ବାରମ୍ବାର ଅସ୍ତ୍ରବିରତି ଉଲ୍ଲଂଘନ କରୁଛି ପାକିସ୍ତାନ: ସୁରକ୍ଷା ଦୃଷ୍ଟିରୁ ସୀମାରେ ଥିବା ସମସ୍ତ ସ୍କୁଲ କଲେଜ ବନ୍ଦ ଘୋଷଣା, ସ୍ୱାସ୍ଥ୍ୟ ବିଭାଗ କର୍ମଚାରୀଙ୍କ ଛୁଟି ରଦ୍ଦ
ଜରୁରୀକାଳିନ ପରିସ୍ଥିତ ପାଇଁ ପ୍ରସ୍ତୁତ ରହିବାକୁ ନିର୍ଦ୍ଦେଶ
କନକ ବ୍ୟୁରୋ: ପାକିସ୍ତାନ ସେନା ଅଖନୁର ସେକ୍ଟରର ପୁଲବାମା ଅଂଚଳରେ ଓ ମେଂଢର ସେକ୍ଟରରେ ପ୍ରବଳ ଗୁଳି ଗୋଳା ବର୍ଷା ଜାରି ରହିିଛି । ସେହିପରି ବାଲାକୋଟ ଓ କୃଷ୍ଣାଘାଟିର ଉପ ସେକ୍ଟର ଉପରେ ରାତିସାରା ଗୁଳି ମାଡ କରିଥିବା ସୂଚନା ମିଳିଛି । ତେବେ ଭାରତୀୟ ଯବାନ ପାକ ରେଞ୍ଜର୍ସଙ୍କୁ ମୁହଁତୋଡ ଜବାବ ଦେଇଛନ୍ତି । ସେନା ପୋଷ୍ଟ ସହ ଜନବସତିକୁ ଟାର୍ଗେଟ କରି ପାକିସ୍ତାନ ସେନା ମୋର୍ଟାର ମାଡ କରୁଥିବା ସ୍ଥାନୀୟ ବାସିନ୍ଦା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ, ସୀମାରେ ଉତେଜନାକୁ ଆଖିରେ ରଖି ଆଜି ଜମ୍ମୁକଶ୍ମୀରର ସୀମାନ୍ତବର୍ତି ଅଂଚଳର ସମସ୍ତ ସ୍କୁଲ, କଲେଜ ବନ୍ଦ ଘୋଷଣା କରାଯାଇଛି । ଏଲଓସି ଏବଂ ଅନ୍ତରାଷ୍ଟ୍ରୀୟ ସୀମା ଠାରୁ ୫ କିଲୋମିଟର ଦୂରତାରେ ଥିବା ସମସ୍ତ ସ୍କୁଲ ବନ୍ଦ ରଖିବାକୁ ଘୋଷଣା କରିଛି ପ୍ରଶାସନ । ପାକିସ୍ତାନ ସେନା ସୀମାରେ ଗୁଳି ଓ ମୋର୍ଟାର ମାଡ କରୁଥିବାରୁ ସ୍କୁଲ ବନ୍ଦ ରଖିବାକୁ ପ୍ରଶାସନ ନିଷ୍ପତି ନେଇଛି । ସେହିଭଳି ଭାରତ -ପାକିସ୍ତାନ ସୀମାରେ ଉତେଜନାକୁ ଆଖିରେ ରଖି ସୀମାବର୍ତି ରାଜ୍ୟ ଗୁଡିକରେ ହାଇ ଅଲର୍ଟ ଜାରି କରାଯାଇଛି । ଜମ୍ମୁକଶ୍ମୀର, ପଞ୍ଜାବ, ରାଜସ୍ଥାନ, ଗୁଜରାଟ, ମହାରାଷ୍ଟ୍ର, ଉତରାଖଣ୍ଡରେ ହାଇଅଲର୍ଟ ଜାରି କରାଯାଇଛି । ପଞ୍ଜାବ ଓ ରାଜସ୍ଥାନରେ ସୁରକ୍ଷା କଡାକଡି କରିବା ସହ ଯାନବାହନ ଯାଂଚ କରି ଛଡା ଯାଉଛି । ସେହିପରି ମୁମ୍ବାଇ ଓ ଗୁଜରାଟରେ ମଧ୍ୟ ସେନା ପକ୍ଷରୁ କଡା ସୁରକ୍ଷାର ବନ୍ଦୋବସ୍ତ କରାଯାଇଛି ।
ସମ୍ଭାବ୍ୟ ଯୁଦ୍ଧ ପରିସ୍ଥିତିକୁ ଆଖିରେ ରଖି ଜମ୍ମୁକଶ୍ମୀର ପ୍ରଶାସନର ପ୍ରସ୍ତୁତି । ସ୍ୱାସ୍ଥ୍ୟ ବିଭାଗକୁ ଅଲର୍ଟ ରଖାଯାଇଛି । ସ୍ୱାସ୍ଥ୍୍ୟ ବିଭାଗରେ କାମ କରୁଥିବା ସମସ୍ତ କର୍ମଚାରୀଙ୍କ ଛୁଟି ବାତିଲ କରିଦିଆଯାଇଛି । ସୀମାବର୍ତି ଅଚଂଳରେ ପାକିସ୍ତାନ ସେନା ଗୁଳି ଗୋଳା ବର୍ଷଣ କରୁଥିବାରୁ ଧନ ଜୀବନ ହାନି ହେବାର ଆଶଙ୍କା ରହିଛି । ତେଣୁ ସ୍ଥାନୀୟ ବାସିନ୍ଦାଙ୍କୁ ତୁରନ୍ତ ସ୍ୱାସ୍ଥ୍୍ୟ ସେବା ଯୋଗାଇ ଦେବାକୁ ପ୍ରଶାସନ ତରଫରୁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି । ସମସ୍ତ ସରକାରୀ ଓ ଘରୋଇ ମେଡିକାଲକୁ ଅଧିକ ପରିମାଣର ଔଷଧ ଯୋଗାଇ ଦିଆଯାଇଛି । ଏଥିସହିତ ଜରୁରୀକାଳୀନ ପରିସ୍ଥିତି ପାଇଁ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦେଇଛି ପ୍ରଶାସନ ।