କନକ ବ୍ୟୁରୋ : ଚୋରା ବାଲି ଚାଲାଣକୁ ବିରୋଧ କରିବାରୁ ଆରଆଇଙ୍କୁ ସଂଘବଦ୍ଧ ଆକ୍ରମଣ । କଟକ ଜିଲ୍ଲା ମାହାଙ୍ଗା ଅଂଚଳରେ ଦେଖିବାକୁ ମିଳିଛି ବାଲି ମାଫିଆଙ୍କ ଦାଦାଗିରି । ଉଦବେଗଜନକ କଥା ହେଉଛି, ପୁଲିସ ଉପସ୍ଥିତିରେ ବାଲି ମାଫିଆମାନେ ଆରଆଇ ଓ ଅନ୍ୟ କର୍ମଚାରୀଙ୍କୁ ମାରପିଟ କରିଛନ୍ତି । ଆକ୍ରମଣରେ ମାହାଙ୍ଗା ଆରଆଇ ଗଣେଶ୍ୱର ହେମ୍ବ୍ରମଙ୍କ ମୁଣ୍ଡରେ ଆଘାତ ଲାଗିଛି । ଘଟଣାସ୍ଥଳରୁ ତାଙ୍କୁ ଉଦ୍ଧାର କରାଯାଇ ମାହାଙ୍ଗା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ବିରୂପା ନଦୀରୁ ବେଆଇନ ଭାବେ ବାଲି ଚାଲାଣ ଖବର ପାଇ ଚଢାଉ କରିଥିଲେ ମାହାଙ୍ଗା ତହସିଲର ଏକ ଟିମ୍ । ବାଲି ବୋଝେଇ ଏକ ଟ୍ରାକ୍ଟରକୁ ବିରୂପା ନଦୀ ନିକଟରେ ତହସିଲ ଟିମ ଜବତ କରିବା ପରେ ଫେରାର ହୋଇଯାଇଥିଲା ଡ୍ରାଇଭର । ପରେ ଜବତ ଗାଡିକୁ ଅନ୍ୟ ଏକ ଡ୍ରାଇଭର ଡାକି ଆଣାଯାଉଥିଲା । ସେହି ସମୟରେ ଗାଡି ମାଲିକ ଓ ତାଙ୍କ ସହଯୋଗୀ ତହସିଲ ଟିମ ଉପରେ ଆକ୍ରମଣ କରିଥିଲେ । ମାହାଙ୍ଗା ଆରଆଇଙ୍କୁ ମାଡ ମାରି ମୁଣ୍ଡ ଫଟେଇ ଦେଇଥିଲେ । ମାହାଙ୍ଗା ପୁଲିସ ଏହାର ତଦନ୍ତ କରୁଥିବା ବେଳେ ଅଭିଯୁକ୍ତଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି ।