ଏପ୍ରିଲ ୧୪ରେ ଦେଶବ୍ୟାପୀ ଆପ୍ ପାଳିବ ସମ୍ବିଧାନ ବଞ୍ଚାଓ, ଏକଛତ୍ରବାଦୀ ଶାସନ ହଟାଅ ଦିବସ । ଏପଟେ କେଜ୍ରିୱାଲଙ୍କ ଇସ୍ତଫା ଦାବି କରି ବିଜେପିର ବିକ୍ଷୋଭ ।
କନକ ବ୍ୟୁରୋ: ଦିଲ୍ଲୀ ମଦ ଦୁର୍ନୀତି ମାମଲାରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀକୁ ବିରୋଧ । ଅପ୍ରେଲ ୧୪ରେ ‘ସମ୍ବିଧାନ ବଂଚାଅ ଏକଛତ୍ରବାଦୀ ଶାସନ ହଟାଅ’ ରାଲି କରି ବିକ୍ଷୋଭ ପ୍ରଦର୍ଶନ କରିବ ଆମ୍ ଆଦମୀ ପାର୍ଟି । ଏନେଇ ତିହାର ଜେଲରୁ ଦଳୀୟ ନେତା ଓ କର୍ମୀ ମାନଙ୍କୁ ଆହ୍ୱାନ ଦେଇଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ଦେଶରେ ଏକଛତ୍ରବାଦୀ ଶାସନକୁ ହଟାଇବାକୁ ମୁଖ୍ୟମନ୍ତ୍ରୀଙ୍କ ନେତୃତ୍ୱରେ ଆପ୍ ର ସମସ୍ତ ସାଂସଦ ବିଧାୟକ, ନେତା ଓ କର୍ମୀ ମାନେ ପ୍ରସ୍ତୁତ ବୋଲି କହିଛନ୍ତି ଦିଲ୍ଲୀ କ୍ୟାବିନେଟ ମନ୍ତ୍ରୀ ଗୋପାଲ ରାଏ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଗିରଫଦାରୀକୁ ନେଇ ତଳ କୋର୍ଟଙ୍କ ରାୟକୁ ଚ୍ୟାଲେଂଜ କରି କେଜ୍ରିୱାଲ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିବା ବେଳେ ତୁରନ୍ତ ଶୁଣାଣୀ କରିବାକୁ ସର୍ବୋଚ୍ଚ ଅଦାଲତ ମନା କରି ଦେଇଛନ୍ତି । ସେପଟେ ବୁଧବାର ଦିଲ୍ଲୀ ରାଉଜ ଆଭେନ୍ୟୁ କୋର୍ଟଙ୍କ ପକ୍ଷରୁ କେଜ୍ରିୱାଲଙ୍କୁ ଆଉ ଏକ ଝଟକା ଲାଗିଛି । ଇଡିର ବିରୋଧ ପରେ ନିଜ ଆଇନଜୀବୀଙ୍କୁ ଅଧିକ ସମୟ ଦେବାକୁ କେଜ୍ରିୱାଲ କରିଥିବା ଆବେଦନକୁ ଖାରଜ କରିଦେଇଛନ୍ତି କୋର୍ଟ । ଆଇନଜୀବୀଙ୍କ ସହ ବୈଠକ ପାଇଁ କେଜ୍ରିୱାଲ ସପ୍ତାହକୁ ୫ଦିନ ସମୟ ମାଗିଥିବା ବେଳେ ଏବେ ଏହାକୁ ୨ଦିନରେ ସୀମିତ କରାଯାଇଛି ।
କେଜ୍ରିୱାଲଙ୍କ ସମର୍ଥନରେ ଓ ବିରୋଧରେ ହୁଲୁସ୍ତୁଲ ରାଜଧାନୀୀ ଦିଲ୍ଲୀ । ଅରବିନ୍ଦ କେଜ୍ରିୱାଲ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦିଅନ୍ତୁ ଦାବି କରି ଆଜି ଦିଲ୍ଲୀରେ ଜୋରଦାର ବିକ୍ଷୋଭ କରିଛି ବିଜେପି । ଶହ ଶହ କର୍ମୀ କେଜ୍ରିୱାଲଙ୍କ ଘର ଓ ମୁଖ୍ୟମନ୍ତ୍ରୀ ବାସଭବନ ନିକଟରେ ବିରୋଧ ପ୍ରଦର୍ଶନ କରିଛି । କେଜ୍ରିୱାଲଙ୍କ ଫଟୋ ଓ ପୋଷ୍ଟରେ କାଳିମାଡ କରିଛି ବିଜେପି । ପ୍ରତିବାଦ ସମୟରେ ଉଭୟ ପୁଲିସ ଓ ବିଜେପିକର୍ମୀ ସଂଘର୍ଷ ଯୋଗୁଁ କିଛି ଆହତ ହୋଇଥିବା ଜଣାପଡିଛି ।