ଆବାସ ଯୋଜନାର ଅଜବ ଚିତ୍ର । ବସ୍ତାରେ ପିଏମ୍ ଆବାସ ଯୋଜନା ହାତେଇ ଦୁଇ ମହଲା କୋଠା ଛିଡ଼ା କରିଛନ୍ତି ଅଯୋଗ୍ୟ ହିତାଧିକାରୀ
କନକ ବ୍ୟୁରୋ: ଚିରା ପଲିଥିନ ତଳେ ବାସହରା । କିନ୍ତୁ ଧନୀଙ୍କ ପାଇଁ ସରକାରୀ ହାତ ଖୋଲା । ୪୦ ଲକ୍ଷରୁ ଅଧିକ ଟଙ୍କାର ଦ୍ୱିତଳ ପ୍ରସାଦ ଘର ତିଆରି କରିଥିବା ବ୍ୟକ୍ତି ଏତେ ଗରିବ ଯେ ତାଙ୍କୁ ମିଳିଛ ସରକାରୀ ଆବାସ । କିନ୍ତୁ ସେହି ଗାଁର ପଲିଥିନ ତଳେ ଥିବା ଗରିବ ଲୋକଙ୍କୁ ଏହି ଯୋଜନାର ସୁଫଳ ମିଳୁନାହିଁ । ଏଭଳି ଚିତ୍ର ଆସିଛି ବାଲେଶ୍ୱର ବସ୍ତା ବ୍ଲକର ଦରଡା ପଂଚାୟତରେ । ଏହି ପଂଚାୟତର ସୁଜୟ ପଟ୍ଟନାୟକ ଅଧା କୋଟି ଟଙ୍କାର ମାଲିକ ହୋଇ ହାତେଇଛନ୍ତି ପ୍ରଧାନମନ୍ତ୍ରୀ ଆବାସ । ଆଉ ସେ ଯେଉଁ ଆବାସ ଯୋଜନାରେ ଘର ପାଇଛନ୍ତି , ସେହି ଘରକୁ ଯୋଡି ଦୁଇ ମହଲା କୋଠା ତିଆରି କରୁଛନ୍ତି ଯାହାର ଆନୁମାନିକ ମୂଲ୍ୟ ୪୦ ଲକ୍ଷରୁ ଅଧିକ ହେବ । ଆଉ ଏ ନେଇ ସଂପୃକ୍ତ ବ୍ୟକ୍ତିଙ୍କ ଯୁକ୍ତି ମଧ୍ୟ ଅଜବ ।
Kanak News is now on WhatsApp
Join and get latest news updates delivered to you via WhatsApp
କେରାପୁଟ ଜିଲ୍ଲା ବୈପାରୀଗୁଡା ସିରିଗୁଡା ଗାଁର ରୁକି୍ମଣୀ । ଅତ୍ୟନ୍ତ ଗରିବ ଶ୍ରେଣୀର, ଝାଟିମାଟିର ଚାଳଛପର ଘର । ୨୦୧୯ ମସିହାରେ ପ୍ରଧାନମନ୍ତ୍ରୀ ଆବାସ ଯୋଜନା ପାଇଁ ୱାର୍କଅର୍ଡର ମିଳିଲା । ଘର କାମ ଆରମ୍ଭ ବି ହେଲା । କିନ୍ତୁ ଠିକାଦାର ଅଧପନ୍ତରିଆ କରି ଘରକୁ ଛାଡିଦେଲା । କିନ୍ତୁ ପୁରା ଟଙ୍କା ଉଠାଇନେଲା । ଏବେ ୨ ବର୍ଷ ହେଲାଣି ଘର କାମ ସରୁନି କି ଠିକାଦାରର ଦେଖା ମିଳୁନି ।
କେବଳ ରୁକ୍ମିଣୀ ନୁହନ୍ତି , ଏଭଳି ଅନେକ ହିତାଧିକାରୀଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ୱାର୍କ ଅର୍ଡର ମିଳିବା ପରେ ଘର ହୋଇନାହିଁ କିନ୍ତୁ ଟଙ୍କା ଉଠାଇନିଆଯାଇଛି ।