ଖୁବଶୀଘ୍ର ଦେଶରେ ହେବ ଟିକାକରଣ : ଆଜି ସବୁ ରାଜ୍ୟର ସ୍ୱାସ୍ଥ୍ୟମନ୍ତ୍ରୀଙ୍କ ସହ ଆଲୋଚନା କରିବେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ; ୮ ତାରିଖରେ ହେବ ଆଉ ଏକ ଡ୍ରାଏ ରନ୍
କନକ ବ୍ୟୁରୋ : ଆଜି ସମସ୍ତ ରାଜ୍ୟର ସ୍ୱାସ୍ଥ୍ୟମନ୍ତ୍ରୀଙ୍କ ସହ ଆଲୋଚନା କରିବେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡାକ୍ତର ହର୍ଷବର୍ଦ୍ଧନ । କୋଭିଡ ଟିକାକରଣ ପାଇଁ ରାଜ୍ୟଗୁଡିକ କିଭଳି ପ୍ରସ୍ତୁତି କରିଛନ୍ତି, ସେନେଇ ସମୀକ୍ଷା କରିବେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ । ଦିନ ସାଢେ ୧୨ଟାରେ ଭିଡିଓ କନଫରେନସିଂ ଜରିଆରେ ହେବ ଏହି ଉଚ୍ଚସ୍ତରୀୟ ବୈଠକ । ଦୁଇଟି ଟିକାର ଜରୁରିକାଳୀନ ବ୍ୟବହାର ପାଇଁ ଅନୁମୋଦନ ପରେ ଦେଶବ୍ୟାପୀ ଟିକାକରଣକୁ ସୁଚାରୁ ରୂପେ କରିବା ପାଇଁ କୋ-ୱିନ ନାମରେ ଏକ ସଫ୍ଟୱେୟାର ବିକାଶ କରିଛି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ।
Kanak News is now on WhatsApp
Join and get latest news updates delivered to you via WhatsApp
ଏଥିରେ କେତେ ପରିମାଣରେ ଟିକା ମହଜୁଦ ଅଛି, ଏଗୁଡିକୁ ସଂରକ୍ଷିତ କରିବା ପାଇଁ କେତେ ତାପମାତ୍ରା ଆବଶ୍ୟକ ଏବଂ ଟିକା ନେବାକୁଥିବା ବ୍ୟକ୍ତିଙ୍କ ବାବଦରେ ତଥ୍ୟ ରହିବ । ଏହାକୁ ବ୍ୟବହାର କରିବା ପାଇଁ ଏକ ୨୪ ଘଂଟିଆ ଟୋଲ-ଫ୍ରି ନମ୍ବର ମଧ୍ୟ ଜାରି କରାଯାଇଛି । ଟିକାକରଣ ପାଇଁ ଆବଶ୍ୟକ ସିରିଞ୍ଜ ଓ ଅନ୍ୟାନ୍ୟ ଆନୁସଙ୍ଗିକ ଉକପରଣ ବାବଦରେ ମଧ୍ୟ ଏହି ସଫ୍ଟୱେୟାରରୁ ସୂଚନା ମିଳିପାରିବ । ଅନୁମାନ କରାଯାଉଛି ଜାନୁଆରୀ ୧୩-୧୪ ତାରିଖ ବେଳକୁ ଦେଶରେ ଆରମ୍ଭ ହୋଇପାରେ ସମୁହ କୋଭିଡ ଟିକାକରଣ । ଏହା ପୂର୍ବରୁ ଆଗାମୀ ୮ ତାରିଖରେ ମଧ୍ୟ ଆଉ ଏକ ଡ୍ରାଏରନ୍ ହେବାକୁ ଯାଉଛି ।