ବଲିଉଡର ମୁନ୍ନାଭାଇ ଭାବେ ଜଣାଯାଉଥିବା ସଂଜୟଦତ୍ତଙ୍କ ବାୟୋପିକକୁ ନେଇ ବିଭିନ୍ନ ମହଲରେ ଚର୍ଚ୍ଚା ଚାଲିଛି । ରଣବୀର କପୁର ଏଥିରେ ମୁଖ୍ୟ ଭୂମିକାରେ ଅଭିନୟ କରୁଥିବା ବେଳେ ଅନ୍ୟାନ୍ୟ ଭୂମିକାରେ ଦିୟା ମିର୍ଜା,ମନିଷା କୋଇରାଲା , ପରେଶ ରାୱଲ , ସୋନମ କପୁର , କରିସ୍ମା ତନ୍ନା ଦେଖାଦେବେ । ନିର୍ଦ୍ଦେଶକ ରାଜକୁମାର ହିରାନୀଙ୍କର ଏହା ଡ୍ରିମ୍ ପ୍ରୋଜେକ୍ଟ । ଜାନୁୟାରୀ ୨୦୧୭ରେ ଏହି ଚଳଚ୍ଚିତ୍ରର ସୁଟିଂ ଆରମ୍ଭ ହୋଇଥିଲା । ଚଳଚ୍ଚିତ୍ରର ଶେଷ ଭାଗର ସୁଟିଂ ବର୍ତ୍ତମାନ ଚାଲୁଥିବାର ସୂଚନା ମିଳିଛି ।

Advertisment

କିଛିଦିନ ତଳେ ଖବର ଉଠିଥିଲା ଯେ ଏହି ବାୟୋପିକ୍ ଦଶହରା ଅବସରରେ ମୁକ୍ତିଲାଭ କରିବ । ନିର୍ଦ୍ଦେଶକ ରାଜକୁମାର ଏକ ସାକ୍ଷାତକାରରେ ଏସବୁ ଉଡ଼ା କଥା ବୋଲି କହିଛନ୍ତି । ୨୦୧୮ ମାର୍ଚ୍ଚରେ ସର୍ବଭାରତୀୟ ସ୍ତରରେ ଚଳଚ୍ଚିତ୍ରଟି ମୁକ୍ତିଲାଭ କରିବ ବୋଲି ଜଣାପଡ଼ିଛି ।