୪ଦିନରେ ଗଲାଣି ୫ଜଣ ସେଲିବ୍ରେଟିଙ୍କ ଜୀବନ, ଆଦିତ୍ୟ ସିଂ ରାଜପୁତଙ୍କ ପରେ ବୈଭବୀ ଉପାଧ୍ୟାୟଙ୍କର ଦୁର୍ଘଟଣାରେ ମୃତ୍ୟୁ

କନକ ବ୍ୟୁରୋ : ଦେଶର ମନୋରଞ୍ଜନ ଶିଳ୍ପ ଗତ କିଛିଦିନ ହେବ ଖରାପ ସମୟ ଦେଇ ଗତି କରୁଛି । ଗତ ୪ ଦିନ ମଧ୍ୟରେ ୫ଜଣ ସେଲିବ୍ରେଟିଙ୍କର ଅଚାନକ୍ ମୃତ୍ୟୁ ହେବା ଏବେ ସମସ୍ତଙ୍କୁ ଚିନ୍ତାରେ ପକାଇଛି ।

କିଛିଦିନ ତଳେ ଟେଲିଭିଜନ ତାରକା ଆଦିତ୍ୟ ସିଂ ରାଜପୁତଙ୍କର ମୃତ୍ୟୁ ହୋଇଥିବା ବେଳେ ଆଜି ଟେଲିଭିଜନ ଅଭିନେତ୍ରୀ ବୈଭବୀ ଉପାଧ୍ୟାୟଙ୍କର ମୃତ ଶରୀର ତାଙ୍କ ବାସଭବନରୁ ମିଳିଛି । ୩୨ ବର୍ଷିୟା ବୈଭବୀ ସାରାଭାଇ ବନାମ ସାରାଭାଇ ଧାରାବାହିକରେ ଜଷ୍ଟିନ ଭୂମିକାରେ ଅଭିନୟ କରୁଥିବା ବୈଭବୀ ଉପାଧ୍ୟାୟଙ୍କ କାର ମଙ୍ଗଳବାର ଦିନ ହିମାଚଳ ପ୍ରଦେଶରେ ଦୁର୍ଘଟଣାରେ ଶିକାର ହୋଇଥିଲା । ଏଥିରେ ବୈଭବୀଙ୍କର ମୃତ୍ୟୁ ହୋଇଛି । ସୂଚନା ମୁତାବକ ଚଣ୍ଡିଗଡ ନିକଟବର୍ତ୍ତି ଏକ ସ୍ଥାନରେ ବୈଭବୀଙ୍କ କାର ଦୁର୍ଘଟଣାରେ ଶିକାର ହୋଇଥିଲା । ତାଙ୍କର ମୃତ୍ୟୁ ପରେ ପରିବାର ଲୋକ ତାଙ୍କ ଶବକୁ ଆଣି ମୁମ୍ବାଇରେ ପହଂଚିଛନ୍ତି । ଏଠାରେ ତାଙ୍କର ଅନ୍ତିମ ସଂସ୍କାର କରାଯିବ । ବୈଭବୀ କାରରେ ତାଙ୍କ ଭାବି ସ୍ୱାମୀଙ୍କ ସହ ଯାଉଥିବା ବେଳେ ଗାଡିଟି ଦୁର୍ଘଟଣାରେ ଶିକାର ହୋଇଥିଲା ।

ସେପଟେ ପ୍ରସିଦ୍ଧ ଟେଲିଭିଜନ କଳାକାର ଆଦିତ୍ୟ ସିଂ ରାଜପୁତଙ୍କର ମୃତଦେହ ମେ ୨୨ ତାରିଖରେ ତାଙ୍କ ଫ୍ଲାଟରୁ ମିଳିଥିଲା । ଆଦିତ୍ୟଙ୍କ ଶବ ସନ୍ଦିଗ୍ଧ ଅବସ୍ଥାରେ ତାଙ୍କ ତ୍ଥବାଥରୁମରେ ପଡିଥିଲା   । ମଙ୍ଗଳବାର ଦିନ ଏହି ଅଭିନେତାଙ୍କ ଅନ୍ତିମ ସଂସ୍କାର ମୁମ୍ବାଇରେ କରାଯାଇଛି ।