ଭାରତରେ ପହଂଚିଲା ଋଷିଆ ଟିକା ସ୍ପୁଟନିକ-ଭିର ଦ୍ୱିତୀୟ ଡୋଜ । ଖୁବଶୀଘ୍ର ସ୍ପୁଟନିକ –ଭି ଲାଇଟ୍ ର ସିଙ୍ଗଲ ଡୋଜ ଆଣିବାକୁ ଯୋଜନା ।
କନକ ବ୍ୟୁରୋ : ଦେଶରେ ଚାଲିଥିବା କରୋନା ବିରୋଧୀ ଟିକାକରଣରେ ଆଉପାଦେ ଆଗେଇଛି ଭାରତ । ଟିକାକରଣକୁ ଦ୍ରୁତ କରିବାକୁ ଋଷ ଦ୍ୱାରା ପ୍ରସ୍ତୁତ ଭ୍ୟାକ୍ସିନ ‘ସ୍ପୁଟନିକ-ଭି’ କୁ ଭାରତରେ ଅନୁମତି ମିଳିବା ପରେ ଟିକାର ଦ୍ୱିତୀୟ ଡୋଜ ଆଜି ଭାରତରେ ପହଂଚିଛି । ଏହି ଟିକା ବିମାନ ଯୋଗେ ହାଇଦ୍ରାବାଦ ଠାରେ ପହଂଚିବା ପରେ ଭାରତରେ ଋଷ ରାଜଦୂତ ଏନ୍. କୁଦାସେବ କହିଛନ୍ତି କି ଭାରତରେ ସ୍ପୁଟନିକ୍-ଭି ଟିକାର ଉତ୍ପାଦନ କରାଯାଇ ବାର୍ଷିକ ୮୫ କୋଟି ଡୋଜ ପ୍ରସ୍ତୁତ କରିବାକୁ କମ୍ପାନୀ ଆଶା ରଖିଛି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ଋଷ ରାଜଦୂତ କହିଛନ୍ତି କି ଭାରତରେ ଋଷ ଦ୍ୱାରା ପ୍ରସ୍ତୁତ ହୋଇଥିବା ସିଙ୍ଗଲ ଡୋଜ ଭ୍ୟାକ୍ସିନ ସ୍ପୁଟନିକ୍ ଲାଇଟ୍ ଅଣାଯିବା ନେଇ ଯୋଜନା ଚାଲିଛି । ଏହି ସିଙ୍ଗଲ ଡୋଜ ଟିକାର ପ୍ରଭାବ ସାରା ବିଶ୍ୱ ଜାଣିଥିବା କଥା ସେ କହିଛନ୍ତି ।
The second consignment of Russia’s Sputnik V arrived in Hyderabad today pic.twitter.com/FK2abb7qvn
— ANI (@ANI) May 16, 2021
କହିରଖୁ କି ଚଳିତ ମାସ ୧ ତାରିଖରେ ସ୍ପୁଟନିକ-ଭି ଟିକାର ପ୍ରଥମ ଡୋଜ ଭାରତରେ ପହଂଚିଥିଲା । ଆଜି ଏହାର ଦ୍ୱିତୀୟ ଡୋଜ ବିମାନ ଯୋଗେ ହାଇଦ୍ରାବାଦ ଠାରେ ପହଂଚିଛି । ଦେଶରେ ଲାଗିରହିଥିବା ଟିକାର ଅଭାବ ଭିତରେ ଗୁରୁବାର ଦିନ କେନ୍ଦ୍ର ସରକାର ସ୍ପଷ୍ଟ କରିଛନ୍ତି କି ଆସନ୍ତା ସପ୍ତାହ ଠାରୁ ଭାରତୀୟ ବଜାରରେ ସ୍ପୁଟନିକ୍ ଭି ଟିକା ଉପଲବ୍ଧ ହେବ ।
ଗତ ଶୁକ୍ରବାର ଦିନ ହାଇଦ୍ରାବାଦ ଠାରେ ଡ.ରେଡ୍ଡୀଜ୍ ଲ୍ୟାବରେ ସ୍ପୁଟନିକ- ଭି ଟିକାର ଲଂଚ କରାଯାଇଥିଲା । ଏହି ଟିକା ଏବେ ଭାରତୀୟ ବଜାରରେ ୯୯୫ ଟଙ୍କାରେ ଉପଲବ୍ଧ ହେବ । ଏହାସହ ଡ.ରେଡ୍ଡୀଜ୍ ଲ୍ୟାବର ଜଣେ ଅଧିକାରୀ କହିଛନ୍ତି କି ୮ ରୁ ୧୦ ମାସ ମଧ୍ୟରେ ଭାରତକୁ ସ୍ପୁଟନିକ ଭି ଟିକାର ୨୫ କୋଟି ଡୋଜ୍ ମିଳିବ ଓ ଭାରତରେ ଏହାର ଉତ୍ପାଦନ ଜୁଲାଇ ମାସରୁ ଆରମ୍ଭ ହେବ ।