ଏସବିଆଇ ଗ୍ରାହକଙ୍କ ପାଇଁ ବଡ ଖବର । ଏଣିକି ଟଙ୍କା ଉଠାଇଲେ ଲାଗିବ ଟ୍ୟାକ୍ସ । ଜମାଖାତାରୁ କ୍ୟାସ୍ ବାହାର କଲେ ଏବେ ଦେବାକୁ ପଡିବ ମୋଟା ଅଙ୍କର ଟିକସ । ଟ୍ୱିଟ୍ କରି ସତର୍କ କରାଇଲା ବ୍ୟାଙ୍କ
କନକ ବ୍ୟୁରୋ: ଏସବିଆଇ ଗ୍ରାହକଙ୍କ ପାଇଁ ବଡ ଖବର । ଏଣିକି ବ୍ୟାଙ୍କରୁ ଟଙ୍କା ଉଠାଇଲେ ଦେବାକୁ ପଡିବ ଟ୍ୟାକ୍ସ । ଏନେଇ ଟ୍ୱଟ କରି ସୂଚନା ଦେଲା ଦେଶର ସବୁଠୁ ବଡ ବ୍ୟାଙ୍କ ଏସବିଆଇ । ଭାରତୀୟ ଷ୍ଟେଟ ବ୍ୟାଙ୍କ ନିଜ ଗ୍ରାହକଙ୍କୁ ଏନେଇ ସତର୍କ କରାଇଛି ଯେ, ବ୍ୟାଙ୍କ ଖାତାରୁ ଟଙ୍କା ଉଠାଇଲେ ଏଣିକି ଖାତାଧାରକଙ୍କୁ ମୋଟା ଅଙ୍କର ଟ୍ୟାକ୍ସ ଭରିବାକୁ ପଡିବ । ତେବେ ଯେଉଁ ଖାତାଧାରକମାନେ ବର୍ଷେ ହେବ ନିଜ ବ୍ୟାଙ୍କ ଆକାଉଂଟରୁ ୨୦ ଲକ୍ଷରୁ ଅଧିକ ଟଙ୍କା ଉଠାଉଛନ୍ତି କେବଳ ସେହି ଗ୍ରାହକଙ୍କୁ ହିଁ ଏହି ଟ୍ୟାକ୍ସ ଭରିବାକୁ ହେବ ।
Kanak News is now on WhatsApp
Join and get latest news updates delivered to you via WhatsApp
ବ୍ୟାଙ୍କ ତରଫରୁ ଆହୁରୀ ମଧ୍ୟ କୁହାଯାଇଛି କି, ଯଦି ଖାତାଧାରକ ନିଜ ବ୍ୟାଙ୍କ ଆକାଉଂଟରୁ ବର୍ଷକୁ ୨୦ ଲକ୍ଷ ଟଙ୍କାରୁ ଅଧିକ ଟଙ୍କା ଉଠାଉଛନ୍ତି ତେବେ ସେମାନଙ୍କୁ ମୋଟା ଅଙ୍କର ଟ୍ୟାକ୍ସ ଦେବାକୁ ପଡିପାରେ ।
ଆୟକର ବିଭାଗର ନିୟମ ଅନୁସାରେ, ଯେଉଁ ବ୍ୟକ୍ତି ୩ ବର୍ଷ ହେଲା ଆୟକର ରିଟର୍ନ ପୈଠ କରୁନଥିବେ ସେମାନେ ଟିଡିଏସ ଦେବାକୁ ବାଧ୍ୟ ଅଟନ୍ତି । ତେବେ ଏହାକୁ କିପରି ଏଡାଇ ହେବ ସେନେଇ ମଧ୍ୟ ବ୍ୟାଙ୍କ ପକ୍ଷରୁ ସୂଚନା ଦିଆଯାଇଛି । ତେବେ ଏସବିଆଇର ତଥ୍ୟ ଅନୁସାରେ, ପ୍ରଥମେ ଆପଣଙ୍କୁ ଆପଣଙ୍କର ପାନକାର୍ଡର ତଥ୍ୟ ବ୍ୟାଙ୍କରେ ଜମା କରିବାକୁ ହେବ । ଯଦି ପାନ କାର୍ଡର ବିବରଣୀ ବ୍ୟାଙ୍କରେ ପୂର୍ବରୁ ଜମା ହୋଇଥିବ ତେବେ ପୁନର୍ବାର ଦେବାର ଆବଶ୍ୟକତା ନାହିଁ । ସେହିଭଳି ଆପଣଙ୍କୁ ଆପଣଙ୍କ ବ୍ୟାକୁ ଇନକମ ଟ୍ୟାକ୍ସର ଡିଟେଲ ବି ଦେବାକୁ ହେବ । ତେବେ ଟିଡିଏସ ସମ୍ବନ୍ଧିୟ ତଥ୍ୟ ବ୍ୟାଙ୍କ ସହ ଆଲୋଚନା କରି ଆପଣ ଟ୍ୟାକ୍ସରୁ ବର୍ତି ଯାଇପାଇବେ । ଯଦି ଆପଣ ପାନ କାର୍ଡ କରିନାହାନ୍ତି ତେବେ ଏଥିପାଇଁ ଆପଣଙ୍କୁ ଅତିରିକ୍ତ ଟିକସ ଦେବାକୁ ପଡିବ ବୋଲି ଟ୍ୱିଟ୍ କରି ଗ୍ରାହକଙ୍କୁ ସତର୍କ କରାଇଛି ଏସବିଆଇ ।