କନକ ବ୍ୟୁରୋ : ଦେଶର ସବୁଠାରୁ ବଡ ଜାତୀୟକରଣ ବ୍ୟାଙ୍କ ‘ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ’ ସର୍ବଦା ତା’ର ଖାତାଧାରକଙ୍କ ସୁବିଧା ପାଇଁ ଅନେକ ସୁବିଧା ଆଣିଥାଏ । ଏହି କ୍ରମରେ ଏବେ ଷ୍ଟେଟବ୍ୟାଙ୍କ ତା’ର ସାଲାରୀ ଆକାଉଣ୍ଟଧାରୀଙ୍କ ପାଇଁ ୫ ଟି ସୁବିଧା ଘୋଷଣା କରିଛି ।
Kanak News is now on WhatsApp
Join and get latest news updates delivered to you via WhatsApp
ଷ୍ଟେଟବ୍ୟାଙ୍କ ଅଫ୍ ଇଣ୍ଡିଆର ଅଫିସିଆଲ ୱେବସାଇଟ ମୁତାବକ ସାଲାରୀ ଆକାଉଣ୍ଟ ଖୋଲିଥିବା ଖାତାଧାରକଙ୍କୁ କାର ଲୋନ, ବ୍ୟକ୍ତିଗତ ଲୋନ , ଘର ନିର୍ମାଣ ପାଇଁ ଲୋନ, ଏଜୁକେଶନ ଲୋନ ଉପରେ ସୁବିଧା ଯୋଗାଇ ଆସୁଛି । ଏହା ବ୍ୟତୀତ ଏବେ ପୁଣି କିଛି ସୁବିଧା ଘୋଷଣା କରାଯାଇଛି ।
- ଏସବିଆଇ ସାଲାରୀ ଆକାଉଣ୍ଟଧାରୀଙ୍କୁ ଦୁର୍ଘଟଣା ଜନିତ ମୃତ୍ୟୁ ପାଇଁ ୨୦ ଲକ୍ଷ ଟଙ୍କାର ବୀମା ସୁବିଧା ଯୋଗାଇବ ।
- ଏସବିଆଇର ୱେବସାଇଟ୍ ମୁତାବକ ଯଦି କୌଣସି ସାଲାରୀ ଆକାଉଣ୍ଟଧାରୀଙ୍କର ବିମାନ ଦୁର୍ଘଟଣାରେ ମୃତ୍ୟୁ ହୋଇଯାଏ ତେବେ ତା’ର ପରିବାର ଲୋକଙ୍କୁ ୩୦ ଲକ୍ଷ ଟଙ୍କାର ବୀମାରାଶି ମିଳିବ ।
- ଯଦି କୌଣସି ସାଲାରୀ ଆକାଉଣ୍ଟଧାରୀ ଷ୍ଟେଟବ୍ୟାଙ୍କରୁ ବ୍ୟକ୍ତିଗତ ଋଣ, ହୋମ ଲୋନ କିମ୍ବା କାର ଲୋନ ନିଅନ୍ତି ତାହେଲେ ବ୍ୟାଙ୍କ ତରଫରୁ ୫୦ ପ୍ରତିଶତ ଲୋନ ପ୍ରୋସେସିଂ ଚାର୍ଜ ଛାଡ କରିବ ବୋଲି ଘୋଷଣା କରିଛି ଏସବିଆଇ ।
- ଯଦି ଜଣେ ସାଲାରୀ ଆକାଉଣ୍ଟଧାରୀ ଆବଶ୍ୟକ ସ୍ଥଳେ ଓଭରଡ୍ରାଫ୍ଟ କରିବାକୁ ଚାହିଁବ ତେବେ ବ୍ୟାଙ୍କ ତରଫରୁ ତାଙ୍କୁ ଅଗ୍ରୀମ ଆକାରରେ ୨ ମାସର ଦରମା ମିଳିପାରିବ ।
- ଯଦି ଆପଣ ଏସବିଆଇରେ ସାଲାରୀ ଆକାଉଣ୍ଟ ଖୋଲୁଛନ୍ତି ବା ଆପଣଙ୍କର ସାଲାରୀ ଆକାଉଣ୍ଟ ରହିଛି ତେବେ ଆପଣ ୨୫ ପ୍ରତିଶତ ରିହାତିରେ ଷ୍ଟେଟବ୍ୟାଙ୍କର ଲକର ବ୍ୟବହାର କରିପାରିବେ ।
- ଏହା ବ୍ୟତୀତ ବ୍ୟଙ୍କ ତରଫରୁ ସାଲାରୀ ଆକାଉଣ୍ଟଧାରୀଙ୍କୁ ମାଗଣାରେ ଏସଏମଏସ ସୂଚନା, ଫ୍ରି ଅନଲାଇନ ଟ୍ରାନଜାକ୍ସନ, କୌଣସି ବ୍ୟାଙ୍କର ଏଟିଏମରୁ ଅସୀମିତ ଅର୍ଥ କାରବାର, ମଲ୍ଟିସିଟି ଚେକ୍ ଭଳି ସୁବିଧା ପୁରା ମାଗଣାରେ ପାଇପାରିବେ ।