କନକ ବ୍ୟୁରୋ : ବଡ ଘରର ବଡ ଗୁମର । ବଧୂ ନିର୍ଯାତନା ମାମଲାରେ ଛନ୍ଦି ହୋଇଛନ୍ତି ବିଜେଡିର ହେଭିୱେଟ ନେତା ଶଶିଭୂଷଣ ବେହେରା । ଆଜି କୋର୍ଟରେ ହାଜର ହେବାକୁ ଥିବା ବେଳେ ସ୍ୱାସ୍ଥ୍ୟ ସମସ୍ୟା ଦର୍ଶାଇ ଶଶି ବେହେରା ହାଜର ହୋଇନାହାନ୍ତି । ଓକିଲଙ୍କ ଜରିଆରେ କୋର୍ଟର୍ଙ୍କୁ ସମୟ ମାଗିଛନ୍ତି । ଅନ୍ୟପଟେ କୋର୍ଟ ଜୁଲାଇ ୫ରେ ମାମଲାର ଶୁଣାଣି କରିବାକୁ ତାରିଖ ଧାର୍ଯ୍ୟ କରିଛନ୍ତି । ବଡ ଘରର ବିବାଦ ଏବେ କୋର୍ଟରେ ପହଂଚିଥିବାରୁ ସେଥିରୁ କଣ ରାୟ ଆସୁଛି, ତା ଉପରେ୍ ସମସ୍ତଙ୍କ ନଜର ରହିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ବାଙ୍କୀ ଏସଡିଜେଏମ କୋର୍ଟରେ ହାଜର ହେଉଛନ୍ତି, ବିଜେଡିର ହେଭିୱ୍ଟେ୍ ନେତା ଶଶି ଭୂଷଣ ବେହେରାଙ୍କ ବୋହୁ ରୋନାଲି ବେହେରା । ମାନ୍ୟବର ଏସଡିଜେଏମ୍ କୋର୍ଟଙ୍କ ନିର୍ଦ୍ଦେଶକ୍ରମେ ଉଭୟ ପରିବାରର ପକ୍ଷଭୁକ୍ତ ସଦସ୍ୟ ହାଜର ହେବାର ଥିଲା । ରୋନାଲି ତାଙ୍କ ବାପା ଏବଂ ଓକିଲଙ୍କ ସହ କୋର୍ଟରେ ହାଜର ହୋଇଛନ୍ତି । କିନ୍ତୁ ଶଶି ବେହେରାଙ୍କୁ ଡକାଯାଇଥିଲେ ମଧ୍ୟ ହାଜର ହୋଇନାହାନ୍ତି । ସ୍ୱାସ୍ଥ୍ୟଗତ ସମସ୍ୟା ଦେଖାଇ କୋର୍ଟଙ୍କ ଠାରୁ ଓକିଲଙ୍କ ଜରିଆରେ ସମୟ ମାଗିଛନ୍ତି । ଅନ୍ୟପଟେ ତାଙ୍କ ପୁଅ ତଥା ରୋନାଲିଙ୍କ ସ୍ୱାମୀ ସତ୍ୟ ବେହେରା କୋର୍ଟରେ ଓକିଲଙ୍କ ସହ ହାଜର ହୋଇଛନ୍ତିି । କୋର୍ଟ ରୁମରେ ସ୍ୱାମୀ ସ୍ତ୍ରୀ ପରସ୍ପରକୁ ଚାହିଁନଥିବା କହିଛନ୍ତି ରୋନାଲି । ଯୌତୁକ ନିର୍ଯାତନା, ଘରୋଇ ହିଂସା, ମାନସିକ ଓ ଶାରିରୀର ନିର୍ଯାତନା ଭଳି ସଙ୍ଗୀନ ଓ ସାଂଘାତିକ ଅଭିଯୋଗ ସ୍ୱାମୀ, ଶ୍ୱଶୂର ଓ ଶ୍ୱଶୂର ଘର ଲୋକଙ୍କ ନାଁରେ ଆଣିଛନ୍ତି ରୋନାଲି ।
ଅନ୍ୟପଟେ ଶନିବାର ଶଶି ବେହେରା ହାଜର ନହେବାରୁ ଶୁଣାଣି ତାରିଖ ଘୁଂଚାଇଛନ୍ତି ମାନ୍ୟବର କୋର୍ଟ । ଆସନ୍ତା ୫ ତାରିଖରେ ପରିବାର ସହିତ ଉଭୟ ପକ୍ଷ ପୁଣି କୋର୍ଟରେ ହାଜର ହେବେ ବୋଲି ରୋନାଲିଙ୍କ ଓକିଲ କହିଛନ୍ତି । ଏହାରି ଭିତର୍୍େ ସତ୍ୟ ବେହେରାଙ୍କର ପ୍ରତିକ୍ରିୟା ପାଇଁ ଆମେ ଚେଷ୍ଟା କରିଥିଲେ ମଧ୍ୟ କ୍ୟାମେରା ଆଗରେ ସେ କିଛି କହିବାକୁ ମନା କରିଦେଇଥିଲେ ।
୨୦୨୩ ଗତ ମେ ୧୬ ତାରିଖରେ ରୋନାଲି ଗଣମାଧ୍ୟମ ସାମ୍ନାକୁ ଆସିଥିଲେ । ନିଜ ସ୍ୱାମୀ ଓ ଶ୍ୱଶୂର ଘର ନାଁରେ ଅଭିଯୋଗ କରିଥିଲେ ବି କେହି ଶୁଣିନଥିବା ଅଭିଯୋଗ କରିଥିଲେ । ଆଗକୁ ଏହି ଘଟଣାର କୋର୍ଟ କଣ ନିସ୍କର୍ଷ ଦେଉଛନ୍ତି ତା ଉପରେ ସମସ୍ତଙ୍କ ନଜର ରହିଛି ।