ନିଖୋଜ ଯବାନ ମାଓବାଦୀଙ୍କ କବଜାରେ ଥିବା ଘଟଣା : ସର୍ଚ୍ଚ ଅପରେସନକୁ ଜୋରଦାର କରାଯିବ କହିଲେ ବସ୍ତର ଆଇଜି
ସେପଟେ ଶାହାଙ୍କ ବିଜାପୁର ଗସ୍ତ ପରେ ଆସିଲା ମାଓବାଦୀଙ୍କ ବିବୃତି ; ସୁରକ୍ଷାକର୍ମୀଙ୍କ ଗୁଳିରେ ମରିଛନ୍ତି ୨୮ ମାଓବାଦୀ
କନକ ବ୍ୟୁରୋ : ଛତିଶଗଡରେ ନକ୍ସଲ ଆକ୍ରମଣ ପରେ ନିଖୋଜ ଯବାନଙ୍କ ଉଦ୍ଧାର ପାଇଁ ଚାଲିଛି ସର୍ଚ୍ଚ ଅପରେସନ୍ । ଲାଲବାହିନୀ ତାଙ୍କୁ ଅପହରଣ କରିନେଇଥିବା ଗଣମାଧ୍ୟମରୁ ଜାଣିଥିବା କହିଛନ୍ତି ବସ୍ତର ଆଇଜି ପି. ସୁନ୍ଦରରାଜ । ଏହା ସତ ହୋଇଥାଇ ପାରେ ବୋଲି ସେ ସନ୍ଦେହ ପ୍ରକାଶ କରିଛନ୍ତି । କାରଣ ବିଜାପୁର ଜୋନାଗୁଡା ଜଙ୍ଗଲରେ ନକ୍ସଲଙ୍କ ନରସଂହାର ପରେ ସିଆର୍ପିଏଫ୍ ଯବାନ ରାକେଶୋର ସିଂ ମନହସଙ୍କ ପତା ମିଳୁନାହିଁ ।
Kanak News is now on WhatsApp
Join and get latest news updates delivered to you via WhatsApp
Chhattisgarh | Search party has been looking for the missing soldier. We got to know via social media that he has been abducted by Naxals. Possibility that it’s true, we’ll verify the information & take necessary action to get him back safely: P Sundarraj, IG Bastar pic.twitter.com/lRf6aNkr3P
— ANI (@ANI) April 6, 2021
ସୁରକ୍ଷା କର୍ମୀଙ୍କ ସର୍ଚ୍ଚ ଅପରେସନ୍ ଟିମ୍, ସହିଦ ଯବାନଙ୍କ ୨୦ଟି ମୃତଦେହ ଉଦ୍ଧାର କରିଛନ୍ତି । ପୂର୍ବରୁ ୨ଟି ମୃତଦେହ ଉଦ୍ଧାର ହୋଇଥିବାବେଳେ ହସ୍ପିଟାଲରେ ୩୧ ଜଣ ଆହତ ଯବାନଙ୍କ ଚିକିତ୍ସା ଚାଲିଛି । ତେଣୁ ନିଖୋଜ ଯବାନଙ୍କୁ ଫେରାଇ ଆଣିବା ପାଇଁ ସବୁ ପ୍ରକାର ଉଦ୍ୟମ କରାଯିବ ବୋଲି ସୂଚନା ଦେଇଛନ୍ତି ବସ୍ତର ଆଇଜି ।
ସେପଟେ ଗତକାଲି କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ବିଜାପୁର ଗସ୍ତ ପରେ ଏକ ପ୍ରେସ ବିବୃତି ଜାରି କରିଛି ସିପିଆଇ ମାଓଇଷ୍ଟ ସଂଗଠନ । ଏଥିରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ବୟାନକୁ ନିନ୍ଦା କରାଯାଇଛି । ଯବାନଙ୍କ ବଳିଦାନ ବ୍ୟର୍ଥ ଯିବନାହିଁ ବୋଲି କହିଥିଲେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ଏପରିକି ନକ୍ସଲ ବିରୋଧୀ ଅପରେସନକୁ ଜୋରଦାର କରାଯିବ ବୋଲି ସଂକେତ ଦେଇଥିଲେ ।
ତେବେ ଏହାକୁ ନିନ୍ଦା କରିବା ସହ ଯବାନଙ୍କ ମୃତ୍ୟୁ ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ସହ ନର୍ଥ ବ୍ଲକକୁ ଦାୟୀ କରିଛି ସିପିଆଇ ମାଓବାଦୀ ସଂଗଠନ । ସହିଦ ଯବାନଙ୍କ ପରିବାର ପ୍ରତି ସମବେଦନା ଜଣାଇ ସେମାନଙ୍କ ଲଢେଇ ସରକାରଙ୍କ ବିରୋଧରେ, ସୁରକ୍ଷା କର୍ମୀଙ୍କ ବିରୋଧରେ ନୁହେଁ ବୋଲି କୁହାଯାଇଛି । ବ୍ୟବସ୍ଥା ବିରୋଧରେ ଲଢେଇରେ ଗତ ୪ ମାସରେ ଦେଶର ବିଭିନ୍ନ ଭାଗରେ ୨୮ ଜଣ ମାଓବାଦୀଙ୍କ ସୁରକ୍ଷା କର୍ମୀଙ୍କ ଗୁଳିରେ ମୃତ୍ୟୁ ହୋଇଥିବା ଏହି ପ୍ରେସ ବିବୃତିରେ କହିଛି ସିପିଆଇ ମାଓବାସୀ ସଂଗଠନ ।