କନକ ବ୍ୟୁରୋ: ସୈଫ୍ ଅଲ୍ଲି ଖାନଙ୍କ ଝିଅ ତଥା ଅଭିନେତ୍ରୀ ସାରା ଅଲ୍ଲି ଖାନ୍ ଏବେ ଗୋଟିଏ ଗୁରୁତ୍ୱପୂର୍ଣ୍ଣ କାମରେ ବ୍ୟସ୍ତ । ଆଜିକାଲି ଗୁରୁ ଖୋଜିବାରେ ବ୍ୟସ୍ତ ସାରା । ହେଲେ କାରଣ କ’ଣ ଜାଣନ୍ତି?
Kanak News is now on WhatsApp
Join and get latest news updates delivered to you via WhatsApp
ଅସଲ କଥା ହେଲା ନିକଟରେ କମେଡି ଆଧାରିତ ଏକ ମଜାଦାର ଫିଲ୍ମରେ ଅଭିନୟ କରିବାକୁ ଯାଉଛନ୍ତି ସାରା । ତେଣୁ ଏ ବାବଦରେ କିଛି ଶିଖିବାକୁ ମନ ବଳାଉଛନ୍ତି ସାରା । ସେଥିପାଇଁ ଏବେ ପ୍ରତିଦିନ କମେଡି ଫିଲ୍ମ ଦେଖୁଛନ୍ତି । ତା’ ସହ ଏପରି ଜଣେ ଅଭିଜ୍ଞ ବ୍ୟକ୍ତିଙ୍କ ସନ୍ଧାନରେ ଅଛନ୍ତି ଯିଏ, ଯିଏ ତାଙ୍କୁ କମେଡି ଅଭିନୟ ବିଷୟରେ ଯଥେଷ୍ଟ ଜ୍ଞାନ ଦେଇପାରିବେ । ଏନେଇ ଏକ ସାକ୍ଷାତକାରରେ ସାରା କହିଛନ୍ତି ‘ ମୋତେ ଏକ କମେଡି ଫିଲ୍ମରେ ଆକ୍ଟିଂ କରିବାକୁ ସୁଯୋଗ ମିଳିଛି । ହେଲେ ଏହି ଭୂମିକାକୁ ମୁଁ ନିଖୁଣ ଭାବେ ତୁଲାଇ ପାରିବି କି ନାହିଁ ସେ ନେଇ ଦ୍ୱନ୍ଦ୍ୱ୍ୱରେ ଅଛି । କେବଳ ଏତିକି ନୁହେଁ ଏପରି ଜଣେ ଗୁରୁଙ୍କୁ ଖୋଜୁଛି ଯିଏ ମୋତେ କମେଡି ଭଲ ଭାବେ ଶିଖାଇପାରିବେ’ ।ତେବେ ଆଜିକାଲି କମେଡି ମାୟାରେ ପଡିଥିବା ସାରା ଏପରି ଏକ ଫିଲ୍ମରେ କେତେ ସଫଳ ହେବେ ତା’ ଉପରେ ପ୍ରଶଂସକଙ୍କ ନଜର ।