ରାଜନୀତିରେ ପ୍ରବେଶ କଲେ ଶତୃଘ୍ନ ସିହ୍ନାଙ୍କ ପୁଅ ଲବ୍ । ବିହାର ବାଙ୍କିପୁର ଆସନରୁ କଂଗ୍ରେସ ଟିକେଟରୁ ଲଢିବେ ନିର୍ବାଚନ
ରାଜନୀତିରେ ଶତୃଘ୍ନ ସିହ୍ନାଙ୍କ ପୁଅ ଲବ୍
କନକ ବ୍ୟୁରୋ : ବିହାରରେ ନିର୍ବାଚନ ପୂର୍ବରୁ ଦଳ ବଦଳ, ଟିକେଟ ଭାଗବଣ୍ଟାକୁ ନେଇ ଯେଭଳି ଭାବେ ରାଜନୀତି ଦେଖିବାକୁ ମିଳିଥିଲା ତାହା ଠାରୁ ଆହୁରି ଏକ ଖବର ବିହାର ରାଜନୀତିରେ ହଟଚମଟ ସୃଷ୍ଟି କରିଛି । ଚଳଚିତ୍ର ତାରକା ତଥା କଂଗ୍ରେସର ବରିଷ୍ଠ ନେତା ଶତୃଗ୍ନ ସିହ୍ନାଙ୍କ ପୁଅ ଏବେ ରାଜନୀତିରେ ଯୋଗ ଦେଇଛନ୍ତି । ଖାଲି ରାଜନୀତିରେ ଯୋଗ ଦେଇନାହାନ୍ତି । ସେ କଂଗ୍ରେସ ଟିକେଟ୍ ରୁ ବାଙ୍କିପୁର ଆସନରୁ ବିଧାୟକ ଭାବେ ନିର୍ବାଚନ ଲଢିବାକୁ ଯାଉଛନ୍ତି । ତାଙ୍କର କିଛି ରାଜନୈତିକ ସ୍ଥିତି ନଥିବା ବେଳେ ସେ ବାପାଙ୍କ ପରିଚୟ ନେଇ ଲୋକମାନଙ୍କ ପାଖକୁ ଯିବାକୁ ଅଣ୍ଟା ଭିଡିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବଲିଉଡ ଷ୍ଟାର ତଥା ପୂର୍ବତନ କେନ୍ଦ୍ରମନ୍ତ୍ରୀ ଶତୃଘ୍ନ ସିହ୍ନାଙ୍କ ପୁଅ ଲବ୍ ସିହ୍ନା ବିହାର ବିଧାନସଭା ନିର୍ବାଚନର ମାତ୍ର କିଛିଦିନ ପୂର୍ବରୁ ରାଜନୀତିରେ ଯୋଗ ଦେଇଛନ୍ତି । କଂଗ୍ରେସ ତାଙ୍କୁ ପାଟନା ଜିଲ୍ଲାର ବାଙ୍କିପୁର ବିଧାନସଭା କ୍ଷେତ୍ରରୁ ପ୍ରାର୍ଥୀ କରିବ ବୋଲି ଜଣାପଡିଛି । ତାଙ୍କର ପ୍ରତିଦ୍ୱନ୍ଦି ଭାବେ ବରିଷ୍ଠ ବିଜେପି ନେତା ନିତୀନ ନବୀନଙ୍କ ସହ ହେବ । ଏହି ଆସନରେ ବି ପୁଷ୍ପମ୍ ପ୍ରିୟା ଚୌଧୁରୀ ବି ପ୍ରାର୍ଥୀ ହୋଇଛନ୍ତି ।
ଏହି ଆସନରୁ ନିତୀନ ନବୀନ କ୍ରମାଗତ ଭାବେ ୩ ଥର ବିଧାୟକ ହୋଇଛନ୍ତି । ଏହି ଆସନର ବିଜେପିର ଏକ ଗଡ ଭାବେ ପରିଚିତ ହୋଇଥିବା ବେଳେ ନିଜର କିଛି ରାଜନୈତିକ ସ୍ଥିତି ନଥିବା ଲବ୍ ସିହ୍ନା ବାପାଙ୍କ ପରିଚୟରେ ଏଠାରୁ ନିର୍ବାଚନ ଲଢିବାକୁ ଯାଉଛନ୍ତି । ଶତୃଘ୍ନ ସିହ୍ନା ପାଟନାରୁ ବହୁବାର ସାଂସଦ ଭାବେ ନିର୍ବାଚିତ ହୋଇଛନ୍ତି । ୨୦୧୯ ନିର୍ବାଚନ ପୂର୍ବରୁ ଶତୃଘ୍ନ ସିହ୍ନା ବିଜେପି ଛାଡି କଂଗ୍ରେସରେ ଯୋଗ ଦେଇଥିଲେ । ସାଟଗନ୍ ନାମରେ ପରିଚିତ ଶତୃଘ୍ନ ସିହ୍ନା ଅଟଳ ବିହାରୀ ବାଜପେୟୀଙ୍କ ସରକାରରେ ମନ୍ତ୍ରୀ ହୋଇଥିଲେ । ସେ ବିଜେପିର ଜେଣ ଷ୍ଟାର ପ୍ରଚାରକ ଭାବେ ଗଣତି ହେଉଥିଲେ । ବାଙ୍କିପୁର ଆସନରେ କାୟସ୍ଥା ସଂପ୍ରଦାୟ ଅଧିକ ଭୋଟର ଥିବା ବେଳେ ଲବ୍ ସିହ୍ନା ବି କାୟସ୍ଥ ସଂପ୍ରଦାୟର । ଏହି କାରଣରୁ ଶତୃଘ୍ନ ସିହ୍ନା ତାଙ୍କ ପୁଅକୁ ଏହି ଆସନରୁ ପ୍ରାର୍ଥୀ କରିବାକୁ ପ୍ରସ୍ତାବ ଦେଇଥିଲେ । ୨୦୧୫ ରେ ବିଜେପିର ନିତୀନ ନବୀନ କଂଗ୍ରେସ ପ୍ରାର୍ଥୀ ଆଶିଷ କୁମାରଙ୍କୁ ୪୦ ହଜାର ଭୋଟରେ ପରାଜିତ କରିଥିଲେ । ହେଲେ ଏଥର ନିର୍ବାଚନ ତ୍ରୀକୋଣିୟ ହୋଇଥିବାରୁ ଏଥର କଂଗ୍ରେସ ପ୍ରାର୍ଥୀ ଜିତିବାର ସମ୍ଭାବନା ଅଧିକ ରହିଛି ।