କନକ ବ୍ୟୁରୋ : କମୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ବିହାର ସରକାର କଟକଣା କୋହଳ କରିଛନ୍ତି । ଏବେ ବିହାରରେ ସ୍କୁଲ, କଲେଜ, ଦୋକାନ, ମଲ, ପାର୍କ ଓ ଧାର୍ମିକ ସ୍ଥଳ କିଛି ସର୍ତ୍ତ ସହିତ ଖୋଲିବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ନୀତୀଶ କୁମାର । ନୀତୀଶ କୁମାର ଆଜି ବିପର୍ଯୟ ପରିଚାଳନା ବିଭାଗ ସହ ବୈଠକ ପରେ ଏଭଳି ନିଷ୍ପତ୍ତି ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ସୋସିଆଲ ମିଡିଆରେ ଲେଖିଛନ୍ତି କି, “ରାଜ୍ୟରେ କୋଭିଡ-୧୯ ସ୍ଥିତି ସମୀକ୍ଷା କରାଯାଇଛି, କରୋନା ସଂକ୍ରମଣ ସ୍ଥିତିର ସୁଧାର ଆସିଥିବାରୁ ସବୁ ଦୋକାନ, ପ୍ରତିଷ୍ଠାନ, ସପିଂ ମଲ, ପାର୍କ, ଉଦ୍ୟାନ ଓ ଶିକ୍ଷାନୁଷ୍ଟାନ ସାମାନ୍ୟ ରୂପେ ଖୋଲାଯାଇ ପାରିବ, ଏହାସହ ଜିଲ୍ଲା ପ୍ରଶାସନର ଅନୁମତି କ୍ରମେ ସବୁ ପ୍ରକାର ରାଜନୈତିକ, ମନୋରଞ୍ଜନ, ଖେଳ-କୁଦ, ସାଂସ୍କୃତିକ ଏବଂ ଧାର୍ମିକ କାର୍ଯ୍ୟକ୍ରମର ଆୟୋଜନ କରିପାରବେ । ”
After reviewing the COVID19 situation, shops, shopping malls, parks, gardens, and religious places will be permitted to function normally. Universities, Colleges, technical education institutions, schools and coaching centres are also permitted to reopen: Bihar CM Nitish Kumar pic.twitter.com/PekR3tueVw
— ANI (@ANI) August 25, 2021
ମୁଖ୍ୟମନ୍ତ୍ରୀ ଆହୁରି ଲେଖଇଛନ୍ତି ଯେ, ସବୁ ବିଶ୍ୱ ବିଦ୍ୟାଳୟ,କଲେଜ, ଟେକ୍ନିକାଲ ଶିକ୍ଷା ସଂସ୍ଥା ଓ ବିଦ୍ୟାଳୟ (ପ୍ରଥମରୁ ଦ୍ୱାଦଶ ଶ୍ରେଣୀ ଯାଏଁ) ସହିତ କୋଚିଂ ସେଣ୍ଟର ବି ସାମାନ୍ୟ ରୂପେ ଖୋଲାଯାଇ ପାରିବ । ଅନ୍ୟପଟେ ୫୦ ପ୍ରତିଶତ କ୍ଷମତା ସହିତ ସିନେମା ହଲ, କ୍ଲବ, ଜିମ୍, ସ୍ୱିମିଂ ପୁଲ,ରେଷ୍ଟୁରାଣ୍ଟ ଏବଂ ହୋଟେଲ ଖୋଲାଯାଇ ପାରିବ । ଅନ୍ୟପଟେ ତୃତୀୟ ଲହରର ସମ୍ଭାବନା ଥିବାରୁ ବିହାରବାସୀ ସାବଧାନ ରହିବାକୁ ସେ ଅନୁରୋଧ କରିଛନ୍ତି ।
କହିରଖୁ କି ଗତ ୨୪ ଘଂଟା ମଧ୍ୟରେ ବିହାରରେ ମାତ୍ର ୯ ଜଣ ଲୋକ କରୋନାରେ ସଂକ୍ରମିତ ହୋଇଛନ୍ତି । ରାଜ୍ୟରେ ବର୍ତମାନ ୧୦୨ ଆକ୍ଟିଭ ମାମଲା ରହିଛି ।