ଧାରା ୩୭୦ ଉଚ୍ଛେଦ ମାମଲା । ସୁପ୍ରିମକୋର୍ଟରେ ଅକ୍ଟୋବର ୧ରୁ ଶୁଣାଣି କରିବେ ୫ ଜଣିଆ ଖଣ୍ଡପୀଠ : ଧାରା ଉଚ୍ଛେଦ ବିରୋଧରେ ହୋଇଛି ୧୨ରୁ ଅଧିକ ପିଟିସନ
କନକ ବ୍ୟୁରୋ : ଅକ୍ଟୋବର ୧ ତାରିଖରୁ ସୁପ୍ରିମକୋର୍ଟରେ ହେବ ଜାମ୍ମୁକାଶ୍ମୀରରୁ ଧାରା ୩୭୦ ଉଛେଦ ନେଇ ଶୁଣାଣି । ସୁପ୍ରିମକୋର୍ଟର ୫ ଜଣିଆ ବିଚାରପତିଙ୍କୁ ନେଇ ଗଠିତ ଖଣ୍ଡପୀଠ ଏହାର ଶୁଣାଣି କରିବେ । ଜଷ୍ଟିସ୍ ଏନଭି ରାମନାଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠରେ ଅଛନ୍ତି ଜଷ୍ଟିସ୍ ସଂଜୟ କିସନ କାଉଲ, ଆର ସୁଭାସ ରେଡ୍ଡି, ଭୂଷଣ ରାମକ୍ରିଷ୍ଣ ଗଭାଇ ଏବଂ ଜଷ୍ଟିସ୍ ସୂର୍ଯ୍ୟକାନ୍ତ । ଗତ ଅଗଷ୍ଟ ୫ ତାରିଖରେ ଜାମ୍ମୁକାଶ୍ମୀରରୁ ଧାରା ୩୭୦ ଓ ଧାରା ୩୫ ଏ ର ଉଛେଦ ହୋଇଥିଲା । ଏହା ବିରୋଧରେ ସୁପ୍ରିମକୋର୍ଟରେ ୧୨ରୁ ଅଧିକ ପିଟିସନ୍ ପଡିଛି ।
Kanak News is now on WhatsApp
Join and get latest news updates delivered to you via WhatsApp
ଯାହା ମଧ୍ୟରେ ରହିଛି ସିପିଏମର ସୀତାରାମ ୟେଚୁରୀ, କଂଗ୍ରେସ ନେତା ଗୁଲାମନବୀ ଆଜାଦ, ନାସନାଲ୍ କନଫରେନ୍ସ ନେତା ମହମ୍ମଦ ଆକବର ଲୋନ୍ , ପିପୁଲ୍ସ କନଫରେନ୍ସ ପାର୍ଟିର ସଜ୍ଜାଦ୍ ଲୋନ୍, ସାଂବାଦିକ ଅନୁରାଧା ଭାସିନ୍, ଅବରପ୍ରାପ୍ତ ବିଚାରପତି ମୁଜାଫର ଇକବାଲ୍ ଖାନଙ୍କ ସହିତ କିଛି ଓକିଲ ଏବଂ ଜନସ୍ୱାର୍ଥ ମାମଲା ଆବେଦନକାରୀ ମଧ୍ୟ ଯାଚିକା ପକାଇଛନ୍ତି । ଅକ୍ଟୋବର ୧ ତାରିଖରୁ ଏହି ସବୁ ମାମଲାର ଶୁଣାଣି କରିବେ ସୁପ୍ରିମକୋର୍ଟର ୫ ଜଣିଆ ଖଣ୍ଡପୀଠ । ସୁପ୍ରିମକୋର୍ଟର ପ୍ରମୁଖ ବିଚାରପତି ଜଷ୍ଟିସ୍ ରଂଜନ ଗୋଗଇ ଏହି ନୂଆଖଣ୍ଡପୀଠର ଗଠନ କରିଛନ୍ତି । ସୁପ୍ରିମକୋର୍ଟରେ ଏବେ ପ୍ରାୟ ୩ ହଜାର ମାମଲା ପଡି ରହିଛି । ଏହାର ତୁରନ୍ତ ଶୁଣାଣି ପାଇଁ ସିଜେଆଇ ଆଉ ତିନୋଟି ଖଣ୍ଡପୀଠ କରିଛନ୍ତି ।