କନକ ବ୍ୟୁରୋ : ବଜେଟରେ ଘୋଷଣା କରାଯାଇଛି ଗୋଲ୍ଡ ଏକ୍ସଚେଂଜ ଅର୍ଥାତ ସୁନା ଗହଣାକୁ ନେଇ ହେଉଥିବା ଟ୍ରେଡିଂକୁ ନିୟନ୍ତ୍ରିତ କରିବ ସେବି । ଫଳରେ ଏହି କାରବାରରେ ଅଧିକ ପାରଦର୍ଶିତା ଆସିବ । ଆମ ଦେଶରେ ସାଧାରଣତଃ ନିବେଶକ ଅଧିକ ଲାଭ ପାଇବା ଆଶାରେ ଷ୍ଟକ ବଜାରରେ କିମ୍ବା ଫିକ୍ସ ଡିପୋଜିଟରେ ନିବେଶ କରିଥାନ୍ତି । ବଜାରରେ ସ୍ଥିରତା ଥିଲେ ସୁନାରେ ନିବେଶ କରିବା କଥା ଚିନ୍ତା କରନ୍ତି । କିନ୍ତୁ ବିଶ୍ୱବ୍ୟାପୀ ନିବେଶକ ବଜାରରେ ଅସ୍ଥିରତା ଆସିଲେ ସୁନାରେ ନିବେଶ କରିବାକୁ ସୁରକ୍ଷିତ ମନେ କରନ୍ତି । ହେଲେ ଚଳିତ ବଜେଟରେ ମୋଦି ସରକାର ସୁନା, ରୁପା ଉପରୁ ଆମଦାନୀ ଶୁଳ୍କକୁ କମାଇ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଶେଷ କରି ସୁନା, ରୁପାରେ ନିବେଶକୁ ପ୍ରୋତ୍ସାହିତ କରିବାକୁ ଆମଦାନୀ ଶୁଳ୍କ ୧୨.୫ ପ୍ରତିଶତରୁ ୭.୫ ପ୍ରତିଶତକୁ ହ୍ରାସ କରାଯାଇଛି । ଭାରତରେ ମୁଖ୍ୟତଃ ସୁନାରେ ତିନି ପ୍ରକାର ନିବେଶ ହେଉଛି । ଲୋକେ ଗହଣା କିଣୁଛନ୍ତି । ନିବେଶକ ସୁନାରେ ନିବେଶ କରୁଛନ୍ତି । ରିଜର୍ଭ ବ୍ୟାଙ୍କ ମଧ୍ୟ ନିଜ ପାଖରେ ଗଚ୍ଛିତ ରଖିବାକୁ ସୁନା କିଣିଥାଏ । ଏବେ ସୁନାରେ ନିବେଶକୁ ଅଧିକ ସ୍ୱଚ୍ଛ କରିବା ପାଇଁ ସେବୀକୁ କ୍ଷମତା ପ୍ରଦାନ କରାଯାଇଛି । ଫଳରେ ଲୋକେ ଠକେଇରେ ପଡିବେ ନାହିଁ ଏବଂ ଗୋଲ୍ଡ ଏକ୍ସଚେଞ୍ଜରୁ ସୁନାର ଉଚିତ ମୂଲ୍ୟ ମଧ୍ୟ ପାଇପାରିବେ ।