ମହିଳା ସାଂସଦଙ୍କ ସହ ଫଟୋକୁ ନେଇ ଟ୍ରୋଲ ହେଲେ କଂଗ୍ରେସ ସାଂସଦ ଶଶୀ ଥରୁର । ୟୁଜର୍ସ କହିଲେ ଏପରି କଥା…
କନକ ବ୍ୟୁରୋ: ମହିଳା ସାଂସଦଙ୍କ ଗହଣରେ କଂଗ୍ରେସ ସାଂସଦ ଶଶୀ ଥରୁରଙ୍କ ଏକ ଫଟୋ ଖୁବ୍ ଭାଇରାଲ ହେବାରେ ଲାଗିଛି । ଏହି ଫଟୋକୁ ଥରୁର ଟ୍ୱିଟରରେ ସେୟାର କରିବା ପରେ କଡା ପ୍ରତିକ୍ରିୟା ଦେଇଛନ୍ତି ୟୁଜର୍ସ । ଫଳରେ ଶଶୀ ଥରୁରଙ୍କୁ ପୁଣିଥରେ ଆଉ ଏକ ପୋଷ୍ଟ କରି କ୍ଷମା ମାଗିବାକୁ ପଡିଛି ।
ଫଟୋରେ ଯେଉଁ ମହିଳା ସାଂସଦଙ୍କୁ ଦେଖୁଛନ୍ତି ସେମାନେ ହେଲେ କଂଗ୍ରେସ ସାଂସଦ ପରନୀତ କୌର ଏବଂ ଜୋଥିମାନି, ଟିଏମସି ସାଂସଦ ନୁସରତ ଜାହାନ ଏବଂ ମିମି ଚକ୍ରବର୍ତ୍ତୀ, ଏନସିପି ସାଂସଦ ସୁପ୍ରିୟା ସୁଲେ, ଡିଏମକେ ସାଂସଦ ଥାମିଦାଚି ଥାଙ୍ଗାପାଣ୍ଡିଅନ୍ । ଏହି ଫଟୋକୁ ଟ୍ୱିଟରରେ ଅପଲୋଡ କରିବା ସହ ଥରୁର ଯାହା ଲେଖିଥିଲେ ତାକୁ ନେଇ କଡା ପ୍ରତିକ୍ରିୟା ରଖିଛନ୍ତି ୟୁଜର୍ସ ।
Kanak News is now on WhatsApp
Join and get latest news updates delivered to you via WhatsApp
Who says the Lok Sabha isn’t an attractive place to work? With six of my fellow MPs this morning: @supriya_sule @preneet_kaur @ThamizhachiTh @mimichakraborty @nusratchirps @JothimaniMP pic.twitter.com/JNFRC2QIq1
— Shashi Tharoor (@ShashiTharoor) November 29, 2021
ଶଶୀ ଥରୁର ଏହି ଫଟୋକୁ ସେୟାର କରିବା ସହ ଲେଖିଛନ୍ତି ଯେ, ‘କିଏ କହୁଛି ଲୋକସଭା କାମ କରିବା ପାଇଁ ଏକ ଆକର୍ଷଣୀୟ ସ୍ଥାନ ନୁହେଁ? ଆଜି ସକାଳେ ଛଅ ଜଣ ସାଥୀ ସାଂସଦଙ୍କ ସହିତ… ‘ । ଏପରି ପୋଷ୍ଟ କରିବା ପରେ କିଛି ୟୁଜର୍ସ ଏହାକୁ ଶଶୀ ଥରୁରଙ୍କ କଦର୍ଯ୍ୟ ଚିନ୍ତାଧାରା ବୋଲି ମଧ୍ୟ କହିଛନ୍ତି । ଅଲିଶ ରେହମାନ ନାମକ ଜଣେ ୟୁଜର ଏହି ଫଟୋକୁ ଅନୁଚିତ କହିବା ସହ କେବଳ ଗ୍ଲାମର ବଢାଇବାକୁ ମହିଳାଙ୍କୁ ଲୋକସଭାକୁ ନିର୍ବାଚିତ କରାଯାଉଛି । ମଉଜ ପାଇଁ କିଛି ନେତା ରାଜନୀତିରେ ମହିଳାଙ୍କ ସଂରକ୍ଷଣ ଦାବୀ କରୁଥିବା କହିଛନ୍ତି । ସେହିପରି ଅନ୍ୟଜଣେ ୟୁଜର ମହିଳାଙ୍କୁ ଲୋକସଭାର ଆକର୍ଷଣ ବଢାଇବାକୁ କୌଣସି ସାମଗ୍ରୀ ବୋଲି ଭାବି ମହିଳାଙ୍କ ଅପମାନ ନକରିବାକୁ କହିଛନ୍ତି ।
ୟୁଜର୍ସଙ୍କ ଠାରୁ ତୀବ୍ର ପ୍ରତିକ୍ରିୟା ପାଇବା ପରେ ପୁଣି ଥରେ ଟ୍ୱିଟ କରି କ୍ଷମା ପ୍ରାର୍ଥନା କରିଛନ୍ତି ଶଶୀ ଥରୁର । ଏହି ସେଲ୍ଫି ମଜାରେ ମଜାରେ ନିଆଯାଇଥିଲା । କାହାର ଭାବନାକୁ କ୍ଷୁର୍ଣ୍ଣ କରିବା ତାଙ୍କର ଉଦ୍ଦେଶ୍ୟ ନୁହେଁ । ସେ ସବୁବେଳେ ସୌହାର୍ଦ୍ଦ୍ୟପୂର୍ଣ୍ଣ ପରିବେଶରେ କାମ କରିବାକୁ ଭଲ ପାଆନ୍ତି । ତେଣୁ ସେ କ୍ଷମା ମାଗିନେଉଛନ୍ତି ବୋଲି ଟ୍ୱିଟ କରିଛନ୍ତି ।