ଏଣିକି ଟଙ୍କା ପାଇଁ ଆଉ ଯିବାକୁ ପଡିବନି ଏଟିଏମ୍: ଆପଣଙ୍କ ଗୋଟିଏ ମେସେଜ୍ କିମ୍ବା ଫୋନ୍ କଲରେ ଘର ଦୁଆରେ ପହଞ୍ଚିବ ଏଟିଏମ ମେସିନ୍; ଗ୍ରାହକଙ୍କ ସୁବିଧା ପାଇଁ ହ୍ୱାଟସଆପ୍ ଏବଂ ଟୋଲ ଫ୍ରି ନମ୍ବର ଜାରି କଲା ଏସବିଆଇ
କନକ ବ୍ୟୁରୋ: କଥାରେ ଅଛି ପାଣି ଶୋଷ ପାଖକୁ ଯାଏନି ବରଂ ଶୋଷ ପାଣିପାଖକୁ ଆସିଥାଏ । କିନ୍ତୁ ଏଟିଏମ ମେସିନ ମାମଲାରେ ଆଉ ଏଭଳି ହେବ ନାହିଁ । ଏଣିକି ଆପଣଙ୍କୁ କ୍ୟାସ ନେବାକୁ ଆଉ ଏଟିଏମ ମେସିନକୁ ଦୌଡିବାକୁ ପଡିବ ନାହିଁ । ବରଂ ଖୋଦ୍ ଏଟିଏମ ମେସିନ୍ ଟଙ୍କା ଦେବାକୁ ଆପଣଙ୍କ ଘରକୁ ଆସିବ । ଷ୍ଟେଟ୍ ବ୍ୟାଙ୍କ ଅଫ ଇଣ୍ଡିଆ ନିଜ ଗ୍ରାହକଙ୍କ ପାଇଁ ଆରମ୍ଭ କରିଛି ଏଭଳି ଏକ ନୂଆ ସର୍ଭିସ୍ । ଯେଉଁଥିରେ ଆପଣ ଏବେ କେବଳ ଏକ ହ୍ୱାଟସଆପ ମେସେଜ ଜରିଆରେ ଏଟିଏମ ମେସିନକୁ ନିଜ ଘରକୁ ଡାକିପାରିବେ ।
Kanak News is now on WhatsApp
Join and get latest news updates delivered to you via WhatsApp
ହ୍ୱାଟସଆପ୍ ମେସେଜରେ ଘରେ ପହଞ୍ଚିବ ମେସିନ୍
ଆପଣଙ୍କ ଗୋଟିଏ କଲରେ ବ୍ୟାଙ୍କ ପଠାଇବ ଏଟିଏମ
ଭାରତୀୟ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ଏବେ ନିଜର ମୋବାଇଲ ଏଟିଏମ ମେସିନକୁ ଘରକୁ ଘର ନେବାକୁ ନିଷ୍ପତି ନେଇଛି । ଏଥିପାଇଁ ଏସବିଆଇ ଆପକୀ ମାଙ୍ଗ ପର୍, ଏଟିଏମ୍ ଆପକେ ଦ୍ୱାର ପେ, ସେବାର ଶୁଭାରମ୍ଭ କରିଛି । ଏନେଇ ବ୍ୟାଙ୍କ ପକ୍ଷରୁ ଟ୍ୱିଟ୍ କରି ସୂଚନା ଦିଆଯାଇଛି ଯେ, ଆପଣ କେବଳ ଆମକୁ ଗୋଟିଏ ହ୍ୱାଟସଆପ କରନ୍ତୁ ଏବଂ ଆମେ ଏଟିଏମ ମେସିନ ଆପଣଙ୍କ ଘର ସାମ୍ନାରେ ନେଇ ପହଂଚିଯିବୁ । ଖାଲି ହ୍ୱାଟସଆପ ମେସେଜ ନୁହେଁ ବରଂ ଆପଣ ନିଜ ରେଜିଷ୍ଟର୍ଡ ଫୋନ ନମ୍ବରରେ କଲ କରି ମଧ୍ୟ ମୋବାଇଲ ଏଟିଏମକୁ ନିଜ ଘରକୁ ଡାକିପାରିବେ । ତେବେ ଏସିବିଆଇର ଏହି ନୂଆ ସେବା ପ୍ରାରମ୍ଭିକ ପର୍ଯ୍ୟାୟରେ ବର୍ତ୍ତମାନ ଲକ୍ଷ୍ନୌରେ ଆରମ୍ଭ ହୋଇସାରିଛି ।
ମିନିମମ୍ ବାଲାନ୍ସ ଏବଂ ଏସଏମଏସ୍ ପାଇଁ ଲାଗିବନି ଚାର୍ଜ
ଏଣିକି ଏସିବିଆଇରେ ଥିବା ବ୍ୟାଙ୍କ ଆକାଉଂଟରେ ସର୍ବନିମ୍ନ ଅର୍ଥରାଶି ନରଖିଲେ ଆଉ ଲାଗିବ ନାହିଁ ଚାର୍ଜ । ଖାତାରେ ମିନିମମ ବାଲାନ୍ସ ନରଖିଲେ ଏବଂ ବ୍ୟାଙ୍କ ଜନିତ ସୂଚନା ପାଇଁ ପଠାଯାଉଥିବା ଏସଏମଏସ ଆଲର୍ଟ ବାବଦକୁ ଲାଗୁଥିବା ଶୁଳ୍କ ଏଣିକି ଆଉ ଗ୍ରାହକଙ୍କଠାରୁ ଆଦାୟ କରିବ ନାହିଁ ଷ୍ଟେଟ ବ୍ୟାଙ୍କ ।ଏନେଇ ଏସବିଆଇ ତରଫରୁ ଟ୍ୱିଟ କରି ସୂଚନା ଦିଆଯାଇଛି ।