ପ୍ରଥମ ଓଡିଆ ଭାଷା ମହାକୁମ୍ଭର ଦ୍ୱିତୀୟ ଦିନ । ଉତ୍କଳ ଗୌରବ ମଧୁସୂଦନ ଦାସଙ୍କ ଶ୍ରାଦ୍ଧ ଉତ୍ସବ ପରେ ଆରମ୍ଭ ହେବ ମାନସମନ୍ଥନ

43

କନକ ବ୍ୟୁରୋ : ପ୍ରଥମ ଓଡ଼ିଶା ଭାଷା ମହାକୁମ୍ଭର ଆଜି ଦ୍ୱିତୀୟ ଦିନ । ଆଜି ଆଦିକବି ସାରଳା ଦାସ କକ୍ଷରେ ଉକ୍ରଳ ଗୌରବ ମଧୁସୂଦନ ଦାସଙ୍କ ଶ୍ରାଦ୍ଧ ଦିବସ ପାଳନ ହେବ । ଏହାପରେ ଆଧୁନିକ ଓଡ଼ିଶାର ଆବିର୍ଭାନ ଉପରେ ହେବ ଆଲୋକପାତ । ଓଡ଼ିଆ ଭାଷା ଓ ମହିଳା ସଶକ୍ତିକରଣ ଉପରେ ଆଲୋଚନା ହେବ । ଏହାସହ ଆଧୁନିକ ଓଡ଼ିଆ ସାହିତ୍ୟ, ଓଡ଼ିଶାର ନୌବାଣିଜ୍ୟ ଐତିହ୍ୟ, ଓଡ଼ିଶାର ଲୋକସଂସ୍କୃତି ଉପରେ ଆଲୋକପାତ ହେବ । ଶନିବାର ସମ୍ମିଳନୀକୁ ଉଦଘାଟନ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିରେ ଓଡିଆ ଭାଷା ଜଗତର ବହୁ ବିଶିଷ୍ଟ ଲେଖକ, ସାହିତ୍ୟକ ଓ କବିଙ୍କ ଉପସ୍ଥିତି ଥିଲେ । ଭାଷା ସମ୍ମିଳନୀରେ ଶୋଭା ପାଇଛି ଓଡିଆ ଭାଷାର ଅସ୍ମିତା । ଅ, ଠାରୁ ଆରମ୍ଭ କରି ଲ ପର୍ଯ୍ୟନ୍ତ ଅକ୍ଷର, ଓଡିଆ ଭାଷାର ପରିଚୟ ଦେଉଛି । ଅତୀତ, ବର୍ତମାନ ଓ ଭବିଷ୍ୟତକୁ ଦର୍ଶାଉଛି । ଓଡିଆ ଭାଷା ଏବଂ ଲିପିର ଉତ୍ପତି ଓ ବିବର୍ତନ, ପ୍ରାଚୀନ ପ୍ରସ୍ତର ଅଭିଲେଖ, ତାମ୍ରଫଳକ, ତାଳପତ୍ର, ପୋଥି, କଳିଙ୍ଗ ଶୈଳୀର ମନ୍ଦିର ସ୍ଥାପତ୍ୟ, ଓଡିଶାର ନୌବାଣିଜ୍ୟ ସମ୍ପର୍କିତ କଳାକୃତିଗୁଡିକର ସୁଦୃଶ୍ୟ ଚିତ୍ରପଟ୍ଟ ମାଧ୍ୟମରେ ପ୍ରଦର୍ଶିତ ହୋଇଛି । ଏସବୁ ଓଡିଆ ଭାଷା ଇତିହାସ ସମ୍ପର୍କରେ ଜାଣିବାର ନୂଆପିଢ଼ି ପାଇଁ ଏକ ସୁଯୋଗ ଆଣିଛି ।