୁତ କରାଯାଇ ଚାରିଆଡେ ଛାନବିନ କରିଥିଲା ପୋଲିସ । ସେହି ରାସ୍ତାକୁ ଯୋଗ କରୁଥିବା ସମସ୍ତ ରାସ୍ତାର ସିସିଟିଭି ଫୁଟେଜ୍କୁ ମଧ୍ୟ ଯାଞ୍ଚ କରାଯିବା ସହ ଗାଡି ଗୁଡିକୁ ଯାଞ୍ଚ କରାଯାଉଛି ।
ମୁକେଶଙ୍କ ଘର ଚାରିପଟେ ଡଗ୍ ସ୍କ୍ୱାଡ୍, ର୍ୟାପିଡ୍ ଆକ୍ସନ୍ ଫୋର୍ସ ଓ ଅନ୍ୟ ସୁରକ୍ଷା ବଳକୁ ମୁତୟନ କରରାଯାଇଛି । ଏପରି ସମ୍ବେଦନଶୀଳ ଘଟଣାରେ ମୁମ୍ବାଇ ପୋଲିସ ଯାଞ୍ଚ କଡାକଡି କରୁଛି । ଏହା ପୂର୍ବରୁ ମଧ୍ୟ ମୁକେଶଙ୍କୁ ଏପରି ଧମକ ମିଳିଥିଲା । ଫେବୃଆରୀ ମାସରେ ତାଙ୍କ ବାସଭବନ ନିକଟରୁ ୨୦ଟି ଜିଲେଟିନ୍ ଷ୍ଟିକ୍ ସହ ଏକ ଧମକପୂର୍ଣ୍ଣ ଚିଠି ମିଳିଥିଲା, ଯାହା ମୁମ୍ବାଇ ପୋଲିସକୁ ଚିନ୍ତାରେ ପକାଇଥିଲା ।