ୟୁରୋପୀୟ ଦେଶ ଗୁଡ଼ିକରେ ସଂସ୍କୃତ ଭାଷାକୁ ନେଇ ଚାଲିଛି ଗବେଷଣା । ହେଲେ ଓଡ଼ିଶା ଗଣଶିକ୍ଷା ବିଭାଗ ପାଇଁ ଏହି ଭାଷା ପାଲଟିଯାଇଛି ଏକ ବିକଳ୍ପ
କନକ ବ୍ୟୁରୋ: ୟୁରୋପୀୟ ଦେଶ ଗୁଡ଼ିକରେ ସଂସ୍କୃତ ଭାଷାକୁ ନେଇ ବଡ଼ ବଡ଼ ଗବେଷଣା ଚାଲିଛି । କିନ୍ତୁ ଓଡ଼ିଶାର ଗଣଶିକ୍ଷା ବିଭାଗ ପାଇଁ ଏହି ଭାଷା ବିଷୟ କିନ୍ତୁ ଏକ ବିକଳ୍ପ ପାଲଟି ଯାଇଛି । ନିକଟରେ ଏକ ସରକାରୀ ବିଜ୍ଞପ୍ତି ପ୍ରକାଶ ପାଇଛି, ଯେଉଁଥିରେ କୁହାଯାଇଛି, ହାଇସ୍କୁଲର ଛାତ୍ରଛାତ୍ରୀ ଯଦି ଚାହିଁବେ, ଧନ୍ଦାମୂଳକ ଶିକ୍ଷାକୁ ତୃତୀୟ ବିଷୟ ଭାବେ ବିକଳ୍ପ ବାଛି ପାରିବେ ।
Kanak News is now on WhatsApp
Join and get latest news updates delivered to you via WhatsApp
ମାର୍ଚ୍ଚ ୧୦ରେ ପ୍ରକାଶ ପାଇଥିବା ବିଜ୍ଞପ୍ତ କୁହାଯାଇଥିଲା ରାଜ୍ୟର ୩୫୫ଟି ହାଇସ୍କୁଲର ଛାତ୍ରଛାତ୍ରୀମାନେ ତୃତୀୟ ଭାଷା ବାଛିବା ଦିଗରେ ଆଉ ଗୋଟିଏ ବିକଳ୍ପ ପାଇପାରିବେ । ଆଉ ସେହି ବିଷୟଟି ହେଉଛି-ଭୋକେଶନାଲ କମ୍ପ୍ୟୁଟର ଆଇଟି ଶିକ୍ଷା । ଆଉ ଏହି ବିଜ୍ଞପ୍ତିର ସବୁଠାରୁ ଅଧିକ ପ୍ରଭାବ ସଂସ୍କୃତ ଭାଷା ଉପରେ ପଡ଼ିବାକୁ ଯାଉଛି ।
ସଂସ୍କୃତିକୁ ତୃତୀୟ ଭାଷା ବିଷୟ ଭାବେ ବିକଳ୍ପ ନେବା ବଦଳରେ ଧନ୍ଦାମୂଳକ ଶିକ୍ଷାକୁ ବାଛିବାର ଅନେକ କାରଣ ରହିଛି । ପ୍ରମୁଖ କାରଣଟି ହେଲା-ପ୍ରାକ୍ଟିକାଲ । ଭୋକେଶନାଲ ଶିକ୍ଷାରେ ରହୁଛି ୭୦ ପ୍ରତିଶତ ପ୍ରାକ୍ଟିକାଲ ନମ୍ବର । ତେବେ ଶିକ୍ଷା ବିଭାଗର ଏହି ନିଷ୍ପତି ଯୋଗୁଁ ସଂସ୍କୃତ ଭାଷା ଅଧିକ ପ୍ରଭାବିତ ହେବାର ଆଶଙ୍କା କରିଛି ।
ନିଖିଳ ଉକ୍ରଳ ସଂସ୍କୃତ ଶିକ୍ଷକ ସଂଘ । ଭାଷାପତ୍ରର ବିକଳ୍ପ ରୂପେ କମ୍ପ୍ୟୁଟର ଶିକ୍ଷାକୁ ଯଦି ଗ୍ରହଣ କରାଯାଏ ତେବେ ଭବିଷ୍ୟତରେ ସଂସ୍କୃତ ନିଜର ଅସ୍ଥିତ୍ୱ ହରାଇବ ବୋଲି ବୋଲି ସଂଘ କହିଛି । ଅନ୍ୟପଟେ ସଂସ୍କୃତ ହେଉଛି ଆମର ଆଦିଭାଷା, ଏହାକୁ ଶିକ୍ଷା ବ୍ୟବସ୍ଥାରୁ ହଟାଇବୁ ନାହିଁ । କିନ୍ତୁ ଧନ୍ଦାମୂଳକକୁ ଅଧିକ ଗୁରୁତ୍ୱ ଦିଆଯିବ ବୋଲି ବିଭାଗୀୟ ମନ୍ତ୍ରୀ କହିଛନ୍ତି ।
ସଂସ୍କୃତ ଶିକ୍ଷକ ସଂଘର ଆଶଙ୍କା ଓ ମନ୍ତ୍ରୀଙ୍କ ସ୍ପଷ୍ଟିକରଣ ଭିତରେ ପ୍ରଶ୍ନ ଉଠୁଛି-
ହାଇସ୍କୁଲରୁ ଉଭାନ ହୋଇଯିବ କି ସଂସ୍କୃତ ବିଷୟ?
ସଂସ୍କୃତ ଭାଷା ପ୍ରତି ଅଣଦେଖା କରୁଛନ୍ତି କି ସରକାର?
ଧନ୍ଦାମୂଳକ ଶିକ୍ଷା ପାଇଁ ପଛରେ ପଡ଼ିଯିବ କି ସଂସ୍କୃତ?