ଏସବିଆଇ ବ୍ୟାଙ୍କର ଗ୍ରାହକଙ୍କ ପାଇଁ ବଡ ଖବର ! ନୂଆ ବର୍ଷ ପୂର୍ବରୁ ତୁରନ୍ତ କରନ୍ତୁ ଏହି କାମ, ନଚେତ ପ୍ରଭାବିତ ହୋଇପାରେ ଆର୍ଥିକ କାରବାର ।
ଏସବିଆଇ ବ୍ୟାଙ୍କର ଗ୍ରାହକଙ୍କ ପାଇଁ ବଡ ଖବର ।
ଏସବିଆଇ ବ୍ୟାଙ୍କର ଗ୍ରାହକଙ୍କ ପାଇଁ ବଡ ଖବର । ଡିସେମ୍ବର ୩୧ ତାରିଖ ସୁଦ୍ଧା ନିଜର ପୁରୁଣା କ୍ରେଡିଟ ଏବଂ ଡେବିଟ କାର୍ଡକୁ ବନ୍ଦ କରି ନୂଆ ଚିପ୍ ଯୁକ୍ତ ଇଭିଏମ କାର୍ଡ ବ୍ୟାଙ୍କରେ ଆବେଦନ କରିବାର ଏସବିଆଇ ତରଫରୁ ନିର୍ଦ୍ଦେଶ ଦିଆଯାଇଛି । ଆବେଦନ କରିବାର ଶେଷ ତାରିଖ ଡିସେମ୍ବର ୩୧ ଧାର୍ଯ୍ୟ କରାଯାଇଛି । ତେବେ ଏସବିଆଇର ନିର୍ଦ୍ଦେଶ ଅନୁଯାୟୀ ଏହି କାର୍ଡ ଆବେଦନ କରିବା ପାଇଁ କୌଣସି ଶୁଳ୍କ ଲାଗିବ ନାହିଁ ଏବଂ ଜାନୁଆରି ୧ତାରିଖ ଠାରୁ ଦେଶରେ ନୂଆ କ୍ରେଡିଟ ଓ ଡେବିଟ କାର୍ଡ ଲାଗୁ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ବ୍ୟାଙ୍କ ସୂଚନା ମୁତାବକ, ନୂଆ କାର୍ଡ ପାଇବା ପାଇଁ ପୁରୁଣା ଏଟିଏମ୍ କାର୍ଡକୁ ବ୍ୟାଙ୍କରେ ବଦଳାଇ ପୁରୁଣା କାର୍ଡ ସ୍ଥାନରେ ନୂଆ ଇଭିଏମ ଚିପ୍ କାର୍ଡ ଆବେଦନ କରିପାରିବେ । ନୂଆ କାର୍ଡ ପାଇବା ପାଇଁ ଗ୍ରାହକ ଅନଲାଇନ ଆବେଦନ କରିପାରିବେ । ଏହା ଛଡା ଗ୍ରାହକ ବ୍ୟାଙ୍କର ବ୍ରାଞ୍ଚକୁ ଯାଇ ମଧ୍ୟ ଆବେଦନ କରିପାରିବେ । ଏସବିଆଇର ଏପରି ପଦକ୍ଷପ ପଛରେ ଗ୍ରାହକଙ୍କ ବେଶ ସୁବିଧା ରହିଛି । ପୂର୍ବରୁ ବ୍ୟବହାର ହେଉଥିବା ଏଟିଏମ୍ କାର୍ଡରୁ ତଥ୍ୟ ଚୋରିହେବାର ଅନେକ ଅଭିଯୋଗ ଆସିଛି । ତେଣୁ ଗ୍ରାହକଙ୍କ ସୁରକ୍ଷାକୁ ଦୃଷ୍ଟିରେ ରଖି ଏସବିଆଇ ଏପରି ପଦକ୍ଷପ ଗ୍ରହଣ କରିଛି ।
ଉଲ୍ଲେଖଯୋଗ୍ୟ କି, ୨୦୧୬ରେ ଆରବିଆଇ ପୁରୁଣା କାର୍ଡକୁ ପରିବର୍ତ୍ତନ କରାଇ ନୂଆ ଇଭିଏମ୍ ଯୁକ୍ତ କାର୍ଡ ଗ୍ରାହକଙ୍କୁ ପ୍ରଦାନ କରିବା ପାଇଁ ସମସ୍ତ ବ୍ୟାଙ୍କକୁ ଆଦେଶ ଦେଇଥିଲେ । ତେଣୁ ନିର୍ଦ୍ଦେଶ କ୍ରମେ ଏସବିଆଇ ଏପରି ପଦକ୍ଷପ ଗ୍ରହଣ କରିଛି ।