ପ୍ରଧାନମନ୍ତ୍ରୀ ମୋଦିଙ୍କ ଅନୁରୋଧକ୍ରମେ ୮୫୦ ଭାରତୀୟ କଏଦୀଙ୍କୁ ମୁକ୍ତ କରିବ ସାଉଦି ଆରବ, ପ୍ରିଂସ ସଲମାନ୍ କଲେ ଘୋଷଣା
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅନୁରୋଧକ୍ରମେ ସାଉଦି ଆରବର କ୍ରାଉନ୍ ପ୍ରିଂସ ମହମ୍ମଦ ବିନ୍ ସଲମାନ୍ ବିନ୍ ଅବଦୁଲ ଅଜିଜ୍ ଅଲ ସାଉଦ୍ ସାଉଦି ଜେଲରେ ବନ୍ଦ ଥିବା ୮୫୦ ଭାରତୀୟ କଏଦୀଙ୍କୁ ମୁକ୍ତ କରିବା ପାଇଁ ଆଦେଶ ଦେଇଛନ୍ତି । ବିଦେଶ ମନ୍ତ୍ରାଳୟର ପ୍ରବକ୍ତା ରବିଶ କୁମାର ଟ୍ୱିଟ୍ କରି ଏହି ସୂଚନା ଦେଇଛନ୍ତି । ସେ ଟ୍ୱିଟ୍ କରିଛନ୍ତି କି, “ଆଉ ଏକ ବଡ ନିଷ୍ପତ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅନୁରୋଧକ୍ରମେ ସାଉଦି ଆରବର ଯୁବରାଜ ଭାରତୀୟ ହଜ ଯାତ୍ରୀଙ୍କ ସଂଖ୍ୟା ବଢ଼ାଇ ୨ଲକ୍ଷ କରିଦେଇଛନ୍ତି ।”
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ସାଉଦି ଆରବ ଭାରତ ପାଇଁ ଆବଣ୍ଟିତ ହଜ୍ କୋଟାରେ ପାଖାପାଖି ୨୫ ହଜାରର ବୃଦ୍ଧି କରିଥିଲେ, ଯଦ୍ୱାରା ଏହା ଏବେ ୨ଲକ୍ଷ ହୋଇଯାଇଛି । ଗତ ବର୍ଷ ୧,୭୫, ୦୨୫ ଲୋକ ହଜରେ ଯାଇଥିଲେ । ହଜ କୋଟାରେ ବୃଦ୍ଧିରେ ବଡ ଉପଲବ୍ଧି ମାନି ଅଳ୍ପସଂଖ୍ୟକ କାର୍ଯ୍ୟ ମନ୍ତ୍ରୀ ମୁଖତାର ଅବାସ ନକଭି କହିଛନ୍ତି କି, ସାଉଦି ଆରବର ବାଦଶାହ ଓ ଯୁବରାଜଙ୍କ ସହିତ ପ୍ରଧାନମନ୍ତ୍ରୀଙ୍କ ଭଲ ସଂପର୍କର ପରିଣାମ କି ୪ବର୍ଷରେ ଲଗାତାର ହଜ କୋଟାରେ ବୃଦ୍ଧି ହୋଇଛି ଏବଂ ଏହା ୨ଲକ୍ଷ ହୋଇଯାଇଛି ।
ଏହା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ସାଉଦି ଆରବର ଯୁବରାଜ ମୋହମ୍ମଦ ବିନ୍ ସଲମାନଙ୍କ ମଧ୍ୟରେ ବୁଧବାର ଦିନ ବିସ୍ତୃତ ଆଲୋଚନା ହୋଇଛି । ଯାହାପରେ ଉଭୟ ପକ୍ଷଙ୍କ ମଧ୍ୟରେ ପର୍ଯ୍ୟଟନ ସମେତ କେତେକ କ୍ଷେତ୍ରରେ ଦ୍ୱିପାକ୍ଷିକ ନିବେଶ ପାଇଁ ୫ଟି ସହମତି ଜ୍ଞାପନ ପତ୍ରରେ ହସ୍ତାକ୍ଷର କରାଯାଇଛି । ବିଦେଶ ମନ୍ତ୍ରାଳୟଙ୍କ କହିବାନୁସାରେ, ଜାତୀୟ ନିବେଶ ଓ ସଂରଚନା କୋଷରେ ନିବେଶ କରିବା ଉପରେ ଭାରତ ସରକାର ଓ ସାଉଦି ଆରବର ସରକାର ମଧ୍ୟରେ ସହମତି ପତ୍ରରେ ବିଦେଶ ମନ୍ତ୍ରୀ ସୁଷମା ସ୍ୱରାଜ ଓ ସାଉଦି ଆରବର ଶକ୍ତି ଏବଂ ଶିଳ୍ପ ଓ ଖଣିଜ ସଂସାଧନ ମନ୍ତ୍ରୀ ଖାଲିଦ୍ ଅଲ ଫଲିହ ହସ୍ତାକ୍ଷର କରିଛନ୍ତି ।