ସର୍ବସାଧାରଣ ସ୍ଥାନରେ ମୋବାଇଲ୍ ଚାର୍ଜ କଲେ ହୋଇପାରେ ଆପଣଙ୍କ ଡାଟା ଚୋରି : ଏସବିଆଇ କଲା ସତର୍କ , ହ୍ୟାକର ଖାଲି କରୁଛନ୍ତି ବ୍ୟାଙ୍କ ଆକାଉଂଟ
ଆଜିକା ସମୟରେ ସମସ୍ତେ ମୋବାଇଲ୍ ଉପରେ ନିର୍ଭରଶୀଳ । ଫୋନର ବ୍ୟବହାର ଦିନ କୁ ଦିନ ବଢିବାରେ ଲାଗିଛି । ଲୋକଙ୍କ ପାଇଁ ଫୋନ ବିନା କିଛି ଘଣ୍ଟା କାଟିବା ଅସମ୍ଭବ ହୋଇପଡିଛି । ଏହି କାରଣରୁ ଫୋନରେ ଚାର୍ଜ ସରିଲା ମାତ୍ରେ ଚାର୍ଜ କରିବାକୁ ଲୋକେ ସମସ୍ତ ପ୍ରକାରର ଚେଷ୍ଟା କରିଥାନ୍ତି । ଅନେକ ଥର ଏଭଳି ହୋଇଥାଏ କି, ଏୟାରପୋର୍ଟ, ରେଳ ଷ୍ଟେସନ , ଟ୍ରେନ କିମ୍ବା ହୋଟେଲରେ ଫୋନ୍ ଚାର୍ଜ କରିବାର ଆବଶ୍ୟକତା ପଡିଥାଏ । କିନ୍ତୁ ସାବଧାନ ହୋଇ ଯାଆନ୍ତୁ । ଫୋନ ଚାର୍ଜ କରିବା ଦ୍ୱାରା ହ୍ୟାକର୍ସମାନେ ଆପଣଙ୍କ ମୋବାଇଲରୁ ଗୋପନୀୟ ତଥ୍ୟ ସଂଗ୍ରହ କରିନେବେ । ଯେପରିକି ଆପଣଙ୍କ ବ୍ୟାଙ୍କ ତଥ୍ୟ , ଇମେଲ ଓ ସୋସିଆଲ ନେଟୱର୍କର ପାସୱାର୍ଡ ଆଇଡିକୁ ହ୍ୟାକର୍ସମାନେ ଚୋରାଇ ନେବେ ।
Kanak News is now on WhatsApp
Join and get latest news updates delivered to you via WhatsApp
ଏଭଳି ସଂକଟରୁ ବଞ୍ଚିବା ପାଇଁ ଭାରତୀୟ ଷ୍ଟେଟ୍ ବ୍ୟାଙ୍କ(ଏସବିଆଇ) ଲୋକମାନଙ୍କୁ ଟ୍ୱିଟ କରି ସାବଧାନ ହେବାକୁ ପରାମର୍ଶ ଦେଇଛନ୍ତି । ବ୍ୟାଙ୍କ କହିଛି , କୌଣସି ସର୍ବସାଧରଣ (ପବ୍ଲିକ ପ୍ଲେସ )ରେ ଫୋନ ଚାର୍ଜ କରିବା ପୂର୍ବରୁ ଅନେକ ଥର ଭାବନ୍ତୁ । ଆପଣଙ୍କ ଫୋନରୁ ବ୍ୟାଙ୍କ ତଥ୍ୟ , ଇମେଲ ଓ ସୋସିଆଲ ନେଟୱର୍କର ପାସୱାର୍ଡ ଆଇଡିକୁ ହ୍ୟାକର୍ସମାନେ ଚୋରାଇ ନେଇ ଯାଇପାରନ୍ତି । ଏୟାରପୋର୍ଟ, ରେଳ ଷ୍ଟେସନ , ଟ୍ରେନ କିମ୍ବା ହୋଟେଲରେ ଫୋନ୍ ଚାର୍ଜ କରନ୍ତୁ ନାହିଁ ।