ପଶ୍ଚିମ ଓଡ଼ିଶାରୁ ନବୀନ ଲଢିବା ପ୍ରସଙ୍ଗ: ସାଂସଦ ପ୍ରସନ୍ନ ଆଚାର୍ଯ୍ୟ କହିଲେ, ପ୍ରସ୍ତାବ ଦେଇଛୁ କେଉଁଠୁ ଲଢିବେ ନିଷ୍ପତି ନେବେ ସୁପ୍ରିମୋ
କନକ ବ୍ୟୁରୋ: ପଶ୍ଚିମ ଓଡିଶାରୁ ପ୍ରାର୍ଥୀ ହୋଇପାରନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ତେବେ କେଉଁ ସ୍ଥାନରୁ ଲଢିବେ ସେ ନେଇ ମୁଖ୍ୟମନ୍ତ୍ରୀ ନିଜେ ନିଷ୍ପତି ନେବେ ବୋଲି କହିଛନ୍ତି ସାଂସଦ ପ୍ରସନ୍ନ ଆଚାର୍ଯ୍ୟ । ବିଗତ ୫ବର୍ଷରେ ପଶ୍ଚିମ ଓଡିଶାରେ ରାଜ୍ୟ ସରକାର ଅନେକ ବିକାଶ ମୂଳକ କାମ କରିଥିବାରୁ ଏକ ଭାବଗତ ସମ୍ପର୍କ ସୃଷ୍ଟି ହୋଇଛି । ତେଣୁ ପଶ୍ଚିମ ଓଡିଶାର ଜନ ପ୍ରତିନିଧିଙ୍କ ଠାରୁ ଆରମ୍ଭ କରି ଲେଖକ , କବି , ସାମ୍ବାଦିକ ସମସ୍ତେ ନବୀନଙ୍କୁ ପ୍ରସ୍ତାବ ଦେଇଥିଲେ ପଶ୍ଚିମ ଓଡିଶାରୁ ଲଢିବା ପାଇଁ । ତେବେ ଏହି ପ୍ରସ୍ତାବକୁ ଗ୍ରହଣ କରି ଏହା ଉପରେ ବିଚାର କରୁଛନ୍ତି ବୋଲି ନବୀନ କହିଥିବା କନକ ନ୍ୟୁଜକୁ ସୂଚନା ଦେଇଛନ୍ତି ପ୍ରସନ୍ନ ।
Kanak News is now on WhatsApp
Join and get latest news updates delivered to you via WhatsApp
ଆଜି ଗଣମାଧ୍ୟମକୁ ସୂଚନା ଦେଇ ବିଜେଡି ସୁପ୍ରିମୋ କହିଛନ୍ତି କି, ଏଥର ପଶ୍ଚିମ ଓଡିଶାରୁ ସେ ନିର୍ବାଚନ ଲଢିପାରନ୍ତି । ନବୀନ କହିଛନ୍ତି, ପଶ୍ଚିମ ଓଡିଶାରୁ ଲଢିବା ପାଇଁ ସେ ବିଚାର କରୁଛନ୍ତି । ନେତା, ଚାଷୀ ଓ ମହିଳାଙ୍କ ଅନୁରୋଧ ପରେ ଗଣମାଧ୍ୟମକୁ ଏଭଳି ସୂଚନା ଦେଇଛନ୍ତି ନବୀନ । ତେବେ ନବୀନଙ୍କର ନିଜର ନିର୍ବାଚନ ମଣ୍ଡଳୀ ହେଉଛି ହିଂଜିଳୀ । ଏଠାରୁ ମୁଖ୍ୟମନ୍ତ୍ରୀ ୪ ଥର ନିର୍ବାଚନ ଲଢି ଅପରାଜେୟ ରହି ଆସିଛନ୍ତି ।
ହିଂଜିଳିରୁ ପ୍ରଥମେ ୨୦୦୦ ମସିହାରେ ନିର୍ବାଚନ ଲଢି ବିଜୟୀ ହୋଇଥିଲେ ନବୀନ । ଏହା ପରେ ୨୦୦୪, ୨୦୦୯ ଓ ୨୦୧୪ ମସିହାରୁ ଏଠାରୁ ନିର୍ବାଚନ ଲଢିଛନ୍ତି ବିଜୟୀ ହୋଇଛନ୍ତି ମୁଖ୍ୟମନ୍ତ୍ରୀ । ତେବେ ଏଥର ପଶ୍ଚିମଓଡିଶାର ନେତା ତଥା ବିଭିନ୍ନ ବର୍ଗର ବ୍ୟକ୍ତି ବିଶେଷଙ୍କ ଅନୁରୋଧ ପରେ ନବୀନ ପଶ୍ଚିମଓଡିଶାରୁ ନିର୍ବାଚନ ଲଢିବା ନେଇ ବିଚାର କରୁଥିବା କହିଛନ୍ତି । ମୁଖ୍ୟମନ୍ତ୍ରୀଙ୍କ ଏପରି ଘୋଷଣା ପରେ ପରେ ପଶ୍ଚିମଓଡିଶାର ରାଜନୀତି ବେଶ୍ ଜୋର ଧରିଛି ।