ଶ୍ରାବଣ ମାସର ପ୍ରଥମ ସୋମବାର: କୋଭିଡ ଯୋଗୁଁ ପାଣି ଢାଳିବା ଉପରେ ବିଭିନ୍ନ ଜିଲ୍ଲା ପ୍ରଶାସନର କଟକଣା; ଶୈବପୀଠଗୁଡିକରେ ୧୪୪ ଧାରା
କନକ ବ୍ୟୁରୋ: ଆଜି ଶ୍ରାବଣ ମାସର ପ୍ରଥମ ସୋମବାର । ତେବେ ଏଥର କରୋନା ମୁକାବିଲାକୁ ନଜରରେ ରଖି ଶ୍ରାବଣରେ ସମସ୍ତ କାଉଡିଆଙ୍କ ଶିବ ମନ୍ଦିରରେ ଜଳଲାଗି ଉପରେ ଲାଗିଛି କଟକଣା । କରୋନା ମୁକାବିଲାକୁ ଆଖିରେ ରାଜ୍ୟ ସରକାର ଚଳିତ ବର୍ଷ ବୋଲବମ ଯାତ୍ରା ଉପରେ କଟକଣା ଜାରି କରିଛନ୍ତି । ଏନେଇ ବିଭିନ୍ନ ଜିଲ୍ଲାରେ କଟକଣା ଲାଗୁ ହୋଇଛି । ଭଦ୍ରକ ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲାର ସମସ୍ତ ଶୈବ ପୀଠରେ ୧୪୪ ଧାରା ଜାରି କରି କାଉଡିଆଙ୍କ ଜଳାଭିଷେକକୁ ବାରଣ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୌଣସି ଭକ୍ତ, କୌଣସି ନଦୀ, ପୋଖରୀ ଅଥବା କୌଣସି ସ୍ଥାନରୁ ଜଳ ନେଇ ମହାଦେବଙ୍କୁ ଜଳ ଲାଗି କରିପାରିବେ ନାହିଁ । ମନ୍ଦିରରେ ଭକ୍ତ ଏକତ୍ରିତ ହୋଇପାରିବେ ନାହିଁ । କେବଳ ସେବାୟତ ବା ମନ୍ଦିରର ପୂଜକ ଦିଅଙ୍କ ନୀତିକାନ୍ତି କରିବେ ବୋଲି ନ୍ରି୍ଦ୍ଦେଶ ରହିଛି । ଏନେଇ ସମସ୍ତେ ସହଯୋଗ କରିବାକୁ ଜିଲ୍ଲା ପ୍ରଶାସନ ତରଫରୁ ଅନୁରୋଧ କରାଯାଇଛି । ଶ୍ରାବଣ ସୋମବାରରେ ସମସ୍ତ ନଦୀ ପୁଷ୍କରିଣୀ ଘାଟରେ ହଜାର ହଜାର କାଉଡିଆ ଏକାଠି ହୋଇ ଜଳ ଭାର ଆଣି ଶିବ ମନ୍ଦିର ଅଭିମୁଖେ ବାହାରିଥାନ୍ତି । ଅନ୍ୟ ପଟେ ମନ୍ଦିର ଗୁଡିକରେ ମଧ୍ୟ ଶ୍ରାବଣ ସୋମବାର ଗୁଡିକରେ ପ୍ରବଳ ଭିଡ ହୋଇଥାଏ । ଏହାକୁ ଏଡାଇ ବାକୁ ଶ୍ରାବଣ ସୋମବାରରେ କାଉଡିଆଙ୍କ ଯାତ୍ରା ଉପରେ କଟକଣା ଲାଗୁ ହୋଇଛି ।