କୋଣାର୍କରେ ସାଧାରଣ ପଥର…ଅଭିଯୋଗକୁ ASIର ଖଣ୍ଡନ । ଏହା ସଂପୂର୍ଣ୍ଣ ମିଛ ଏବଂ ମନ୍ଦିରର ଭାଇରାଲ ଫଟୋକୁ ବିଭ୍ରାନ୍ତିକର ବୋଲି କହିଲା ଭାରତୀୟ ପ୍ରତ୍ନତାତ୍ୱିକ ସର୍ବେକ୍ଷଣ ସଂସ୍ଥା
କନକ ବ୍ୟୁରୋ: ବିଶ୍ୱ ଐତିହ୍ୟସ୍ଥଳୀ କୋଣାର୍କ ସୂର୍ଯ୍ୟମନ୍ଦିରରେ ମରାମତି ନାଁରେ କାରୁକାର୍ଯ୍ୟପୂର୍ଣ୍ଣ ପଥରକୁ କାଢି ସାଦା ପଥର ଲଗାଇବା ଅଭିଯୋଗକୁ ଖଣ୍ଡନ କରିଛି ଭାରତୀୟ ପ୍ରତ୍ନତାତ୍ୱିକ ସର୍ବେକ୍ଷଣ ସଂସ୍ଥା । ଗତ କିଛି ଦିନ ହେଲା ସୋସିଆଲ ମିଡିଆରେ ଭାଇରାଲ ହୋଇଥିବା କୋଣାର୍କ ମନ୍ଦିର ଫଟୋକୁ ବିଭ୍ରାନ୍ତିକର ବୋଲି କହିଛି ଏଏସଆଇ ।
Kanak News is now on WhatsApp
Join and get latest news updates delivered to you via WhatsApp
The tweet regarding replacement of sculptures with plain stones is false and misleading. The 2 images shown in the tweet are from different locations. The image with sculptures is from Natya Mandapa while the plain stones images are from the plinth of Jagmohana (the main temple). pic.twitter.com/FcT2Hih60k
— Archaeological Survey of India (@ASIGoI) February 10, 2020
ଏନେଇ ଟୁଇଟ କରି ଏଏସଆଇ କହିଛି, କୋଣାର୍କ ମନ୍ଦିରର ପୁରୁଣା କୀର୍ତିରାଜି ଭାଙ୍ଗି ସାଦା ପଥର ଲଗାଯିବା ଖବର ସମ୍ପୁର୍ଣ୍ଣ ମିଛ । ସୋସିଆଲ ମିଡିଆରେ ବୁଲୁଥିବା ଦୁଇଟି ତୁଳନାତ୍ମକ ଫଟୋ ଜାଣିଶୁଣି ଲୋକଙ୍କୁ ଭ୍ରାନ୍ତି କରିବା ଭାଇରାଲ କରାଯାଇଛି । ୨ଟି ଯାକ ଚିତ୍ର ମନ୍ଦିରର ୨ଟି ଭିନ୍ନ ଭିନ୍ନ ସ୍ଥାନର ବୋଲି ଦର୍ଶାଇଛି ଏଏସଆଇ । ଏହା ମଧ୍ୟରୁ ଗୋଟିଏ ଫଟୋ ନାଟମଣ୍ଡପ କିର୍ତିରାଜିର ହୋଇଥିବା ବେଳେ ଅନ୍ୟଟି ମୁଖ୍ୟ ମନ୍ଦିର ଜଗମୋହନର ଫଟୋ, ଯାହା ସାଧାରଣ ପଥରରେ ନିର୍ମିତ ଭିତିପ୍ରସ୍ତର ବୋଲି ଏଏସଆଇ କହିଛି ।
The plain stone work shown in the image was done in mid1980s. ASI used plain stone only wherein there was no evidence left & as per ASI’s the then archaeological policy only such portions were filled with plain stones. ASI would like to confirm that no sculpture has been replaced pic.twitter.com/m4W7wjYkeJ
— Archaeological Survey of India (@ASIGoI) February 10, 2020
ଚିତ୍ରରେ ଦର୍ଶାଇଥିବା ସାଦା ପଥର କାମ ୧୯୮୦ ଦଶକର ମଧ୍ୟଭାଗରେ କରାଯାଇଛି । ଯେଉଁ ସ୍ଥାନରେ କିର୍ତିରାଜି ସମ୍ପୁର୍ଣ୍ଣ ନଷ୍ଟ ହୋଇଛି କିମ୍ବା ପୂର୍ବରୁ କଣ ରହିଥିଲା ତାହାର ପ୍ରମାଣ ନାହିଁ । ସେଠାରେ ଏଏସଆଇ ପଲିସି ଅନୁସାରେ ସାଦା ପଥର ଲଗାଯାଇଛି । ମନ୍ଦିରର ଭଲ ଅବସ୍ଥାରେ ଥିବା କୌଣସି କିର୍ତିରାଜି ବଦଳାଯାଇ ନାହିଁ ବୋଲି ସ୍ପଷ୍ଟ କରିଛି ଏଏସଆଇ ।