ଭଙ୍ଗାଯାଇପାରେ ବାହାନଗା ସ୍କୁଲ ଘର। ଜିଲ୍ଲାପାଳ କହିଲେ, ଭୟଭୀତ ହେବାର ନାହିଁ ଆବଶ୍ୟକ
କନକ ବ୍ୟୁରୋ: ବାହାନଗା ହାଇସ୍କୁଲରେ ପାଠ ପଢୁଥିବା ପିଲାମାନେ ସ୍କୁଲକୁ ଯିବାକୁ ହେଉଛନ୍ତି ଅମଙ୍ଗ । ସ୍କୁଲକୁ ନେଇ ଛାତ୍ରଛାତ୍ରୀ ଓ ଅଭିଭାବକଙ୍କ ମନରେ ଏବେ ଭୟ ପଶିଛି । ଏଥିପାଇଁ ସ୍କୁଲରେ ପହଞ୍ଚି ଅଭିଭାବକ ସହ ଆଲୋଚନା କରିଛନ୍ତି ବାଲେଶ୍ୱର ଜିଲ୍ଲାପାଳ । ଘଟଣାସ୍ଥଳରେ ପହଞ୍ଚି ଅନୁଧ୍ୟାନ କରିଥିବା ବେଳେ ପିଲାଙ୍କୁ ଅଧିକ ଭୟଭୀତ ନକରାଇବାକୁ ଅନୁରୋଧ କରିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ଭୂତ ପ୍ରେତ ଉପରେ ବିଶ୍ୱାସ ନକରି ପିଲାଙ୍କୁ ସଚେତନ କରାଯାଉ । ତାଙ୍କ ମୁଣ୍ଡରୁ ଏହି ସବୁ ଘଟଣା ବାହାର କରାଯିବା ଦରକାର । ଖାସ କରି ମିଡିଆକୁ ମଧ୍ୟ ଏହି ଘଟଣାର ପ୍ରଚାର ପ୍ରସାର ନକରିବାକୁ ଅନୁରୋଧ କରିଛନ୍ତି ଜିଲ୍ଲାପାଳ । ତେବେ ଯଦି ମୃତଦେହ ରଖାଯାଇଥିବା ଘଟଣା ନେଇ ଏହି ସବୁ ସମସ୍ୟା ବଢୁଛି ତାହେଲେ ସ୍କୁଲ ଘରକୁ ବି ଭଙ୍ଗାଯାଇପାରେ ବୋଲି ଆଲୋଚନା କରିଛନ୍ତି ଜିଲ୍ଲାପାଳ । ଅଭିଭାବକଙ୍କ ସହ ଆଲୋଚନା କରାଯାଇ ପିଲାଙ୍କ ମନରୁ ଭୟ ବାହାର କରିଦିଆଯିବା ଜରୁରୀ ବୋଲି କହିଛନ୍ତି ଜିଲ୍ଲାପାଳ ।