କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଆକ୍ଷେପର ଜବାବ ରଖିଲା ବିଜେଡି । ସସ୍ମିତ କହିଲେ, ଓଡ଼ିଶାର ଚାଷୀଙ୍କୁ ପ୍ରତାରଣା କରିଛି ବିଜେପି ।
କନକ ବ୍ୟୁରୋ: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଆକ୍ଷେପର ଜବାବ ରଖିଛି ବିଜେଡି । ସାଂସଦ ସସ୍ମିତ ପାତ୍ର ପ୍ରେସମିଟ କରିଛନ୍ତି ଓଡ଼ିଶାର ଚାଷୀଙ୍କୁ ପ୍ରତାରଣା କରିଛି ବିଜେପି । ୨୦୧୪ରେ ସରକାରକୁ ଆସିଲେ ଏମଏସପି ଦେଢଗୁଣ ହେବ ବୋଲି ପ୍ରତିଶ୍ରୁତି ଦେଇଥିଲା ବିଜେପି, ଚାଷୀଙ୍କ ଆୟାକୁ ଦୁଇଗୁଣିତ କରିବାକୁ ପ୍ରତିଶୃତି ଦେଇଥିଲା ବିଜେପି କିନ୍ତୁ ସେମିତି କିଛି ହେଲାନି ।
ତିନୋଟି କୃଷି ବିରୋଧୀ ଆଇନ ଆଣିଲେ ବିଜେପି ସରକାର, ୬୦୦ ଚାଷୀଙ୍କ ମୃତ୍ୟ ପରେ ଶେଷରେ ବାଧ୍ୟ ହେଲେ ଆଇନକୁ ପ୍ରତ୍ୟାହାର କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଓଡ଼ିଶାର ଚାଷୀଙ୍କ ସହ ମଧ୍ୟ ବିଜେପିର ପ୍ରତାରଣା କରିଛି। ବଳକା ଚାଉଳ ଲିଫଟିଙ୍ଗ କରିବା ଦାୟିତ୍ୱ କେନ୍ଦ୍ରର, କିନ୍ତୁ ହେଉନି । ମୁଖ୍ୟମନ୍ତ୍ରୀ ଇନପୁଟ ସବସିଡି ଘୋଷଣା କଲେ ହେଲେ ବିଜେପି ନିର୍ବାଚନ କମିଶନକୁ ଭେଟି ଆଚରଣ ଵିଧି ଉଲ୍ଲଘଂନ ହେଉଥୁବା କହି ଏହାକୁ ବନ୍ଦ କରିଦେଲେ । ହେଲେ ନିର୍ବାଚନ ଯେଉଁ ଦିନ ସରିବ ଆମେ ପ୍ରତିଶ୍ରୁତି ଦେଉଛୁ ଏହାର ପର ଦିନ ଇନପୁଟ ସବସିଡି ଚାଷୀଙ୍କୁ ମିଳିବ, ଏହା ବିଜେଡିର ପ୍ରତିଶ୍ରୁତି ।
ଆଜି ପର୍ୟ୍ୟନ୍ତ ଟଙ୍କାଟିଏ ପଦ୍ମପୁର ରେଳଲାଇନ ପାଇଁ ମିଳିଲା ନାହିଁ, ଏହା ହିଁ ପ୍ରତାରଣା । ଏପଟେ କେନ୍ଦୁପତ୍ର ତୋଳାଳୀଙ୍କ ଜୀବନଜୀବିକା ଅସ୍ତବ୍ୟସ୍ତ ହୋଇଗଲା । ମୁଖ୍ୟମନ୍ତ୍ରୀ ଚିଠି ଲେଖିଲେ କେନ୍ଦ୍ରକୁ ବାରମ୍ବାର ଜିଏସଟି ହ୍ରାସ ପାଇଁ, ହେଲେ କେନ୍ଦ୍ର ସରକାର ଶୁଣିଲେ ନାହିଁ । ଠିକ ସମୟରେ ସଠିକ ପରିମାଣର ସାରା ଯୋଗେଇବା କେନ୍ଦ୍ରର ଦାୟିତ୍ୱ, ହେଲେ ତାହା ବି ହେଉନି । ଏବେ ବିଜେପିର ମୁଖା ଖୋଲିଯାଇଛି । ପଦ୍ମପୁରବାସୀ ଭଲ ଭାବେ ବୁଝି ବସାରିଛନ୍ତି ବିଜେପି କିଭଳି ସେମାନଙ୍କ ସହ ପ୍ରତାରଣା କରିଛି ଏବଂ ଆଗାମୀ ଦିନରେ ତାହାର ଉତ୍ତର ଠିକ ଭାବେ ମିଳିବ ।