ଏସବିଆଇ ୟୋନୋର ସପିଂ ଫେଷ୍ଟିଭାଲ । ଗ୍ରାହକଙ୍କ ପାଇଁ ଜବରଦସ୍ତ ଅଫର, ବଜାର ଦର ଠାରୁ କମ ଦାମରେ ମିଳୁଛି ସାମଗ୍ରୀ । କ୍ୟାସବ୍ୟାକ୍ ସହ ୫ରୁ ୫୦ ପ୍ରତିଶତ ପର୍ଯ୍ୟନ୍ତ ମିଳୁଛି ରିହାତି ।
ଅନଲାଇନ ସପିଂ କରୁଥିବା ଗ୍ରାହକଙ୍କ ପାଇଁ ଏସବିଆଇ ଆଣିଛି ବଡ ଅଫର । ଡିସେମ୍ବର ୧୦ ଅଥାର୍ତ ଆଜି ଠାରୁ ଏହି ଅଫରର ସୁବିଧା ପାଇପାରିବେ ଗ୍ରାହକ । ଅନଲାଇନ ସପିଂରେ ରୁଚି ରଖୁଥିବା ଗ୍ରାହକଙ୍କ ପାଇଁ ଏସବିଆଇ ନିଜ ଡିଜିଟାଲ ଆପ ୟୋନୋରେ ସପିଂ ଫେଷ୍ଟିଭାଲ ଆରମ୍ଭ କରିଛି । ଯେଉଁଥିରେ ବଜାର ଦର ତୁଳନାରେ କମ ଦାମରେ ସପିଂ କରିପାରିବେ ଗ୍ରାହକ ।
Kanak News is now on WhatsApp
Join and get latest news updates delivered to you via WhatsApp
୧୦ ଡିସେମ୍ବରରୁ ଅଥାର୍ତ ଆଜିଠୁ ଆରମ୍ଭ ହେଉଥିବା ହେଉଥିବା ଏହି ସପିଂ ଫେଷ୍ଟିଭାଲ ୧୪ ଡିସେମ୍ବର ପର୍ଯ୍ୟନ୍ତ ଚାଲୁ ରହିବ । ୫ ଦିନ ଚାଲିବାକୁ ଥିବା ଏହି ଅନଲାଇନ ସେଲରେ ବିଭିନ୍ନ ସାମଗ୍ରୀ ଉପରେ ଗ୍ରାହକଙ୍କୁ ଜବରଦସ୍ତ ଡିସକାଉଣ୍ଟ ମିଳିବ । ଏହି ସପିଂ ଫେଷ୍ଟିଭାଲରେ ଗ୍ରାହକଙ୍କୁ ବିଭିନ୍ନ ସାମଗ୍ରୀ ଉପରେ ୫୦ ପ୍ରତିଶତ ପର୍ଯ୍ୟନ୍ତ ଡିସକାଉଣ୍ଟ ମିଳିବ । ସେହିଭଳି ଯଦି କାହା ପାଖରେ ଏସବିଆଇର ଡେବିଟ କିମ୍ବା କ୍ରେଡିଟ କାର୍ଡ ଥାଏ ତେବେ ଅତିରିକ୍ତ ୧୦ ପ୍ରତିଶତ କ୍ୟାସବ୍ୟାକ୍ ମଧ୍ୟ ପାଇପାରିବେ ।
ତେବେ କ୍ୟାସବ୍ୟାକ ପାଇବାକୁ ହେଲେ ଗ୍ରାହକଙ୍କୁ ଅତିକମରେ ୧୦୦୦ ଟଙ୍କାର ସପିଂ କରିବାକୁ ପଡିବ । ନଚେତ ଏହି କ୍ୟାସବ୍ୟାକର ଲାଭ ଗ୍ରାହକଙ୍କୁ ମିଳିବ ନାହିଁ । ଏହି ଅନଲାଇନ ସପିଂରେ ଗ୍ରାହକ ମାନେ ସର୍ବାଧିକ ୨୫୦୦ ଟଙ୍କା ପର୍ଯ୍ୟନ୍ତ କ୍ୟାସବ୍ୟାକ୍ ପାଇପାରିବେ । ୟୋନୋର ଏହି ଅନଲାଇନ୍ ସପିଂ ଫେଷ୍ଟିଭାଲରେ ଗ୍ରାହକ ମାନେ ଇଲୋକଟ୍ରନିକ୍ସ ସାମଗ୍ରୀ ଠାରୁ ଆରମ୍ଭ କରି ହୋଟେଲ ବୁକ ଉପରେ ୫ରୁ ୫୦ ପ୍ରତିଶତ ପର୍ଯ୍ୟନ୍ତ ରିହାତି ପାଇପାରିବେ । ଏହା ଏସିବିଆଇ ୟୋନୋ ଅନଲାଇନ୍ ସପିଂ ଫେଷ୍ଟିଭାଲର ଦ୍ୱିତୀୟ ସଂସ୍କରଣ । ତେଣୁ ଗ୍ରାହକ ମାନେ ୧୪ ତାରିଖ ପର୍ଯ୍ୟନ୍ତ ଏହାର ଫାଇଦା ଉଠାଇପାରିବେ ।