ଧନବାଦରେ ଜଜଙ୍କ ସନ୍ଦିଗ୍ଧ ମୃତ୍ୟୁ ମାମଲା । ନିଜ ତରଫରୁ ଅଭିଯୋଗ ଦାଖଲ କଲେ ସୁପ୍ରିମକୋର୍ଟ । ଡିଜିପିଙ୍କୁ ମାଗିଲେ ରିପୋର୍ଟ
କନକ ବ୍ୟୁରୋ : ଝାଡଖଣ୍ଡ ଧନବାଦ ଠାରେ ଜଣେ ବିଚାରପତିଙ୍କ ସନ୍ଦିଗ୍ଧ ମୃତ୍ୟୁ ମାମଲାରେ ନିଜ ତରଫରୁ ଅଭିଯୋଗ ଦାଖଲ କରିଛନ୍ତି ସୁପ୍ରିମକୋର୍ଟ । ମୁଖ୍ୟ ବିଚାରପତି ଏନ.ବି ରମନ୍ନା ଓ ଜଷ୍ଟିସ ସୂର୍ଯ୍ୟକାନ୍ତଙ୍କ ଖଣ୍ଡପୀଠ ଏହି ମାମଲାରେ ଝାଡଖଣ୍ଡ ମୁଖ୍ୟ ଶାସନ ସଚିବଙ୍କୁ ୧ ସପ୍ତାହ ମଧ୍ୟରେ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି । ଏନେଇ କୋର୍ଟ କହିଛନ୍ତି କି ସାରା ଦେଶରେ ନ୍ୟାୟିକ ଅଧିକାରୀଙ୍କ ଉପରେ ଅନେକ ଆକ୍ରମଣ ହୋଇଛି , ସେମାନଙ୍କ ସୁରକ୍ଷା ନେଇ ବ୍ୟାପକ ବିଷୟ ଉପରେ ଶୁଣାଣି କରାଯିବ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ଧନବାଦ ଜିଲ୍ଲାର ଅତିରିକ୍ତ ଜିଲ୍ଲା ବିଚାରପତି (ଏଡିଜେ) ଆନନ୍ଦ ଉତ୍ତମ ବୁଧବାର ଦିନ ସକାଳେ ପ୍ରାତଭ୍ରମଣରେ ଯାଉଥିବା ବେଳେ ଏକ ଅଟୋ ଧକ୍କାରେ ତାଙ୍କର ମୃତ୍ୟୁ ହୋଇଥିଲା । ଏନେଇ ସିସିଟିଭି ଫୁଟେଜ ଯାଂଚ କରିବା ପରେ ଗୋଟିଏ ଅଟୋ ତାଙ୍କୁ ଜାଣିଶୁଣି ଧକ୍କା ଦେଇଥିବା ଦେଖା ଯାଇଥିଲା ।
Supreme Court takes suo motu cognizance of the alleged killing of Additional District Judge from Dhanbad, Jharkhand pic.twitter.com/eqOUjos88j
— ANI (@ANI) July 30, 2021
ଏହି ମାମଲାରେ ଅଟୋ ଚାଳକ ଲଖନ ବର୍ମା ଓ ତାଙ୍କ ସହଯୋଗୀ ରାହୁଲ ବର୍ମା ସମେତ ୨ ଜଣଙ୍କୁ ପୋଲିସ ଗିରଫ କରିଛି । ଜେରା ବେଳେ ଅଟୋ ଚାଳକ ସ୍ୱୀକାର କରିଛି କି ସେ ଜଜଙ୍କୁ ଧକ୍କା ଦେଇଥିଲା । ଏହାସହ ଗିରିଡିହ ଜିଲ୍ଲାରୁ ଅଟୋଟିକୁ ପୋଲିସ ସିଜ୍ କରିଛି । ଅନ୍ୟପଟେ ଯାଂଚ ବେଳେ ଏକ ରୂଚକପୂର୍ଣ୍ଣ ତଥ୍ୟ ସାମ୍ନାକୁ ଆସିଛି । ଜଜଙ୍କୁ ଧକ୍କା ଦେଇଥିବା ଅଟୋଟି ମଙ୍ଗଳବାର ଦିନ ଅଟୋଟି ଚୋରି ହୋଇଥିଲା ଓ ବୁଧବାର ଦିନ ସକାଳ ୫.୩୦ ରେ ସେହି ଅଟୋଟି ଜଜଙ୍କୁ ଧକ୍କା ଦେଇଥିଲା ।
କୁହାଯାଉଛି କି ଜେଲରେ ଥିବା କିଛି ଗ୍ୟାଙ୍ଗଷ୍ଟାରଙ୍କୁ ଜାମିନ ନଦେବା କାରଣରୁ ସୁନିୟୋଜିତ ଭାବେ ଜଜଙ୍କୁ ହତ୍ୟା କରାଯାଇଛି । ଏହି ମାମଲାରେ ପୋଲିସ ଅଭିଯୁକ୍ତ ମାନଙ୍କୁ ରିମାଣ୍ଡରେ ନେଇ ପଚରା ଉଚରା ଜାରି ରଖିଛି ।