ଇମରାନ୍ ଖାନଙ୍କ ପୋଲ୍ ଖୋଲିଦେଲା ପାକ୍ ମିଡିଆ ! ସଂଯୁକ୍ତ ରାଷ୍ଟ୍ର ଗସ୍ତ ସମୟରେ ବିମାନ ହୋଇନଥିଲା ଖରାପ , ଅଧାବାଟରୁ ବିମାନ ବାହୁଡାଇବାକୁ ସାଉଦି ଯୁବରାଜ ଦେଇଥିଲେ ନିର୍ଦ୍ଦେଶ

ନିକଟରେ ପାକିସ୍ତାନ ପ୍ରଧାନମନ୍ତ୍ରୀ ଇମରାନ୍ ଖାନ୍ ସଂଯୁକ୍ତ ରାଷ୍ଟ୍ର ଗସ୍ତ କରିଥିଲେ ଏବଂ ତାଙ୍କ ଫେରିବା ବାଟରେ ବିମାନ ଅଧରାସ୍ତାରୁ ଖରାପ ହେବା କାରଣରୁ ସେ ସାଧାରଣ ବିମାନରେ ପାକିସ୍ତାନ ଫେରିଥିଲେ । ଘଟଣାଟି ସେତେବେଳେ ଖୁବ୍ ଚର୍ଚ୍ଚାର ବିଷୟ ପାଲଟିଥିଲା । ତେବେ ବର୍ତ୍ତମାନ ଏହି ଘଟଣାକୁ ନେଇ ପାକିସ୍ତାନର ଏକ ସାପ୍ତାହିକ ମ୍ୟାଗାଜିନ୍ ଫ୍ରାଇଡ଼େ ଟାଇମ୍ସରେ ଚକିତ କଲା ଭଳି ଖବର ଜାଣିବାକୁ ମିଳୁଛି । ମ୍ୟାଗାଜିନରେ ପାକ୍ ପ୍ରଧାନମନ୍ତ୍ରୀ ଇମରାନ୍ ଖାନ୍ ସଂଯୁକ୍ତ ରାଷ୍ଟ୍ର ଗସ୍ତ ସମୟର କିଛି ଅଜଣା କଥା ବିଷୟରେ କୁହାଯାଇଛି ।

ସଂଯୁକ୍ତ ରାଷ୍ଟ୍ର ଗସ୍ତ ସମୟରେ ସାଉଦି ଆରବ୍ କ୍ରାଉନ୍ ଯୁବରାଜ ମହମ୍ମଦ ବିନ୍ ସଲମାନ୍ (ଏମବିଏସ୍) ପାକିସ୍ତାନ ପ୍ରଧାନମନ୍ତ୍ରୀଙ୍କ ବ୍ୟବହାରରେ ଏତେ କ୍ରୋଧିତ ହୋଇଥିଲେ ଯେ ସେ ଇମରାନ୍ ବସିଥିବା ବିମାନକୁ ଅଧରାସ୍ତାରୁ ହିଁ ଫେରିବା ପାଇଁ ଆଦେଶ ଦେଇଥିଲେ । ସଂଯୁକ୍ତ ରାଷ୍ଟ୍ର ମହାସଭାରେ ସମ୍ମିଳିତ ହେବା ପାଇଁ ଆମେରିକା ଯାତ୍ରା ପୂର୍ବରୁ ଇମରାନ୍ ପ୍ରଥମେ ସାଉଦି ଆରବ ଯାଇଥିଲେ । ସେ ସାଉଦି ଆରବରୁ ବାଣିଜ୍ୟିକ ବିମାନ ଯୋଗେ ଆମେରିକା ଯିବାକୁ ଚାହୁଁଥିଲେ । କିନ୍ତୁ ବିନ୍ ସଲମାନ୍ ଇମରାନଙ୍କୁ ନିଜ ଭଲ ବନ୍ଧୁ ହେବା କହି ନିଜ ବ୍ୟକ୍ତିଗତ ବିମାନରେ ଆମେରିକା ଯିବାକୁ କହିଥିଲେ । ଫ୍ରାଇଡେ ଟାଇମ୍ସ ମ୍ୟାଗାଜିନ୍ ରେ ଏମବିଏସ୍ ବିମାନର ଅସନ୍ତୁଷ୍ଟତା କାରଣରୁ ବିମାନକୁ ଅଧାବାଟରୁ ହିଁ ବାହୁଡିବାକୁ ପଡିଥିଲା ବୋଲି କୁହାଯାଇଛି । ତେବେ ପାକ୍ ସରକାରର ପ୍ରବକ୍ତା ଏହି ରିପୋର୍ଟକୁ ଖଣ୍ଡନ କରିଥିବା ବେଳେ ଇମରାନ୍ ଙ୍କ ଯାତ୍ରାକୁ ସଫଳ ଯାତ୍ରା ବୋଲି କୁହାଯାଇଛି । କିନ୍ତୁ ଫ୍ରାଇଡେ ଟାଇମ୍ସ ମୁତାବକ , ସାଉଦି କ୍ରାଉନ୍ ଯୁବରାଜ ମହମ୍ମଦ ବିନ୍ ସଲମାନ୍ ନ୍ୟୁୟର୍କରେ ପାକିସ୍ତାନ ପ୍ରଧାନମନ୍ତ୍ରୀଙ୍କ କୁଟନୀତିକୁ ଏତେ ନାପସନ୍ଦ କଲେ ଯେ ତାଙ୍କ ବ୍ୟକ୍ତିଗତ ବିମାନକୁ ହିଁ ଅଧାରୁ ବାହୁଡିବା ପାଇଁ ନିର୍ଦ୍ଦେଶ ଦେଇଥିଲେ ।