କନକ ବ୍ୟୁରୋ : ଉପକୂଳ ସୁରକ୍ଷା ପାଇଁ ପାରାଦୀପରେ ଆରମ୍ଭ ହେଲା ଦୁଇ ଦିନିଆ ସମରାଭ୍ୟାସ । ସକାଳ ୬ଟାରୁ ଏହା ଆରମ୍ଭ ହୋଇଥିବା ବେଳେ ଆସନ୍ତାକାଲି ସଂଧ୍ୟା ଯାଏଁ ଚାଲିବ । ଏହି ସମରାଭ୍ୟାସରେ ନୌସେନା, ଭାରତୀୟ ତଟରକ୍ଷୀ ବାହିନୀ, ଓଡ଼ିଶା ପୋଲିସ୍, ବନ ବିଭାଗ, ମତ୍ସ୍ୟ ବିଭାଗ, ଓଡ୍ରାଫ ଟିମ୍ ମିଶି ଏହି ଅଭ୍ୟାସ କରୁଛନ୍ତି । ଅନୁପ୍ରବେଶକାରୀଙ୍କୁ କିପରି ରୋକାଯାଇବ, ଏନେଇ ମକ୍ ଡ୍ରିଲ କରାଯାଇଛି । ବ୍ଲୁ ଟିମ୍ ଓ ରେଡ୍ ଟିମ୍ ନାଁରେ ଦୁଇଟି ଟିମ୍ ଗଠନ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମକ୍ ଡ୍ରିଲ୍ ବେଳେ ରେଡ୍ ଟିମ୍ ଛଦ୍ମବେଶୀ ଅନୁପ୍ରବେଶକାରୀ ହୋଇଥିବା ବେଳେ ସେମାନଙ୍କୁ ଚିହ୍ନଟ କରି ରୋକିବା ଦାୟିତ୍ୱ ବ୍ଲୁ ଟମ୍ର ରହିଛି । କିପରି ଉପକୂଳ ସୁରକ୍ଷାକୁ ସୁଦୃଢ଼ ଓ ମଜବୁତ କରାଯିବ, ଏଥିପାଇଁ ଏହି ସମରାଭ୍ୟାସ କରାଯାଉଛି । ଏଥିରେ ୨୦ ଜଣ ପୋଲିସ୍ ଅଧିକାରୀ, ଚାରି ପ୍ଲାଟୁନ ଫୋର୍ସ ଓ ୪୫ ଜଣ ପୋଲିସ୍ କନେଷ୍ଟବଳ ନିୟୋଜିତ ହୋଇଛନ୍ତି । ୨୦୦୮ ମୁମ୍ବାଇ ଆତଙ୍କବାଦୀ ଆକ୍ରମଣ ପରେ ଉପକୂଳ ସୁରକ୍ଷା ଉପରେ ଅଧିକ ଗୁରୁତ୍ୱ ଦିଆଯାଇଛି । ଏଥିପାଇଁ ପ୍ରତିବର୍ଷ ଏପରି ସମରାଭ୍ୟାସ କରାଯାଉଛି ।